ថ្មីៗនេះ សាខាក្រុមហ៊ុនថៃ សាមសុង អេឡិកត្រូនិក បានធ្វើការអះអាងថា ទូរស័ព្ទម៉ូដែលទំនើបសាមសុង មួយចំនួនរួមមាន Galaxy S7 និង Galaxy S7 edge បច្ចុប្បន្ននេះ គឺអាចទ្រទ្រង់ជាមួយនឹងសេវា VoLTE (Voice over Long Term Evolution) របស់ប្រតិបត្តិករទូរស័ព្ទចល័តដ៏ធំជាងគេបំផុតនៅក្នុងប្រទេសកម្ពុជា គឺក្រុមហ៊ុន Smart Axiata។ ចំណុចដ៏ពិសេសនេះហើយបានធ្វើអោយសាមសុងក្លាយជាក្រុមហ៊ុនទូរស័ព្ទដំបូងគេបំផុតក្នុងប្រទេសកម្ពុជា ដែលអាចទ្រទ្រង់ ក៏ដូចជាប្រើប្រាស់បានជាមួយនឹងបច្ចេកវិទ្យា VoLTE ដែលលមានល្បឿនលឿននេះ។
សូមជំរាបផងដែរថា VoLTE គឺជាបច្ចេកវិទ្យាថ្មីមួយ ដែលផ្តល់ជូននូវការហៅចេញជាមួយគុណភាពសម្លេងច្បាស់ និងបទពិសោធន៍គុណភាពខ្ពស់ដូចពេលសន្ទនាគ្នាផ្ទាល់។ សំរាប់អ្នកប្រើប្រាស់ ភាពខុសប្លែកគ្នានៃគុណភាពប្រៀប បានដូចជាពេលយប់និងពេលថ្ងៃ ដែលអនុញ្ញាតអោយអ្នកប្រើប្រាស់ ធ្វើការហៅចេញនិងទទួលកាហៅចូលដោយគ្មានសំលេងរអាក់អួលឡើយ។ អ្នកប្រើប្រាស់ទូរស័ព្ទសាមសុង Galaxy S7 និង Galaxy S7 edge នាពេលបច្ចុប្បន្ននេះ គឺអាចប្រើប្រាស់សេវាកម្ម VoLTE របស់ក្រុមហ៊ុន Smart Axiata បានហើយ។
ម្យ៉ាងទៀត VoLTE មិនត្រឹមតែអាចប្រើប្រាស់បានជាមួយកំពូលទូរស័ព្ទទំនើបសាមសុងប៉ុណ្ណោះទេ តែវាអាចប្រើប្រាស់បានជាមួយទូរស័ព្ទស៊េរីខ្ពស់ និងមធ្យមផ្សេងៗទៀតបានផងដែរ។ ទូរស័ព្ទសាមសុង Galaxy A ស៊េរី 2017 Galaxy បង 7 Galaxy បង 5 រួមទាំងម៉ូឌែលផ្សេងៗទៀត ក៏ស្ថិតនៅក្នុងតំណាក់កាលនៃការធ្វើតេស្តសាកល្បងជាមួយ VoLTE ដែលនឹងត្រៀមរួចជាស្រេច សំរាប់អ្នកប្រើប្រាស់ទូរស័ព្ទសាមសុងក្នុងឆ្នាំ 2017 ផងដែរ។ ក្រុមហ៊ុន សាមសុង កំពុងតែបន្តទស្សនៈវិស័យ «សាមសុង នឹងប្តេជ្ញាប្រើប្រាស់ធនធានមនុស្ស និងបច្ចេកវិទ្យាទំនើបថ្មីៗ ដែលបានស្រាវជ្រាវរកឃើញ ដើម្បីផលិតផលិតផលនិង សេវាកម្មប្រកបដោយគុណភាពខ្ពស់ ជាបុព្វហេតុចូលរួមជាមួយសង្គមសកលដ៏ល្អប្រសើរ។