នៅថ្ងៃទី 1 ខែធ្នូ ឆ្នាំ 2022 នេះ ក្រុមហ៊ុន អេស៊ូស បានសហការគ្នាជាមួយហាងនីកាដើម្បីបើកហាងលក់ផលិតផលអេស៊ូស សុទ្ធ 100% ដែលមានការដាក់តាំងបង្ហាញម៉ូដែលជាច្រើនក្នុងនោះមានចាប់ពីកុំព្យូទ័រដែលមានកុំព្យូទ័រអេក្រង់ពេញតួកុំព្យូទ័រ កុំព្យូទ័រដែលមានអេក្រង់ 2 កុំព្យូទ័រសំរាប់លេងហ្គេមគ្រប់កំរិត កុំព្យូទ័រដែលអាចបត់បាន 360 ដឺក្រេ កុំព្យូទ័រដែលមានអេក្រង់អូឡែតការពារភ្នែក និងកុំព្យូទ័រយួរដៃអេស៊ូសគ្រប់ប្រភេទជុំវិញពិភពលោក។
លោក Danny Huang ដែលជាអ្នកគ្រប់គ្រងផលិតផលអេស៊ូស បានថ្លែងថា ការរៀបចំហាង ASUS Exclusive Store នេះឡើង គឺដើម្បីផ្តល់នូវសេវាកម្មលេខ 1 ដល់ល្អដល់អតិថិជន ដែលពួកយើងមានការដាក់តាំងបង្ហាញរាល់ផលិតផលសំរាប់អតិថិជនទាំងអស់ធ្វើការតេស្តសាកល្បង និងមានការប្រឹក្សាយោបល់សំរាប់ការទិញអោយត្រូវតាមតម្រូវការផងដែរ។
លើសពីនេះទៅទៀត ឯកឧត្តម ឡៅ ប៊ុនឡុង ដែលជាតំណាងហាងនីកា និង ASUS Exclusive Store ក៏បានមានប្រសាសន៍ដូច្នេះថា៖ “ ឯកឧត្តម សូមអរគុណទៅដល់ក្រុមហ៊ុនអេស៊ូស ដែលបានផ្តល់ឱកាស និងទំនុកចិត្តក្នុងការសហការបើកហាងដែលមានលក់តែផលិតផលអេស៊ូសសុទ្ធ 100% គ្រប់ម៉ូដែលទាំងអស់ ហើយនេះជាឱកាសមួយក្នុងការលើកស្ទួយដល់វិស័យបច្ចេកវិទ្យាប្រចាំប្រទេសកម្ពុជាយើង អោយឈានជើង ដើរទាន់សម័យកាលបច្ចេកវិទ្យាពិភពលោក។
ឯកឧត្តម សង្ឃឹមយ៉ាងមោះមុតថា បងប្អូនដែលជ្រើសរើសយកផលិតផលបច្ចេកវិទ្យាដែលត្រឹមត្រូវតាមស្តង់ដា មានការធានាត្រឹមត្រូវ នឹងអាចជួយអោយការងារ និងការកំសាន្តនានារបស់បងប្អូនទទួលបានភាពជោគជ័យនឹងឆ្ពោះទៅមុខជានិច្ច។”
មិនតែប៉ុណ្ណោះ លោកអ្នកអាចទទួលបានសេវាកម្មនេះជារៀងរាល់ថ្ងៃ ចាប់ពីម៉ោង 8 ព្រឹក ដល់ម៉ោង 9 យប់ ដែលអាចអោយលោកអ្នកដែលរវល់ការងារប្រចាំថ្ងៃមានឱកាសមកជាវ ឬទទួលបានបទពិសោធន៍ចំណេះដឹងផ្នែកបច្ចេកវិទ្យាបន្ថែមទៀតផងដែរ។
អ្វីដែលពិសេសជាងនេះទៅទៀតនោះ ខាងបុគ្គលិកផ្នែកលក់មានភាពរោះរាយរាក់ទាក់ និងអាចប្រឹក្សាយោបល់ដល់អតិថិជនទាំងអស់ជុំវិញផលិតផលអេស៊ូស និងបច្ចេកវិទ្យាទូទៅ ដែលពួកគាត់ត្រូវបានបំពាក់បំប៉នទៅដោយជំនាញ និងការហ្វឹកហាត់ពីក្រុមហ៊ុនផ្ទាល់តែម្តង។
ក្រៅពីការដាក់តាំងផលិតផលសំរាប់តេស្ត បុគ្គលិកនិងសេវាកម្មល្អ លោកអ្នកនឹងទទួលបានបរិយាកាសប្លែកប្រកបដោយផាសុកភាព និងមានកាដូជាច្រើនសំរាប់លោកអ្នកដែលបានជាវ ឬចូលរួមកម្មវិធីសប្បាយៗផ្សេងៗទៀតជាច្រើន។
