Galaxy Note 7 ជាង 96% ត្រូវបានក្រុមហ៊ុន Samsung ប្រមូលត្រឡប់មកវិញ
អស់រយះពេលប្រមាណជាង 5 ខែ បន្ទាប់ពីក្រុមហ៊ុន Samsung បានធ្វើការប្រកាស់ឲ្យប្រមូលយកមកវិញនូវទូរស័ព្ទស្មាតហ្វូន Galaxy Note 7 ដែលមានបញ្ហាទូទាំងពិភពលោក ក្រុមហ៊ុនហ៊ុន Samsung ក៏បានចេញសេចក្តីប្រកាសថា ប្រមាណជាជាង 96% នៃទូរស័ព្ទ Galaxy Note 7 ត្រូវបានប្រមូលមកដល់ក្រុមហ៊ុនវិញ។ ជាមួយគ្នានេះដែរ ក្រសួងគមនាគមន៍អាមេរិច បានធ្វើការសម្រេចចិត្តឲ្យក្រុមហ៊ុនអាកាសចរណ៍ទាំងអស់ ធ្វើការផ្តល់ដំណឹងជាមុន នឹងហាមមិនឲ្យនាំយកទូរស័ព្ទស្មាតហ្វូនម៉ូដែលនេះ ទៅលើយន្តហោះនោះឡើយ។ ហើយកាលពីខែតុលាឆ្នាំមុន FAA ក៏បានដាក់បម្រាមមិនឲ្យមានវត្តមានទូរស័ព្ទ Note 7 នៅលើយន្តហោះណាមួយឡើយ ដើម្បីរក្សាឲ្យបាននូវសុវត្ថិភាព ខណះពេលដែលមានការផ្ទុះមួយនៅលើយន្តហោះដឹកអ្នកដំណើររបស់ក្រុមហ៊ុនអាកាសចរណ៍ Southwest Airlines មុនសេចក្តីប្រកាសហាមប្រាមនេះ។
គួរបញ្ជាក់ផងដែរថា ក្រុមហ៊ុន Samsung បានធ្វើការប្រកាសឲ្យឈប់យកទូរស័ព្ទ Galaxy Note 7 ទៅសាកថ្ម កាលពីខែឆ្នូកន្លងទៅ ហើយក្រុមហ៊ុនទទួលបានប្រមាណជាង 85 ភាគរយ នៃការហៅប្រមូលត្រឡប់មកវិញ ហើយវាត្រូវបានគេគិតថា ជាការសម្រេចចិត្តដ៏ត្រឹមត្រូវមួយពីសំណាក់ក្រុមហ៊ុន ហើយជាលទ្ធផលការប្រមូលត្រឡប់មកវិញមានអត្រាកើនឡើងប្រមាណជាង 96 ភាគរយ បន្ទាប់ពីរំលងអស់មួយសប្តាហ៍កន្លងទៅ។
ក្រុមហ៊ុន Samsung ក៏បានបង្ហាញពីក្តីរំពឹងរបស់ខ្លួនថានឹងធ្វើការបង្ហាញពីលទ្ធផលនៃការសើុបអង្កេតធ្វើតេស្តសាកល្បងទៅលើបញ្ហាដែលកើតមានលើ Galaxy Note 7 នៅក្នុងខែនេះផងដែរ។ យ៉ាងណាមិញក្រុមហ៊ុន Samsung ក៏នៅតែមានក្តីរំពឹងថា ខ្លួននឹងនៅតែអាចមានឱកាសបន្តនូវទូរស័ព្ទស្មាតហ្វូនត្រកូល Note Series ដើម្បីស្នងតំណែងរបស់ Galaxy Note 7 នៅក្នុងត្រីមាសទីពីរក្នុងឆ្នាំ2017 នេះ។ ម្យ៉ាងវិញទៀត ជោគវាសនារបស់ Galaxy Note 7 នៅសល់ 4 ភាគរយទៀត នៅមិនទាន់ បានដឹងច្បាស់លាស់នៅឡើយ។ សង្ឃឹមថា យើងនឹងមិនបាន ឮអំពីគ្រោះថ្នាក់ចៃដន្យដែលបង្កឡើងដោយសារផលិតផលទាំងអស់នេះនៅក្នុងប៉ុន្មានខែ ឬប៉ុន្មានឆ្នាំខាងមុខទៅចុះ៕
TECNO POVA 6 Pro 5G ស្មាតហ្វូនលេងហ្គេមល្អបំផុតតម្លៃក្រោម $300 មានភ្ជាប់ជាមួយនឹងបន្ទះឈីប 5G និងមានថាមពលថ្មប្រើប្រាស់បានយូរ
Huawei បានវិនិយោគទឹកប្រាក់ជាង 1 ពាន់លានយ៉ន់ទៅលើការស្រាវជ្រាវ និងអភិវឌ្ឍនារយៈពេលជាង 10 ឆ្នាំមកនេះ
ក្រុមហ៊ុនហួវៃ ដាក់សម្ពោធ កុំព្យូទ័រ AI HUAWEI Matebook Series D14, D16, B3 និង ឧបករណ៍ WIFI ជំនាន់ចុងក្រោយព្រមគ្នា!
មេក្រុមហ៊ុន Samsung បានប្រកាសបង្កើតនូវសម្ព័ន្ធភាពជាមួយក្រុមហ៊ុន Zeiss នៅក្នុងការផលិតនូវបន្ទះឈីបកម្រិតខ្ពស់!
ប្រូម៉ូសិនរដូវក្តៅជាមួយម៉ាក LG ពីក្រុមហ៊ុនស៊ុនស៊ីម៉ិចកូ!!!
