នៅថ្ងៃនេះ ក្រុមហ៊ុន Motorola បានបង្ហាញស្មាតហ្វូនស៊េរីថ្មីរបស់ខ្លួន ដែលមានឈ្មោះថា Motorola P30 នៅក្នុងព្រឹត្តិការណ៍មួយនៅក្នុងប្រទេសចិន។ នេះគឺជាស្មាតហ្វូនដំបូងបំផុតដែលប្រើប្រាស់នូវអេក្រង់ Notch។ ស្មាតហ្វូនជំនាន់ថ្មីនេះ គឺមានការរចនារូបរាងយ៉ាងស្រស់ស្អាត។
លក្ខណៈសម្បត្តិ និងមុខងារសំខាន់ៗរបស់ស្មាតហ្វូន Motorola P30
ស្មាតហ្វូនស៊េរីថ្មី Motorola P30 ប្រើប្រាស់នូវកញ្ចក់ប្រភេទ 2.5D glass ស្ថិតនៅផ្នែកខាងមុខ និងផ្នែកខាងក្រោយរបស់ស្មាតហ្វូននេះ។ កញ្ចក់របស់ស្មាតហ្វូននេះបង្កើតឡើងមកពី polysilicon powder ដែលអាចធ្វើការទប់ទល់ទៅនឹងសីតុណ្ហភាពខ្ពស់បាន។ ស្មាតហ្វូននេះមានច្រើនពណ៌សម្រាប់ធ្វើការជ្រើសរើសដូចជាពណ៌ Ice Jade White, Bright Black និង Aurora ។ ស្មាតហ្វូននេះមានវិមាត្រ 155.5 x 75.95 x 7.69mm និងទម្ងន់ 170 grams។
ស្មាតហ្វូន P30 មានអេក្រង់ទំហំ 6.2-inch IPS LCD display ដែលទ្រទ្រង់នូវកម្រិតភាពច្បាស់ Full HD+ 2246 x 1080 pixels ជាមួយនឹងកម្រិតសមាមាត្រ aspect ratio 19:9 ។ ស្មាតហ្វូននេះប្រើប្រាស់នូវបន្ទះឈីប Snapdragon 636 SoC រួមជាមួយនឹងរ៉េមទំហំ 6GB និងម៉េមូរីក្នុងម៉ាស៊ីនទំហំ 64GB និង 128GB ផងដែរ។ ស្មាតហ្វូននេះប្រើប្រាស់នូវប្រព័ន្ធប្រតិបត្តិការ Android 8.1 Oreo ជាមួយនឹង ZUI 4.0 ។ អ្នកប្រើប្រាស់អាចធ្វើការបន្ថែមនូវ microSD នៅលើរន្ធដោត hybrid SIM slot នៅលើស្មាតហ្វូននេះបានផងដែរ។ ស្មាតហ្វូននេះមានថាមពលថ្ម 3,000mAh និងការទ្រទ្រង់នូវបច្ចេកវិទ្យា 18W fast charging ដែលមានន័យថាស្មាតហ្វូននេះអាចបញ្ចូលថ្មត្រឹម 15 នាទីអាចប្រើប្រាស់បានដល់ទៅ 8 ម៉ោង។
សម្រាប់ផ្នែកខាងក្រោយរបស់ស្មាតហ្វូន Motorola P30 នេះប្រើប្រាស់នូវប្រព័ន្ធកាមេរ៉ាភ្លោះទំហំ f/1.8 aperture OV16B 16-megapixel primary sensor និង f/2.2 aperture OV5675 5-megpaixel secondary sensor ។ កាមេរ៉ាភ្លោះនេះភ្ជាប់ជាមួយនឹងមុខងារជាច្រើនដូចជា dual-tone LED flash, background blur, HDR, professional mode, panorama photo និង portrait mode ផងដែរ។ កាមេរ៉ាខាងមុខរបស់ស្មាតហ្វូននេះគឺមានទំហំ f/2.0 aperture 12-megapixel selfie snapper ហើយវាក៏ភ្ជាប់ជាមួយនឹងមុខងារ AI និង bokeh effect ផងដែរ។
ស្មាតហ្វូននេះ ប្រើប្រាស់ឡូហ្គោ Motorola “M” logo នៅផ្នែកខាងក្រោយជាមួយនឹងប្រព័ន្ធស្កេនក្រយ៉ៅដៃ fingerprint scanner ផងដែរ។ បន្ថែមពីនេះទៀតនោះ ស្មាតហ្វូននេះក៏ភ្ជាប់ជាមួយនឹងមុខងារ facial recognition ថែមទៀត ។ ស្មាតហ្វូន Motorola P30 ភ្ជាប់ជាមួយនឹងមុខងារជាច្រើនដូចជា Dolby sound output, game mode, hybrid SIM slot, 4G VoLTE, Wi-Fi 802.11ac, Bluetooth 5.0, USB-C, GPS និងរន្ធដោតកាសស្តាប់ 3.5mm audio jack ផងដែរ។
តម្លៃ និងកាលបរិច្ឆេទនៃការលក់ស្មាតហ្វូន Motorola P30
ស្មាតហ្វូន Motorola P30 មានម៉េមូរីក្នុងម៉ាស៊ីនទំហំ 64GB និងរ៉េមទំហំ 6GB មានតម្លៃ Motorola P30 ។ លោកអ្នកអាចជ្រើសរើសពណ៌ Ice Jade White និង Bright Black។ សម្រាប់ម៉ូដែលម៉េមូរីទំហំ 128GB និង 6GB គឺមានតម្លៃ 2,499 Yuan (~$361) ហើយវាមានពណ៌ Ice Jade White និង Aurora ។ ក្រុមហ៊ុន Motorola ចាប់ផ្តើមទទួលការកក់ហើយសម្រាប់ស្មាតហ្វូន P30 នៅក្នុងប្រទេសចិន ហើយការដាក់លក់ស្មាតហ្វូននេះនៅក្នុងប្រទេសចិនគឺនៅថ្ងៃទី ១៥ ខែកញ្ញាខាងមុខនេះ៕