Canon គឺជាសាជីវកម្ម ចម្រុះជាតិសាសន៍ របស់ ប្រទេសជប៉ុន ដែលឈានមុខគេ ជាសកល ក្នុងផ្នែករូបភាព និងដំណោះស្រាយ រូបភាពឌីជីថល ដែលមានជំនាញ នៅក្នុងការ បង្កើតរូបភាព និងផលិតផល អ៊ុបទិក រួមមាន កាមេរ៉ាឌីជីថល ម៉ាស៊ីនព្រីន ម៉ាស៊ីនស្កេន និង Projector . ការបើកដំណើរការ នៃទីតាំងបញ្ជរលក់Canon នៅក្នុងផ្សារទំនើប KTH Premium Powermall ក្នុងរាជធានីភ្នំពេញ គឺជាការបញ្ជាក់ ពីការប្តេជ្ញា របស់ក្រុមហ៊ុន Canon ក្នុងការពង្រីក ពាណិជ្ជកម្ម របស់ខ្លួន ក្នុងប្រទេសកម្ពុជា ដោយការផ្តល់នូវ “បទពិសោធន៍ Canon” ក្នុងហាងផលិតផល អេឡិចត្រូនិក លំដាប់កំពូល។ ហាងCanon នៅក្នុងផ្សារទំនើប KTH Premium Powermall ផ្តល់នូវផលិតផលCanon ម៉ូដែលថ្មីៗដូចជាកាមេរ៉ាខ្នាតតូច កាមេរ៉ា DSLRsកាមេរ៉ាថតវីដេអូ ម៉ាស៊ីនព្រីនLaser ម៉ាស៊ីនព្រីន Inkjet ម៉ាស៊ីនស្កេន និងម៉ាស៊ីន គិតលេខ។ ហើយក៏មាន ការតាំងបង្ហាញ ជាឈុតសម្រាប់ អតិថិជន សាកល្បង មុនសម្រេចចិត្តទិញផងដែរ។
ក្រុមបុគ្គលិក ផ្សព្វផ្សាយ ក៏ស្ថិតនៅទីនោះ ដើម្បីជួយសម្រួល រាល់តម្រូវការ របស់អតិថិជន និងផ្តល់ ការសាកល្បង ផលិតផល ដោយផ្ទាល់ដៃ។លោក Andy Lee នាយកក្រុមហ៊ុន i-Qlick (Cambodia) Pte Ltd ដែលស្ថិតក្រោមការ គ្រប់គ្រង របស់ក្រុមហ៊ុន Canonក្នុងប្រទេសកម្ពុជាបានមានប្រសាសន៍ថា “យើងមាន សេចក្តីសោមនស្ស បំផុត ចំពោះការបើកហាង Canon ទីបួនរបស់យើងក្នុងផ្សារទំនើប KTH Premium Powermall ដែលជួយឲ្យអតិថិជនកាន់តែរីករាយនឹងបទពិសោធន៍ Canon ដ៏ សម្បូរបែប។ ដូចយើងបានដឹង ហើយថា Canon គឺជាម៉ាកសញ្ញាដ៏ល្បីទូទាំងពិភពលោក និងជា ផលិតផល គុណភាពខ្ពស់ប្រកបដោយការច្នៃប្រឌិត ឥឡូវនេះ ជាមួយហាង Canon ថ្មីនេះ អតិថិជនជាច្រើន អាចសាកល្បងផលិតផលទាំងអស់នេះដោយផ្ទាល់ដៃ ជាមួយសេវាកម្ម ដ៏រាក់ទាក់ពីបុគ្គលិក ប្រចាំនៅទីតាំងបញ្ជរលក់ផលិតផល”។
សូមអញ្ជើញមកទស្សនាអគារពិព័រណ៍ i-Qlick Canon នៅផ្សារទំនើប KTH Premium Powermall ស្ថិតនៅលើ ផ្ទៃក្រឡា 1200 ម៉ែត្រការ៉េ តាមបណ្តោយមហាវិថីម៉ៅសេទុង។ សម្រាប់ការបង្កើន ភាពងាយស្រួល នៃការទិញ ទំនិញ របស់អតិថិជន ផ្សារទំនើប KTH Premium Powermall បានផ្តល់នូវកន្លែងចត រថយន្តធំទូលាយ មាន សេវាបម្រើអតិថិជន មានកន្លែងសម្រាកកាយ និងមានសន្តិសុខការពារ។ បន្ថែមលើនេះ ផ្សារទំនើបក៏បានបង្កើត នូវការច្នៃប្រឌិតថ្មីៗជាច្រើនដូចជា បរិវេណ “Experience Area” សម្រាប់អតិថិជន សាកល្បងប្រើផលិតផលថ្មីៗ និងបរិវេណ Power Mall Studio សម្រាប់បង្ហាញអតិថិជន អំពីវិធីប្រើផលិតផល និងការផ្តល់នូវរាល់ដំណោះស្រាយ 360 ដឺក្រេ ដើម្បីជួយដល់អតិថិជនឲ្យ ស្វែងយល់អំពីបច្ចេកវិទ្យា ៕