កាលពីខែកញ្ញាកន្លងទៅនេះ ក្រុមហ៊ុន Apple ទើបតែប្រកាសនូវវត្តមានរបស់ទូរស័ព្ទ iPhone X ហើយទូរស័ព្ទស៊េរីថ្មីនេះ នឹងដាក់លក់នៅថ្ងៃទី 3 ខែវិច្ឆិកាខាងមុខនេះ។ ប៉ុន្តែប្រសិនបើទូរស័ព្ទនេះ ដាក់លក់ចាប់ពីតម្លៃ $999/£999/€1,149 វាហាក់ដូចជាមិនច្រើនទេ សម្រាប់លោកអ្នក! ហើយលោកអ្នកប្រហែលជាចង់បាននូវទូរស័ព្ទនេះមួយ ដែលមានការរចនាបន្ថែមដោយក្រុមហ៊ុនរបស់ហ្វាំងឡង់ Legend។
ក្រុមហ៊ុន Legend បានកំពុងតែលក់ទូរស័ព្ទ iPhone X ទំហំ 256GB ដែលមានដាំត្បូងពេជ្រនៅផ្នែកខាងក្រោយ និងច្រវ៉ាក់មាសដើម្បីបន្ថែមនូវភាពស្រស់ស្អាតសម្រាប់ទូរស័ព្ទដ៏ទំនើបមួយនេះ។ សម្រាប់ Aurum Model តម្លៃ €2,950 គឺថោកជាងគេបំផុតនៅក្នុងក្រុមហ៊ុននេះ។ វាប្រើប្រាស់នូវផ្ទាំងខាងក្រោយធ្វើពីមាស 24K Gold ចំនែករូបឡូហ្គោគឺស្រោបដោយមាស 18K Gold ។ សម្រាប់ប្រភេទ Fusion Edition វិញរចនាយ៉ាងពិសេសជាមួយ Cabon-Fiber នៅផ្នែកខាងក្រោយព័ទ្ធដោយ Solid Silver យ៉ាងរឹងមាំ។ លោកអ្នកអាចជ្រើសរើសជាប្រភេទស្បែក ឬឈើបានផងដែរ។
Momentum iPhone X ប្រើប្រាស់នូវត្បូងក្រហមទំហំ 0.3 ការ៉ាត់នៅចំកណ្តាលនៃផ្នែកខាងក្រោយតែម្តងអមជាមួយនឹងត្បូងប្រភេទ VVS1 និងការរចនាម៉ូដដ៏ល្អឥតខ្ចោះថែមទៀត។ ចំនែកប្រភេទ Lu Edition វិញគេឃើញមានត្បូង VVS1 10.70 ការ៉ាត់នៅលើ Logo និងអេក្រង់គែមកោងផងដែរ។ ក្រុមហ៊ុន Legend និយាយថា តម្លៃរបស់វាគឺអាចប្រាប់បាននៅពេលកម្មង់ទិញ។ គ្រប់ទូរស័ព្ទ Legend iPhone X គឺមានទំហំម៉េមូរីដល់ទៅ 256GB និងមានការរចនាប្រអប់ដ៏មានតម្លៃថែមទៀតជាមួយកាសស្តាប់ 24K Gold Earpods ក្រណាត់ស្បែក និងវិញ្ញាបនបត្រនៃការទទួលស្គាល់ថែមទៀត។ លោកអ្នកអាចកម្មង់ម៉ូដែលណាមួយដែលពេញចិត្តពីក្រុមហ៊ុន Legend បាន៕