ថ្មីៗនេះ ក្រុមហ៊ុន Canalys បានបញ្ចេញនូវការព្យាករណ៍ទៅលើទីផ្សារកុំព្យូទ័រសកល ដោយនៅក្នុងរបាយការណ៍នេះមានការបង្ហាញថា វាមានការកើនឡើងទៅលើការនាំចេញកុំព្យូទ័រនៅក្នុងត្រីមាសទី 1 នៅឆ្នាំនេះ ដែលមានការកើនឡើងខ្លាំងក្លាមែនទែនបើធៀបទៅនឹងឆ្នាំមុននេះ។ ការនាំចេញកុំព្យូទ័រសកលនោះគឺមានការកើនឡើងចំនួន 8.4% ទៅកាន់ចំនួន 496.8 លានគ្រឿងនៅក្នុងឆ្នាំ 2021 នេះ។ បន្ថែមពីនេះទៀតនោះ ការនាំចេញទៅលើកុំព្យូទ័រ Notebooks ថេប្លេត និង Desktop ដែលមានការកើនឡើងថែមទៀត។
របាយការណ៍នេះមានការបង្ហាញថា មេរោគរាតត្បាតកូរ៉ូណាថ្មីនេះគឺមានការកើនឡើងជាបន្តបន្ទាប់នៅក្នុងការនាំចេញទីផ្សារកុំព្យូទ័រនៅក្នុងឆ្នាំ 2020 នេះ។ ប៉ុន្តែដោយសារតែបញ្ហានៃខ្សែសង្វាក់ផ្គត់ផ្គង់នេះ ការនាំចេញកុំព្យូទ័រនៅឆ្នាំនេះគឺមានចំនួនកំណត់។ បញ្ហានៃកង្វះទៅលើបន្ទះឈីបគឺពិតជារឿងដែលពិបាកមែនទែន។ វាមានការព្យាករណ៍ថា នៅក្នុងត្រីមាសទី 1 នៅឆ្នាំ 2021 នេះ ការនាំចេញកុំព្យូទ័រគឺមានការកើនឡើងចំនួន 54% បើធៀបទៅនឹងឆ្នាំមុននេះ ហើយនៅក្នុងត្រីមាសទី 2 នេះ វាគឺមានការកើនឡើងចំនួន 7%បើធៀបទៅនឹងឆ្នាំមុននេះ។ សម្រាប់ Chromebook ក៏នឹងក្លាយជារឿងសំខាន់នៅក្នុងទីផ្សារកុំព្យូទ័រនៅឆ្នាំនេះផងដែរ។ នៅត្រីមាសទី 1 ឆ្នាំ 2021 នេះ វានឹងមានការកើនឡើងចំនួន 30% ផងដែរ។
របាយការណ៍នេះ មានការបង្ហាញទៀតថា ការនាំចេញ Desktop នៅឆ្នាំ 2021 នេះ នឹងមានចំនួន 67.1 លានគ្រឿង ការនាំចេញ Notebooks គឺមានចំនួន 236 លានគ្រឿង ការនាំចេញថេប្លេត PC គឺមានចំនួន 174 លានគ្រឿង។ នៅក្នុងឆ្នាំ 2022 នេះ ការនាំចេញទីផ្សារកុំព្យូទ័រសកល គឺមានចំនួនលើសពី 500 លានគ្រឿង៕