អង់គ្លេស មានចេតនាចង់ប្រើផលិតផល Huawei នៅក្នុងបណ្តាញ 5G របស់ខ្លួន ដោយសារតែខ្លួនជឿថា នឹងអាចគ្រប់គ្រងហានិភ័យបាន

ថ្វីបើសហរដ្ឋអាមេរិក បានព្រមានថា សម្ព័ន្ធមិត្តរបស់ខ្លួន មិនត្រូវប្រើប្រាស់ឧបករណ៍របស់ក្រុមហ៊ុន Huawei សម្រាប់បណ្តាញ 5G របស់ខ្លួនក៏ដោយ ចក្រភពអង់គ្លេសជឿជាក់ថា ខ្លួនអាចកំណត់ហានិភ័យណាមួយ ដែលអាចធ្វើឱ្យការហាមឃាត់នេះមិនមានភាពចាំបាច់នោះទេ។ ការសម្រេចចិត្តនេះ អាចមើលឃើញថា មេដឹកនាំអ៊ឺរ៉ុបដទៃទៀត នឹងបន្តធ្វើតាមហើយថែមទាំងប្រើបច្ចេកវិទ្យារបស់ក្រុមហ៊ុនចិនកាន់តែច្រផននេះថែមទៀតផង។

សារព័ត៌មាន Financial Times បានរាយការណ៍ថា មជ្ឈមណ្ឌលសុវត្ថិភាពអ៊ីនធឺណិតរបស់ចក្រភពអង់គ្លេស (NCSC) ដែលជាផ្នែកមួយនៃ GCHQ បានធ្វើសេចក្តីសន្និដ្ឋានថា ហានិភ័យដែលបង្កដោយឧបករណ៍របស់ក្រុមហ៊ុន Huawei អាចនឹងត្រូវបានកាត់បន្ថយ។ ទីភ្នាក់ងារនេះ មានការជឿជាក់ថា នឹងអាចធ្វើទៅបានតាមរយៈការដាក់កម្រិតផ្នែកមួយចំនួននៃបណ្តាញ 5G និងការប្រើប្រាស់អ្នកផ្គត់ផ្គង់ផ្សេងៗជាច្រើន។ កាលពីខែវិច្ឆិកាឆ្នាំមុននេះ សហរដ្ឋអាមេរិក បានប្រកាសប្រាប់ទៅដល់សម្ព័ន្ធមិត្តរបស់ខ្លួន ដោយផ្តល់ដំបូន្មានដល់ពួកគេ មិនឱ្យប្រើគ្រឿងសម្ភារៈរបស់ក្រុមហ៊ុន Huawei នៅក្នុងហេដ្ឋារចនាសម្ព័ន្ធទូរគមនាគមន៍របស់ពួកគេនោះទេ។ 

រដ្ឋាភិបាលចិន បានធ្វើការចោទប្រកាន់ក្រុមហ៊ុនបច្ចេកវិទ្យានេះថាធ្វើការតាមដានជាយូរមកហើយនៅតាមសំណើរបស់ប្រទេសចិន ហើយទីភ្នាក់ងារសហរដ្ឋអាមេរិកកាលពីឆ្នាំមុនក៏ព្រមានជនជាតិអាមេរិកមិនឱ្យប្រើប្រាស់ឧបករណ៍របស់ក្រុមហ៊ុន Huawei ឬ ZTE ព្រោះអាចប្រឈមនឹងទិន្នន័យផ្ទាល់ខ្លួនរបស់ពួកគេត្រូវគេលួច។ ខណៈពេលដែលប្រទេសអូស្ត្រាលី និងនូវែលសេឡង់ក៏ហាមឃាត់ក្រុមហ៊ុន Huawei ពីការផ្តល់ឧបករណ៍សម្រាប់បណ្តាញ 5G របស់ពួកគេនោះ ការសន្និដ្ឋានរបស់ NCSC នឹងមានទម្ងន់ធ្ងន់ជាមួយនឹងមេដឹកនាំជាច្រើនរបស់អ៊ឺរ៉ុប។

ប្រភពរបស់ FT បាននិយាយថា “ប្រទេសដទៃ អាចជជែកវែកញែកថា ប្រសិនបើអង់គ្លេសមានទំនុកចិត្តលើការកាត់បន្ថយការគំរាមកំហែងផ្នែកសន្តិសុខជាតិនោះ ពួកគេក៏អាចធានាដល់សាធារណជន និងរដ្ឋបាលសហរដ្ឋអាមេរិកថា ពួកគេកំពុងធ្វើសកម្ម ភាពដោយប្រុងប្រយ័ត្នក្នុងការបន្តអនុញ្ញាតឱ្យអ្នកផ្តល់សេវាទូរគមនាគមន៍របស់ពួកគេប្រើប្រាស់សមាសភាគរបស់ប្រទេសចិនដរាបណាពួកគេទទួលការផ្ដល់អនុសាសន៍ពីចក្រភពអង់គ្លេសនោះ"។ អ្នកនាំពាក្យរបស់នាយកដ្ឋានឌីជីថល វប្បធម៌ និងប្រព័ន្ធផ្សព្វផ្សាយរបស់ចក្រភពអង់គ្លេស បាននិយាយថា ការពិនិត្យមើលសុវត្ថិភាពនៃបច្ចេកវិទ្យា 5G កំពុងបន្ត។ អ្វីៗគឺនឹងអាស្រ័យលើរដ្ឋាភិបាលរបស់ប្រទេសនេះ ដើម្បីសម្រេចចិត្តថាតើ ត្រូវទទួលយកដំបូន្មានរបស់ NCSC ឬយ៉ាងណា។

ព័ត៌មាននេះ នឹងមិនត្រូវបានស្វាគមន៍ពីសំណាក់សហរដ្ឋអាមេរិកដែលកំពុងរារាំងក្រុមហ៊ុន Huawei នៅប៉ុន្មានខែថ្មីៗនេះទេ។ នាយកផ្នែកហិរញ្ញវត្ថុរបស់ក្រុមហ៊ុនត្រូវចាប់ខ្លួននៅប្រទេសកាណាដាតាមសំណើរបស់សហរដ្ឋអាមេរិកនៅខែធ្នូ ហើយក្រុមហ៊ុននេះ កំពុងស្ថិតនៅក្រោមការស៊ើបអង្កេតពីបទលួចព័ត៌មានអាថ៌កំបាំងផ្នែកពាណិជ្ជកម្ម។ ក្រុមហ៊ុន Huawei កាលពីសប្ដាហ៍មុននេះ បាននិយាយថា នេះគឺជារឿងភ្ញាក់ផ្អើល ឬជួនកាលត្រូវគេប្រើប្រាស់ដោយការចោទប្រកាន់ផ្នែកសន្តិសុខ ហើយមានឆន្ទៈ "ទទួលយកការត្រួតពិនិត្យ និងការផ្តល់យោបល់ពីគ្រប់រដ្ឋាភិបាលអឺរ៉ុប និងអតិថិជនទាំងអស់៕"