ពាក្យចចាមអារ៉ាមពីក្រុមហ៊ុនផ្គត់ផ្គង់បញ្ជាក់ថា ទូរស័ព្ទ Samsung Galaxy S8 នឹងបំពាក់នូវអេក្រង់កញ្ចក់ 2K ហើយគ្មានប៊ូតុង Home Button នោះទេ
ក្រោយពេលដែលហ្វាប់ប្លេត Samsung Galaxy Note 7 មានបញ្ហា ពេលនេះ មនុស្សគ្រប់គ្នាកំពុងតែផ្តោតចាប់អារម្មណ៍ទៅលើទូរស័ព្ទ Samsung Galaxy S8 ដើម្បីពិនិត្យមើលថា តើក្រុមហ៊ុនមួយនេះពិតជាបានដោះស្រាយនូវបញ្ហាផ្ទុះថ្មរបស់ហ្វាប់ប្លេត Galaxy Note 7 បានពិតប្រាកដមែន។ ពាក្យចចាមអារ៉ាមចុងក្រោយនេះដែលមានប្រភពមកពីក្រុមហ៊ុនផ្គត់ផ្គង់ (តាមរយៈ Weibo) បានបញ្ជាក់ថា ក្រុមហ៊ុន Samsung នឹងបំពាក់នូវអេក្រង់កញ្ចក់កម្រិតភាពច្បាស់ 2K សម្រាប់ទូរស័ព្ទ Galaxy S8 នៅពេលដែលវានឹងត្រូវដាក់បង្ហាញនៅថ្ងៃទី 26 ខែកុម្ភៈខាងមុខនេះ។
ពាក្យចចាមអារ៉ាមនេះគឺវាផ្ទុយពីរបាយការណ៍មុននេះ ដែលបញ្ជាក់ថាទូរស័ព្ទនេះ នឹងបំពាក់នូវអេក្រង់កម្រិតភាពច្បាស់ 2160 x 3840 UHD ដើម្បីធ្វើឱ្យបច្ចេកវិទ្យា VR មើលទៅអស្ចារ្យបំផុតនៅលើទូរស័ព្ទ។ ដូចអ្វីដែលយើងបានធ្វើការចង្អុលបង្ហាញនៅពេលមុននេះ ការប្រើប្រាស់នូវកញ្ចក់អេក្រង់ជាមួយនឹងកម្រិតភាពច្បាស់ដែលបង្កើន និងរក្សានូវល្បឿនថាមពលថ្មបានយូរនៅលើទូរស័ព្ទ។ បើធៀបជាមួយនឹងហ្វាប់ប្លេត Galaxy Note 7 ដែលមានបញ្ហានោះគឺវាមានកញ្ចក់អេក្រង់កម្រិតភាពច្បាស់ 1440 x 2560 ភិចសែលប៉ុណ្ណោះ។
ក្រុមហ៊ុនផ្គត់ផ្គង់នេះ ថែមទាំងរាយការណ៍ឱ្យដឹងទៀតថា វានៅមិនទាន់មានការបញ្ជាកម្មង់ទិញនូវការផលិតសមាសភាគសម្រាប់ប្រើប្រាស់នៅលើ Home Button នោះទេ។ វាហាក់ដូចជាចង់បង្ហាញថា ទូរស័ព្ទនេះអាចនឹងមានអេក្រង់កញ្ចក់ពេញមួយអេក្រង់តែម្តង ហើយវាប្រើប្រាស់នូវមុខងារនូវប្រព័ន្ធស្កែនក្រយ៉ៅដៃ Ultrasonic របស់ក្រុមហ៊ុន Qualcomm ដែលស្ថិតនៅខាងក្រោមកញ្ចក់ផ្ទាំងខាងមុខតែម្តង។ វាស្តាប់មើលទៅហាក់ដូចជាទូរស័ព្ទស៊េរីថ្មីរបស់ក្រុមហ៊ុន Meizu ដែលមានកញ្ចក់អេក្រង់ជិត 100% ផងដែរ។ អ្វីដែលកាន់តែពិសេសជាងនេះទៀតនោះ ក្រុមហ៊ុន Apple ក៏ត្រៀមខ្លួនក្នុងការរៀបចំព្រឹត្តិការណ៍រំលឹកខួបអនុស្សាវរីយ៍លើកទី 10 របស់ខ្លួននៃទូរស័ព្ទ Apple iPhone នៅក្នុងឆ្នាំ 2017 ខាងមុខនេះដែរ៕
ជប៉ុនបញ្ចេញឧបករណ៍ដំណើរការដោយប្រព័ន្ធសេវា 6G ដំបូងគេក្នុងលោក ដែលដំណើរការលឿនជាង 5G ដល់ទៅ 20 ដង
Ford Ranger ទទួលចំណាត់ថ្នាក់ផ្កាយ 5 ជារថយន្តមានសុវត្ថិភាពបំផុត!
Samsung Galaxy S25 នឹងប្រើបច្ចេកវិទ្យា AI ដើម្បីជួយបង្កើនអាយុកាលប្រើប្រាស់នៃថាមពលថ្ម
ស្មាតហ្វូនដំបូងបំផុតដែលបំពាក់បន្ទះឈីប Snapdragon 8 Gen 4 នឹងបង្ហាញខ្លួននៅពាក់កណ្តាលខែតុលាខាងមុខនេះហើយ
iPhone 17 Pro Max នឹងបំពាក់នូវរ៉េមទំហំ 12GB ជាមួយនឹង Dynamic Island តូចជាងមុនបន្តិច
