នៅក្នុងពេលដែលការរាតត្បាតមេរោគ Covid-19 បានចាប់ផ្តើមនៅក្នុងឆ្នាំ 2020 ហើយបាននិងកំពុងនៅបន្តមកដល់ពេលបច្ចប្បន្ននេះ ពិភពលោក ក៏បានចាប់ផ្តើមផ្តោតទៅលើការប្រើប្រាស់នូវវ៉ាក់សាំងផងដែរ។ សម្រាប់អ្នកដែលនិយមប្រើប្រាស់នូវបច្ចេកវិទ្យានោះ គឺប្រាកដជាបានដឹងអំពីវិបត្តិទៅលើបន្ទះឈីបហើយ។ ការខ្វះខាតនេះ គឺថែមទាំងបានធ្វើអោយប៉ះពាល់ដល់ទៅលើក្រាហ្វិកកាតរបស់ឧបករណ៍លេងហ្គេម PlayStation 5 ហើយស្មាតហ្វូនជាច្រើនទៀត ក៏មានការប៉ះពាល់ដូចគ្នា។
តាមការបញ្ជាក់នៅក្នុងរបាយការណ៍ថ្មីនេះ Taiwan Economic Daily គឺបញ្ជាក់ថា មេរោគរាតត្បាតនេះ បានធ្វើអោយមានការកម្មង់ទិញមានការកើនឡើង ហើយសម្រាប់កុំព្យូទ័រ Notebooks គឺពិតជាមានកង្វះតិចមែនទែននៅលើទីផ្សារ។ ការកម្មង់ទៅលើសមាសភាគជាច្រើនក៏មានការកើនឡើងផងដែរ។ ក្រុមហ៊ុន Acer និង Asus ក៏នឹងបង្កើនទៅលើតម្លៃរបស់ Notebooks នៅក្នុងត្រីមាសទី 2 ឆ្នាំ 2021 នេះផងដែរ។
កុំព្យូទ័រ Asus និង Acer នឹងមានការកើនឡើងទៅលើតម្លៃចំនួន 10% នៅក្នុងត្រីមាសទី 2 នៅឆ្នាំនេះ។ វាគឺជាលើកដំបូងបំផុតដែលមានការបង្កើនទៅលើតម្លៃរបស់សមាសភាគរបស់ខ្លួននៅក្នុងរយៈពេល 10 ឆ្នាំនោះ។ នេះមានន័យថា ការកើនឡើងទៅលើតម្លៃនេះគឺចាប់ផ្តើមពីសមាសភាគជាច្រើនទៅកាន់ផលិតផល និងប្រព័ន្ធចុងក្រោយរបស់ខ្លួន។ តាមការបញ្ជាក់របស់ប្រភពជាច្រើននោះ ផលិតផលអេឡិចត្រូនិចជាច្រើនដូចជាកុំព្យូទ័រនឹងមានការកើនឡើងនៅក្នុងទីផ្សារជាច្រើនដូចជាប្រទេសរុស្សី ឥណ្ឌា និងប្រទេសប្រេស៊ីល។
នៅពេលនេះ ក្រុមហ៊ុនជាច្រើនបានបង្កើនទៅលើតម្លៃនៃផលិតផលជាច្រើនរបស់ពួកគេ ខណៈពេលដែលវាមានតម្រូវការជាច្រើនដែលមានការកើនឡើងកាន់តែខ្លាំងផងដែរ។ របាយការណ៍នេះបន្ថែមថា ក្រុមហ៊ុន Acer និង Asus នឹងបន្តទៅលើកង្វះខាតនៃការផ្គត់ផ្គង់របស់ខ្លួននៅក្នុងរយៈពេលជាច្រើនខែទៀតបន្ទាប់ពីត្រីមាសទី 2 នេះ៕
