LG Electronics បង្កើតព្រឹត្តិការណ៍ TWINWash Song & Dance challenge ដើម្បីបំបែកនូវកំណត់ត្រាពិភពលោក

នៅដើមខែនេះ ក្រុមហ៊ុន LG Electronics បានព្យាយាមបំបែកនូវកំណត់ត្រាពិភពលោក GUINNESS WORLD RECORDS មួយទៀតហើយ តាមរយៈយុទ្ធនាការដែលមានមនុស្សរាប់រយនាក់ជាជនជាតិម៉ិចស៊ិកូ ច្រៀង និងរាំ។ មានមនុស្សប្រុសប្រហែលជា 500 នាក់ បាននាំគ្នារាំលេង ដើម្បីយកឈ្នះនូវកម្មវិធីធំមួយនេះ ដែលនេះ គឺជាពេលវេលាដ៏អស្ចារ្យល្អបំផុត។ ព្រឹត្តិការណ៍ដ៏អស្ចារ្យនេះ គឺជាលទ្ធផលនៃយុទ្ធនាការ TWINWash Song & Dance campaign របស់ក្រុមហ៊ុន LG នៅក្នុងប្រទេសម៉ិចស៊ិកូ ដែលនៅមិនទាន់ជាប់លទ្ធផលនៅក្នុងកំណត់ត្រាពិភពលោក GUINNESS WORLD RECORDS នោះទេ ប៉ុន្តែវាបានទាក់ទាញពិភពលោកអោយមានការចាប់អារម្មណ៍ខ្លាំងទៅលើម៉ាស៊ីន LG TWINWash របស់ក្រុមហ៊ុនកូរ៉េមួយនេះ យ៉ាងខ្លាំង។ 

យោងតាមការបញ្ជាក់របស់អ្នករៀបចំព្រឹត្តិការណ៌នេ បានអោយដឹងថា មានមនុស្សសរុបប្រមាណជា 497 នាក់ប្រមូលផ្តុំគ្នានៅទីតាំងប្រវត្តិសាស្រ្តដ៏ល្បីឈ្មោះ Plaza Manuel Tolsá នៅក្នុងទីក្រុងម៉ិចស៊ិកូដើម្បី ចាប់ផ្តើមសំដែងនូវ “Running Man” ដែលជាក្បាច់រាំនៃយុទ្ធនាការចុងក្រោយនៃ  TWINWash Challenge campaign របស់ក្រុមហ៊ុន LG ដែលមានការចូលរួមពីសំណាកតារាល្បីៗជាច្រើន និងមានមនុស្សជាច្រើន ដែលមកពីជុំវិញពិភពលោកថែមទៀតផង។ 

អ្នកតំណាងមកពី Guinness World Records កំពុងតែត្រួតពិនិត្យមើលទៅលើការប៉ុនប៉ងបំបែកនូវកំណត់ត្រាពិភពលោកនេះផងដែរ នឹងសម្រេចប្រគល់នូវប័ណ្ណបញ្ជាក់ជាផ្លូវការផងដែរ។ យុទ្ធនាការដ៏អស្ចារ្យនេះ ធ្វើឱ្យក្រុមហ៊ុន LG មានការចាប់អារម្មណ៍យ៉ាងខ្លាំងនៅក្នុងប្រទេសម៉ិចស៊ិកូ ហើយវាក៏ធ្វើឱ្យម៉ាកយីហោនេះ ត្រូវបានគេស្គាល់បានច្រើនផងដែរ។ ប្រភពព័ត៌មានខាងលើនេះ មានការរំពឹងថា ក្រុមហ៊ុននឹងរៀបចំនូវព្រឹត្តិការណ៍ជាច្រើនទៀតនៅជុំវិញពិភពលោកក្នុងពេលឆាប់ៗនេះផងដែរ

TWINWash Song & Dance challenge របស់ក្រុមហ៊ុននេះ គឺមាន 5 ក្បាច់ងាយៗដែលវាបង្ហាញអំពីមុខងារនៅលើម៉ាស៊ីនបោកគក់ LG TWINWash; ការបោកដាច់ដោយឡែក ការកំណត់បោកគក់ ការបោកគក់នៅក្នុងពេលដំណាលគ្នា ទំហំផ្ទុកកាន់តែធំ និងមុខងារ TWIN Wash ។ TWINWash ពិតជាមានផ្តល់នូវភាពរីករាយ ងាយស្រួលនៅក្នុងការរាំតាមដែលចំណាយកម្លាំងតិចថែមទៀត។ នៅក្នុងយុទ្ធនាការនេះក៏ធ្វើឱ្យអ្នកចូលរួមដែលប៉ុនប៉ងបំបែកកំណត់ត្រានេះចែករំលែកនូវវីដេអូជាច្រើននៅលើបណ្តាញសង្គម Social Media ផងដែរ៕