MSI គឺជាក្រុមហ៊ុនបច្ចេកវិទ្យាដែលឈានមុខគេទៅលើវិស័យហ្គេម និងការបំពេញតម្រូវការរបស់អ្នកប្រើប្រាស់តាមរយៈការនាំយកនូវកុំព្យូទ័រលេងហ្គេមថ្មីៗដែលស្របតាមតម្រូវការរបស់អ្នកលេងហ្គេមគ្រប់រូបប្រាថ្នាចង់បាន។ ថ្មីៗនេះ MSI ក៏នាំយកនូវកុំព្យូទ័រស៊េរីថ្មីត្រកូល MSI GL62M 7RDX ដែលមានសមត្ថភាពខ្លាំងក្លាក្នុងការលេងហ្គេមដោយសារតែវាប្រើប្រាស់នូវក្រាហ្វិកកាត GeForce GTX 10 Series និងបន្ទះឈីប Intel Core i7 ជំនាន់ទី 7 ចុងក្រោយគេបំផុតបង្កើនល្បឿនដំណើរការទៅក្នុងកម្រិតមួយដែលអ្នកប្រើប្រាស់ពិសេសអ្នកលេងហ្គេមនឹកស្មានមិនដល់។ ការប្រើប្រាស់ក្រាហ្វិកកាត GeForce GTX 10-Series GPUs បង្កើនល្បឿនដំណើរការលឿនជាងមុនដល់ទៅ 3 ដងហើយវាពិសេសវាប្រើប្រាស់ជាមួយនឹងបច្ចេកវិទ្យា Ultra-Fast FinFET, High-Bandwidth Memory Technology និងការទ្រទ្រង់មុខងារ Direct X 12 ដើម្បីផ្តល់បទពិសោធន៍ថ្មីលឿនបំផុតក្នុងការលេងហ្គេម។ MSI GL62M 7RDX ដំណើរការប្រព័ន្ធប្រតិបត្តិការ Windows 10 Home និងអេក្រង់ 15.6 អ៊ីញកម្រិត Full HD ។
1. ប្រព័ន្ធដំណើរការនៃល្បឿនដ៏អស្ចារ្យរបស់ក្រាហ្វិកកាត NVIDIA GeForce GTX 1050 GPU
ដើម្បីបង្កើនល្បឿនក្នុងការលេងហ្គេមកាន់តែអស្ចារ្យនោះ ក្រុមហ៊ុន MSI ក៏បន្ថែមនូវដំណោះស្រាយបច្ចេកវិទ្យា Cooler Boost 4 សម្រាប់ជម្រុញទៅលើល្បឿនក្រាហ្វិកកាតប្រភេទ GeForce GTX 1050 GPU ស៊េរីចុងក្រោយបំផុតរបស់ក្រុមហ៊ុន NIVIDIA សម្រាប់ប្រើប្រាស់នៅលើហ្គេមដែលមានក្រាហ្វិកធំៗប្រភេទ 3D ខ្លាំងក្លាជាងការប្រើប្រាស់ក្រាហ្វិកកាតប្រភេទ GeForce GTX 960M ។ បន្ថែមពីនេះទៀត កុំព្យូទ័រស៊េរីថ្មីនេះប្រើប្រាស់កញ្ចក់អេក្រង់ IPS ដែលមានពណ៌ NTSC កម្រិតខ្ពស់រហូតទៅដល់ 72% ដែលធ្វើឱ្យរូបភាពច្បាស់ល្អបំផុត។ រូបភាពបង្ហាញនៅលើអេក្រង់របស់កុំព្យូទ័រនេះភ្លឺច្បាស់ជាងកញ្ចក់ប្រភេទ TN ដល់ទៅ 20% ហើយលោកអ្នកនឹងទទួលអារម្មណ៍រំភើបរីករាយជាមួយនឹងកម្រិតពន្លឺដ៏ស្រស់ស្អាតបែបនេះ។
2. រប្រើប្រាស់មុខងារ Multi-Task រហូតដល់ម៉ូនីទ័រចំនួន 3
តើលោកអ្នកចង់ទទួលបានអារម្មណ៍កាន់តែប្លែកនៅក្នុងការលេងហ្គេមមែនទេ? ក្រមហ៊ុនបច្ចេកវិទ្យា MSI ប្រើប្រាស់បច្ចេកវិទ្យា Matrix Display អាចភ្ជាប់ទៅកាន់អេក្រង់ម៉ូនីទ័រចំនួនពីរទៀតដំណើរការក្នុងពេលតែមួយតាមរយៈការប្រើប្រាស់រន្ធ HDMI និង Mini DisplayPort ។ ការប្រើប្រាស់ Multi-Task គឺពិតជាបទពិសោធន៍ថ្មីអស្ចារ្យមួយទៀតសម្រាប់ការលេងហ្គេមដ៏អស្ចារ្យ។ ការភ្ជាប់កុំព្យូទ័រនេះទៅកាន់ HDTV Display បច្ចេកវិទ្យា Matrix Display នេះទ្រទ្រង់នូវកម្រិតវីដេអូដល់ទៅ 4K ជាមួយកម្រិត Resolution ដល់ទៅ 3840 x 2160 ។ បច្ចេកវិទ្យា MSI Matrix Display បង្កើតនូវបទពិសោធន៍ក្នុងការលេងហ្គេមអស្ចារ្យ និងការកម្សាន្តគ្មានព្រំដែននោះទេ។
ការប្រើប្រាស់ Hardware ល្បឿនអស្ចារ្យបំផុត
ក្រៅពីការបន្ថែមនូវបច្ចេកវិទ្យា Cooler Boost 4 ក្រុមហ៊ុនបច្ចេកវិទ្យា MSI ក៏ប្រើប្រាស់បន្ទះឈីប Intel Core-i7 7700HQ ដែលពង្រឹងល្បឿនដំណើរការ 100% ដល់ចំណុចខ្ពស់បំផុត។ កាន់តែពិសេសជាងនេះទៀតនោះ កុំព្យូទ័រនេះប្រើប្រាស់បច្ចេកវិទ្យា PCI-E Gen 3.0 x 4 Bandwidth Utilizing NVMe នៅលើ M.2 SSD ថែមទៀត ហើយល្បឿននៃការ Read របស់វាគឺដល់ទៅ 2200MB/s លឿនជាង SATA3 SSD ដល់ទៅ 5 ដង។ កុំព្យូទ័រ MSI GL62M 7RDX ទ្រទ្រង់នូវម៉េមូរី DDR4-2400 ដែលមានល្បឿន Read ដល់ទៅ 32GB/s និងល្បឿន Write ដល់ទៅ 36GB/s ។ វាមានការពង្រឹងល្បឿនលឿនជាងមុនដល់ទៅ 40% បើធៀបជាមួយនឹង DDR3-1600 ។
ពិសេសជាងនេះទៀត កុំព្យូទ័រនេះក៏ប្រើប្រាស់ជាមួយនឹងបច្ចេកវិទ្យា MSI SHIFT សម្រាប់ធ្វើការ Switch ទៅកាន់ Profiles ផ្សេងៗគ្នាបានយ៉ាងងាយ។ MSI GL62M 7RDX ប្រើប្រាស់នូវខ្សែ USB 3.0 Type-C SuperSpeed ដែលអាចទ្រទ្រង់នូវល្បឿននៃការបញ្ជូនទិន្នន័យ 5Gbps លឿនជាងខ្សែ USB 2.0 ដល់ទៅ 10 ដង។ សម្រាប់ប្រព័ន្ធសំឡេងរបស់ក្រុមហ៊ុន MSI វិញប្រើប្រាស់នូវបច្ចេកវិទ្យា Audio Boost និង Nahimic 2+ ផ្តល់នូវគុណភាពកម្រិតខ្ពស់បំផុត។ ពិសេសជាងនេះទៀត MSI Audio Boost ពង្រឹងទៅលើគុណភាពសំឡេងខ្ពស់ជាងមុនដល់ទៅ 30% ហើយរន្ធដោតកាស Audio Jack នេះស្រោបដោយពណ៌មាសសម្រាប់ការបន្ថយទៅលើគុណភាពសំឡេង ហើយវាថែមទាំងកាត់បន្ថយនូវសំឡេងរំខានផងដែរ។ ក្តារចុចរបស់កុំព្យូទ័រនេះប្រើប្រាស់នូវ SteelSeries Single Color Backlighting Keyboard (Silver-Lining Print) ដែលងាយស្រួលបំផុតក្នុងការចុចប្រើប្រាស់។
ព័តមានបន្ថែមសូមចូលមកកាន់ Link: https://www.msi.com/service/wheretobuy/#105,3,