Huawei ប្រគល់ឧបករណ៍ Fusion Cloud Desktop System តម្លៃជាង 700,000 ដុល្លារ ដល់រាជរដ្ឋាភិបាលកម្ពុជា
នៅថ្ងៃទី 26 ខែមករា ឆ្នាំ 2015: តបតាមការអញ្ជើញរបស់ឯកឧត្តមប្រាក់ សុខុន រដ្ឋមន្ត្រីក្រសួងទូរគមនាគមន៍ និងប្រៃសណីយ៍កម្ពុជា ឯកឧត្តម សាន់ ពីង អនុរដ្ឋមន្ត្រីក្រសួងទូរគមនាគមន៍ចិន បានដឹកនាំគណៈប្រតិភូអញ្ជើញមកបំពេញទស្សនកិច្ច នៅព្រះរាជាណាចក្រកម្ពុជា ចាប់ពីថ្ងៃទី 24-27 ខែមករា ឆ្នាំ 2015។ នៅថ្ងៃទី 25 ខែមករា ឯកឧត្តម សាន់ ពីង និងគណៈប្រតិភូ បានអញ្ជើញទៅទស្សនាក្រុមហ៊ុន ហួវៃ ប្រចាំនៅកម្ពុជា និងថ្ងៃទី 26 បានចូលរួមពិធីចុះហត្ថលេខាប្រគល់ និងទទួលឧបករណ៍ Fusion Cloud Desktop System ដែលមានតម្លៃជាង 7 សែនដុល្លារអាមេរិក ដល់ក្រសួងទូរគមនាគមន៍ និងប្រៃសណីយ៍កម្ពុជា ។
លោក យ៉ាង ហ្វុង អគ្គនាយកក្រុមហ៊ុន ហួវៃ នៅកម្ពុជា បានជម្រាបព័ត៌មានជូនឯកឧត្តម សាន់ ពីង អំពីដំណើរការអាជីវកម្ម សហគ្រាសអាជីវកម្ម អាជីវកម្មអតិថិជន ផែនការយុទ្ធសាស្ត្រទីផ្សារ ក៏ដូចជាការទទួលខុសត្រូវរបស់ក្រុមហ៊ុនចំពោះសង្គម។ ឯកឧត្តម សាន់ ពីង បានកោតសរសើរ ចំពោះការរួមចំណែក និងការខិតខំប្រឹងប្រែងរបស់ក្រុមហ៊ុនហួវៃ ហើយបានជូនពរឲ្យក្រុមហ៊ុន Huawei ទទួលបានជោគជ័យកាន់តែច្រើននៅក្នុងប្រទេសកម្ពុជា។
.jpg)
ក្រុមហ៊ុនហួវៃ ជាក្រុមហ៊ុនផ្តល់ដំណោះស្រាយ ផ្នែកព័ត៌មានវិទ្យា និងបច្ចេកវិជ្ជាទូរគមនាគមន៍ (ICT) ដ៏ឈានមុខគេ នៅលើពិភពលោក។ ក្រុមហ៊ុនហួវៃ បានប្តេជ្ជាយ៉ាងប្តូរផ្តាច់លើការច្នៃប្រឌិតដើម្បីបំពេញតម្រូវការរបស់អតិថិជន ដោយបន្តជំរុញទំនើបកម្មនៃវិស័យព័ត៌មានវិទ្យា និងទូរគមនាគមន៍ដោយគ្មានដែនកំណត់។ ក្រុមហ៊ុនបានអភិវឌ្ឍបណ្តាញ ដំណោះស្រាយ ឧបករណ៍ ប្រព័ន្ធគេហទំព័រ ប្រព័ន្ធផ្ញើសារ និងប្រព័ន្ធទូទាត់ប្រាក់ឆាប់រហ័ស បម្រើឲ្យអតិថិជនច្រើនជាងមួយភាគបីនៃចំនួនប្រជាជនសរុបនៅលើពិភពលោក ក្នុង១៧០ប្រទេស។
ក្រុមហ៊ុនបានតភ្ជាប់ប្រព័ន្ធពាណិជ្ជកម្ម ទីក្រុង សង្គម និងប្រជាជននៅជុំវិញពិភពលោក កែលម្អប្រសិទ្ធភាព ការផ្លាស់ប្តូរឧស្សាហកម្ម និងបង្កើតបទពិសោធន៍ល្អប្រសើរជាងមុនសម្រាប់មនុស្សគ្រប់រូបនៅទីបំផុត។ ក្រុមហ៊ុន Huawei បង្កើតឡើងក្នុងឆ្នាំ 1987 និងជាសហគ្រាសឯកជនមួយដែលមានបុគ្គលិកចំនួន 150.000នាក់នៅជុំវិញពិភពលោក។ សម្រាប់ព័ត៌មានបន្ថែម សូមចូលទៅកាន់គេហទំព័រផ្លូវការរបស់ក្រុមហ៊ុនហួវៃ៖ www.huawei.com
TECNO POVA 6 Pro 5G ស្មាតហ្វូនលេងហ្គេមល្អបំផុតតម្លៃក្រោម $300 មានភ្ជាប់ជាមួយនឹងបន្ទះឈីប 5G និងមានថាមពលថ្មប្រើប្រាស់បានយូរ
Huawei បានវិនិយោគទឹកប្រាក់ជាង 1 ពាន់លានយ៉ន់ទៅលើការស្រាវជ្រាវ និងអភិវឌ្ឍនារយៈពេលជាង 10 ឆ្នាំមកនេះ
ក្រុមហ៊ុនហួវៃ ដាក់សម្ពោធ កុំព្យូទ័រ AI HUAWEI Matebook Series D14, D16, B3 និង ឧបករណ៍ WIFI ជំនាន់ចុងក្រោយព្រមគ្នា!
មេក្រុមហ៊ុន Samsung បានប្រកាសបង្កើតនូវសម្ព័ន្ធភាពជាមួយក្រុមហ៊ុន Zeiss នៅក្នុងការផលិតនូវបន្ទះឈីបកម្រិតខ្ពស់!
Ford Ranger ទទួលចំណាត់ថ្នាក់ផ្កាយ 5 ជារថយន្តមានសុវត្ថិភាពបំផុត!
