Leagoo T5c គឺជាស្មាតហ្វូនដំបូងបំផុតនៅក្នុងពិភព លោក ដែលប្រើប្រាស់បន្ទះនូវឈីប Spreadtrum SC9853i SoC ដែលគេរំពឹងថាខ្លាំង

កាលពីសប្តាហ៍មុននេះ មានព័ត៌មានមួយ បានទម្លាយអំពីស្មាតហ្វូនស៊េរីថ្មី Leagoo T5c ដែលត្រៀមខ្លួន បង្ហាញនៅក្នុងពេលឆាប់ៗនេះហើយ។ ស្មាតហ្វូននេះ ត្រូវបានគេចាប់អារម្មណ៍ពីអ្នកប្រើប្រាស់ជាច្រើន ដោយសារតែតម្លៃរបស់វា នឹងលក្ខណៈសម្បត្តិដ៏ខ្លាំងក្លារបស់វាផងដែរ។ នៅថ្ងៃនេះ ព័ត៌មានថ្មីមួយទៀតអំពីលក្ខណៈសម្បត្តិរបស់ស្មាតហ្វូន Leagoo T5c ត្រូវបានគេដឹងថា នឹងមិនភ្ជាប់ជាមួយនឹងបន្ទះឈីប MediaTek Chipset ឬ Qualcomm SoC នោះទេ។ ស្មាតហ្វូននេះ នឹងបំពាក់នូវបន្ទះឈីប SC9853i ដែលផលិតដោយក្រុមហ៊ុន Spreadtrum។ ដូចនេះ Leagoo T5c គឺជាស្មាតហ្វូនដំបូងបំផុត ដែលបំពាក់នូវបន្ទះឈីប SC9853i នៅក្នុងម៉ាស៊ីន។ បន្ទះឈីបនេះ ដំណើរការបច្ចេកវិទ្យា 14nm ដែលមានសមត្ថភាពខ្លាំង និងការប្រើប្រាស់ថាមពលកាន់តែមានប្រសិទ្ធិភាព។

យោងតាមការបញ្ជាក់ពីទិន្នន័យផ្លូវការរបស់ក្រុមហ៊ុន Spreadtrum បានអោយដឹងថា បន្ទះឈីប SC9853i គឺជាប្រភេទ Octa-Core Chipset ដែលមានកម្រិតហ្វេ្រកង់ 1.8GHz។ នៅក្នុងលទ្ធផលនៃការធ្វើតេស្តនៅលើ Antutu Benchmark បានបង្ហាញថា បន្ទះឈីប SC9853i មានប្រសិទ្ធិភាពខ្លាំងក្លាជាងបន្ទះឈីប MT6750 ដល់ទៅ 39%។ សម្រាប់ការដំណើរការនៅក្នុងមុខងារ Single និង Multi-Core របស់បន្ទះឈីប SC9853i គឺមានចំនួន 25% និង 36% ។ នេះគឺដោយសារតែបច្ចេកវិទ្យា 14nm FinFET Technology ដែលបំពាក់នៅលើបន្ទះឈីបនេះ ដែលមានប្រសិទ្ធិភាពខ្លាំក្លាជាង 28nm MTK MT6750។

ស្មាតហ្វូនស៊េរីថ្មី 5Tc នឹងភ្ជាប់ជាមួយនឹងកាមេរ៉ាភ្លោះខាងក្រោយប្រភេទ Samsung 13M/OV 2MP នៅលើអេក្រង់ទំហំ 5.5 អ៊ីង កម្រិតភាពច្បាស់ FHD IPS Display។ ស្មាតហ្វូននេះមានទំហំរ៉េម 3GB និងម៉េមូរីក្នុងម៉ាស៊ីនទំហំ 32GB។ ស្មាតហ្វូន T5c បំពាក់នូវថាមពលថ្មខ្លាំង LG 3000mAh ជាមួយនឹងបច្ចេកវិទ្យា 5V2A quick charge ផងដែរ។ ហើយដំណឹងដែលកាន់តែរសើបជាងនេះទៀតនោះ ប្រព័ន្ធស្កេនក្រយ៉ៅដៃ គឺនៅតែរក្សាទុកនៅលើផ្នែកខាងមុខនៃស្មាតហ្វូននេះផងដែរ។ អ្នកប្រើប្រាស់ជាច្រើន នឹងសប្បាយចិត្តជាមួយនឹងតម្លៃ និងសមត្ថភាពដ៏ខ្លាំងក្លារបស់ស្មាតហ្វូននេះជាក់ជាមិនខាន។ តម្លៃរបស់ស្មាតហ្វូននេះគឺត្រឹមតែ $129,99 ដុល្លារអាមេរិកប៉ុណ្ណោះ (សំរាប់ទីផ្សារបរទេស)៕