កាលពីពីរសប្តាហ៍មុន ក្រុមហ៊ុន Samsung Electronics ត្រូវទទួលស្គាល់ក្នុងភាពជាអ្នកដឹកនាំបរិស្ថាននៅប្រទេសរុស្ស៊ីតាមរយៈការទួលបានពានរង្វាន់មាស Kommersant Initiative Golden Crane។ គណៈវិនិច្ឆ័យរបស់ពានរង្វាន់នេះ ធ្វើការកោតសរសើរយ៉ាងខ្លាំងចំពោះគំនិតផ្តួចផ្តើមផ្នែកបរិស្ថានរបស់ក្រុមហ៊ុន Samsung ក្នុងវិស័យការរៀបចំ និងការកែច្នៃទៅលើគ្រឿងអេឡិចត្រូនិច និងផ្តល់ជូនទៅកាន់ក្រុមហ៊ុន Samsung នូវពានរង្វាន់ជាលើកដំបូងបំផុតនៅក្នុងប្រភេទបរិស្ថានវិទ្យា(Ecology category) នេះ។
Kommersant Initiative ទទួលស្គាល់នូវគម្រោង និងសាជីវកម្មដ៏ល្អបំផុតនៅក្នុងក្រុមចំនួន 4 ប្រភេទ: "វប្បធម៌", "សប្បុរសធម៌ និងការទទួលខុសត្រូវសង្គម", "បរិស្ថានវិទ្យា" និង "ការចូលរួមចំណែករបស់បុគ្គល"។ ផ្នែកមួយនៃពានរង្វាន់ ដែលត្រូវបង្ហាញដោយ Kommersant Publishing House គំរោងបរិស្ថានពីរដោយក្រុមហ៊ុន Samsung Electronics ទទួលកិត្តិយសជាមួយនឹងពានរង្វាន់ទាំងនេះ។ ទីមួយគឺការតំឡើង ecoboxes នៅក្នុងមជ្ឈមណ្ឌលសេវារបស់ក្រុមហ៊ុន ហើយទី 2 គឺកម្មវិធីផ្តួចផ្តើម "School of recycling: electronics" ដែលបង្កើតឡើង ដើម្បីលើកកម្ពស់ការយល់ដឹងអំពីការការពារបរិស្ថាន និងលើកកម្ពស់អាកប្បកិរិយាប្រកបដោយទំនួលខុសត្រូវចំពោះការចោលកាកសំណល់នៅក្នុងចំណោមសិស្សានុសិស្សជាច្រើននៅក្នុងសាលារៀនប្រទេសរុស្ស៊ី។
កម្មវិធី “Eco Recycling” program គឺត្រូវបានអនុវត្តក្នុងឆ្នាំ 2010 ហើយរួមបញ្ចូលទាំងការដាក់នូវធុងពិសេសជាច្រើននៅក្នុងមជ្ឈមណ្ឌលសេវាកម្ម Samsung ទូទាំងប្រទេសរុស្ស៊ី សម្រាប់ការប្រមូលឧបករណ៍ចល័តកែច្នៃឡើងវិញ ដូចជាស្មាតហ្វូន ថេបប្លេត និងឧបករណ៍តន្ត្រីចល័តពីសាធារណជន និងការបោះបង់ចោលជាបន្តបន្ទាប់របស់ពួកគេ។ យុទ្ធនាការបរិស្ថានសហព័ន្ធដ៏ធំទូលាយ “School of recycling: electronics” នេះ ត្រូវបានផ្តួចផ្តើមដោយក្រុមហ៊ុន Samsung Electronics នៅដើមឆ្នាំ 2018 ដោយសហការជាមួយមូលនិធិគ្រប់គ្រងបរិស្ថានសម្រាប់អង្គការក្រៅរដ្ឋាភិបាលមួយនៅប្រទេសរុស្ស៊ី។
គោលបំណងចម្បងនៃកម្មវិធីនេះ គឺការបង្កើនការយល់ដឹងអំពីអេកូឡូស៊ី ការកាត់បន្ថយការប៉ះពាល់បរិស្ថានដែលបណ្តាលមកពីការបំផ្លាញកាកសំណល់អេឡិចត្រូនិក ការអភិវឌ្ឍជំនាញសម្រាប់ឥរិយាបថទទួលខុសត្រូវចំពោះបរិស្ថាន ការអភិរក្សធនធាន និងការប្រមូលកាកសំណល់ដែលដាច់ដោយឡែក។ ជាផ្នែកមួយនៃយុទ្ធនាការនេះសាលារៀនដែលចូលរួមចំនួនជាង 400 កន្លែងអាចដាក់ ecoboxes ដែលសិស្សអាចបោះចោលថ្ម និងអាគុយម៉ង់ចាស់ៗបាន។ ថ្នាក់បរិស្ថានវិទ្យាត្រូវរៀបចំឡើងផងដែរសម្រាប់សិស្សជាច្រើន ដែលកុមារត្រូវគេបង្រៀនអំពីសារៈសំខាន់នៃការកែច្នៃគ្រឿងអេឡិចត្រូនិច និងការការពារបរិស្ថាន។
រហូតមកដល់ពេលនេះ សំណល់អេឡិចត្រូនិកជាង 500 តោន ត្រូវបានប្រមូលដោយសាលារៀន និងក្រុងនានាដែលជាផ្នែកនៃគម្រោងនេះ។ លោក Rinat Nigmatullin ប្រធានរបស់ Field Service Group, CIS Office នៃក្រុមហ៊ុន Samsung Electronicsនិយាយថា "ក្រុមហ៊ុន Samsung Electronics ប្តេជ្ញាការពារបរិស្ថាននៅកម្រិតសកល។ ដោយយកចិត្តទុកដាក់លើបរិស្ថានវិទ្យាក្នុងដំណាក់កាលនៃការរចនា និងជំហាននីមួយៗនោះ យើងព្យាយាមកាត់បន្ថយផលប៉ះពាល់អវិជ្ជមានរបស់វាទៅលើបរិស្ថានជុំវិញគ្រប់វិស័យទាំងអស់”។