ពេលនេះ ក្រុមហ៊ុនយក្ស Microsoft ប្រហែលជាបាត់បង់នូវអតិថិជនទាំងអស់ក្នុងក្រុងមួយនៃប្រទេសរុស្សី។ បើតាមប្រភពពីព័ត៌មាន Bloomberg បានឱ្យដឹងថា ក្រុងម៉ូស្គូនឹងចាប់ផ្តើមជំនួសនូវផលិតផលក្នុងស្រុករបស់ក្រុមហ៊ុន Redmond ដោយប្រើប្រាស់នូវកម្មវិធី Software របស់ខ្លួនវិញដែលជាលទ្ធផលនៃការជម្រុញរបស់លោកវ្ល៉ាឌីមៀរពូទីនដើម្បីបញ្ឈប់ការអាស្រ័យប្រើប្រាស់ទៅលើបច្ចេកវិទ្យារបស់ក្រុមហ៊ុនបរទេស។
លោក Artem Yermolaev ដែលជាប្រធានបច្ចេកវិទ្យានៃទីក្រុងមួយនេះបានប្រាប់អ្នកសារព័ត៌មានជាច្រើនថា ក្រុងម៉ូស្គូនឹងចាប់ផ្តើមបោះបង់ការប្រើប្រាស់នូវ Exchange Service របស់ក្រុមហ៊ុន Microsoft និងជំនួសនូវកម្មវិធី Outlook នៅលើកុំព្យូទ័រជាង 6,000 គ្រឿងដោយប្រើប្រាស់នូវកម្មវិធី Email System របស់ក្រុមហ៊ុន Rostelecom PJSC វិញ។ មន្ត្រីអាជ្ញាធរកំពុងតែសម្លឹងក្នុងការដាក់ឱ្យប្រើប្រាស់នូវ Email Software ឱ្យបានដល់ទៅ 600,000 គ្រឿងនៅថ្ងៃអនាគត។ ពួកគេប្រហែលជាធ្វើការផ្លាស់ប្តូរនូវប្រព័ន្ធប្រតិបត្តិការ Windows និង Office ទាំងមូលតែម្តង បើទោះបីជាផែនការនេះនៅមិនទាន់រឹងមាំនៅឡើយទេនៅក្នុងពេលនេះ។
ប្រធានាធិបតីរបស់ប្រទេសរុស្សី បានអំពាវនាវដល់ក្រុមហ៊ុនជាច្រើន និងអង្គភាពជាច្រើនទៀតដើម្បីជ្រើសរើសនូវផលិតផលក្នុងស្រុកវិញនៅខណៈពេលនេះ។ ដើម្បីធានាទៅលើអ្វីដែលពួកគេកំពុងធ្វើនៅពេលនេះ លោកពូទីនប្រហែលជាបង្កើននូវការយកពន្ធទៅលើប្រតិបត្តិការនៃជំនួញរបស់អាមេរិច និងរុស្សី។
នៅក្នុងប៉ុន្មានឆ្នាំចុងក្រោយនេះ រដ្ឋាភិបាលរបស់លោកពូទីនបានអនុម័តច្បាប់ជាច្រើន និងការដាក់កម្រិតយ៉ាងតឹងរ៉ឹងដើម្បីធានាបាននូវការរឹតបន្តឹងទៅលើវិស័យបច្ចេកវិទ្យា។ ត្រលប់ទៅកាន់ឆ្នាំ 2014 វិញ វាទាមទារឱ្យគេហទំព័រជាច្រើននៅក្នុងប្រទេសរុស្សីដើម្បីរក្សាទុកទិន្នន័យផ្ទាល់ខ្លួនរបស់ប្រជាជនខ្លួននៅក្នុង Servers នៅតាមព្រំដែនរបស់ខ្លួន។ កាលពីដើមឆ្នាំនេះ វាចាប់ផ្តើមតម្រូវឱ្យអ្នកផ្គត់ផ្គង់សេវាកម្មអ៊ីនធើណិត (Internet Providers) ធ្វើការបន្ថែមនូវទ្វារក្រោយមួយទៀត (Backdoor) ដើម្បីចូលទៅកាន់នូវ Encrypted Messages របស់អ្នក Subscribers ទៀតផង៕