no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Samsung បាននាំមុខគេនៅក្នុងត្រីមាសទី 3 ឆ្នាំ 2017 នេះ ស្របពេលដែលក្រុមហ៊ុនចិនចំនួន 3 ឈរនៅចំណាត់ថ្នាក់កំពូលទាំង 5

Samsung គឺជាក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងដែលឈរនៅចំណាត់ថ្នាក់កំពូលនៅក្នុងការលក់ស្មាតហ្វូននៅទូទាំងពិភពលោក។ Samsung មានចំណែកទីផ្សារចំនួន 22.3% សម្រាប់ត្រីមាសទី 3 នៅឆ្នាំ 2017 នេះបើតាមការស្រាវជ្រាវរបស់ក្រុមហ៊ុន Gartner។ បន្ទាប់ពីក្រុមហ៊ុន Samsung នោះ ក្រុមហ៊ុនបច្ចេកវិទ្យាយក្ស Apple ឈរនៅចំណាត់ថ្នាក់លេខរៀងទី 2 ដែលមានចំណែកទីផ្សារចំនួន 11.9% ខណៈពេលដែលក្រុមហ៊ុន Huawei របស់ចិនតាមពីក្រោយក្រុមហ៊ុនបច្ចេកវិទ្យា Apple ជាមួយនឹងចំណែកទីផ្សារចំនួន 9.5% ។ 

 

នៅក្នុងត្រីមាសទី 2 នេះ ក្រុមហ៊ុន Samsung ទទួលបានចំណែកទីផ្សារចំនួន 20.7% ខណៈពេលដែល Apple មានចំណែកទីផ្សារចំនួន 13.7%។ អ្វីដែលគួរឱ្យចាប់អារម្មណ៍នោះ នៅក្នុងត្រីមាសទី 3 នេះ Apple មានចំណែកទីផ្សារចំនួន 11.9% ដែលនេះបង្ហាញអំពីការលក់ធ្លាក់ចុះរបស់ខ្លួនបន្តិច។ បន្ទាប់ពីក្រុមហ៊ុន Huawei មានក្រុមហ៊ុនចិនចំនួន 2 ទៀតដែលឈរនៅចំណាត់ថ្នាក់កំពូលទាំង 5 នៅក្នុងពិភពលោកនោះ។ ក្រុមហ៊ុន Oppo និង Xiaomi ឈរនៅចំណាត់ថ្នាក់លេខរៀងទី 4 និងលេខរៀងទី 5 ជាមួយនឹងចំណែកទីផ្សារ 7.7% និង 7%។

 

បើគិតអំពីចំនួនស្មាតហ្វូនដែលលក់បានវិញនោះ គឺក្រុមហ៊ុន Samsung លក់ស្មាតហ្វូនបានចំនួន 85.6 លានគ្រឿងខណៈពេលដែលក្រុមហ៊ុន Apple លក់ស្មាតហ្វូនបានចំនួន 45.4 លានគ្រឿង។ ក្រុមហ៊ុន Huawei លក់ស្មាតហ្វូនបានចំនួន 36.5 លានគ្រឿងខណៈពេលដែលក្រុមហ៊ុន OPPO លក់ស្មាតហ្វូនបានចំនួន 29.4 លានគ្រឿង ហើយក្រុមហ៊ុន Xiaomi លក់ស្មាតហ្វូនបានចំនួន 26.9 លានគ្រឿង។

 

នៅក្នុងការវិភាគអំពីកំណើនពីមួយឆ្នាំទៅមួយឆ្នាំនោះ ការលក់ស្មាតហ្វូនរបស់ក្រុមហ៊ុន Samsung មានកំណើនកើនឡើងពីរខ្ទង់ (ប្រហែលជា 19.3%) នៅក្នុងត្រីមាសទី 3 នេះ។ សម្រាប់ក្រុមហ៊ុន Huawei, Oppo និង Xiaomi ក៏មានការកើនឡើងពីរខ្ទង់ផងដែរ។ ទោះជាយ៉ាងណាក៏ដោយ ក្រុមហ៊ុន Apple មានការកើនឡើងត្រឹមតែ 5.7% តែប៉ុណ្ណោះ។ Xiaomi មានកំណើនខ្លាំងក្លាជាងគេ។ ក្រុមហ៊ុនចិននេះ មានកំណើនកើនឡើង 80% នៅក្នុងត្រីមាសទី 3 ឆ្នាំ 2017 នេះ។ នេះគឺជាកំណើនដ៏ខ្លាំងក្លាបំផុតរបស់ក្រុមហ៊ុន Xiaomi នៅក្នុងប្រទេសឥណ្ឌា និងកំណើននៃការលក់នៅក្នុងទីផ្សារនៃអាមេរិកឡាទីន និងប្រទេសរុស្សី។

 

យោងតាមក្រុមហ៊ុនស្រាវជ្រាវទីផ្សារ Counterpoint Research កាលពីឆ្នាំមុននេះ ចំណែកទីផ្សាររបស់ក្រុមហ៊ុន Xiaomi នៅក្នុងប្រទេសឥណ្ឌា គឺមានការកើនឡើងពី 6% ទៅ 22.3% ជិតស្មើរទៅនឹងក្រុមហ៊ុន Samsung ។ ថ្មីៗតាមរបាយការណ៍ថ្មីពីក្រុមហ៊ុន International Data Corporation (IDC) អះអាងថា ក្រុមហ៊ុន Xiaomi យកឈ្នះក្រុមហ៊ុន Samsung នៅក្នុងការលក់ស្មាតហ្វូននៅក្នុងទីក្រុងសំខាន់ៗជាង 50 នៅក្នុងប្រទេសឥណ្ឌា៕

ព័ត៌មានពាណិជ្ជកម្ម