no-alternative title
no-alternative title
no-alternative title
no-alternative title
no-alternative title
no-alternative title
no-alternative title

ពាក្យចចាមអារ៉ាមថ្មីបញ្ជាក់ទៀតហើយថា ស្មាតហ្វូន Samsung Galaxy A (2018) នឹងមាន 3 ពណ៌សម្រាប់ជ្រើសរើស

កាលពីពេលថ្មីៗនេះ ពាក្យចចាមអារ៉ាមថ្មីដកស្រង់ពី SamMobile បានបង្ហាញថា ស្មាតហ្វូនស៊េរីថ្មី Samsung Galaxy A (2018) នឹងមាន 3 ពណ៌សម្រាប់ធ្វើការជ្រើសរើស។ ស្មាតហ្វូន Android ថ្នាក់កណ្តាលរបស់ក្រុមហ៊ុន Samsung នេះ នឹងមានពណ៌ខ្មៅ ពណ៌មាស និងពណ៌ Orchid Gray ។ គួរបញ្ជាក់ថា ពណ៌ Orchid Gray គឺកំពុងតែទទួលបានការពេញនិយមជាមួយនឹងការបង្ហាញនៅលើស្មាតហ្វូន Galaxy S8 និង Galaxy S8 Plus នាពេលកន្លងមក ហើយក្រុមហ៊ុន Samsung ក៏នឹងប្រើប្រាស់ពណ៌នេះ សម្រាប់ស្មាតហ្វូនថ្នាក់កណ្តាលរបស់ខ្លួនផងដែរ។

សូមជំរាបថា ក្រុមហ៊ុន Samsung នៅតែបន្តនូវការអភិវឌ្ឍទៅលើស្មាតហ្វូនថ្នាក់ខ្ពស់ និងថ្នាក់កណ្តាល ដែលមានលក្ខណៈកាន់តែស្រដៀងគ្នាសម្រាប់ឆ្នាំក្រោយនេះ។ យោងតាមព័ត៌មានដែលបានបែកធ្លាយនៅលើអនឡាញកាលពីប៉ុន្មានខែថ្មីៗនេះ ក៏បានបញ្ជាក់ផងដែរ ស្មាតហ្វូនស៊េរី Galaxy A (2018) នឹងប្រើប្រាស់នូវអេក្រង់ Infinity Display ដូចគ្នាទៅនឹងស្មាតហ្វូន Galaxy S8 និង Galaxy S8 Pllus អញ្ចឹងដដែរ ហើយវាក៏មានអេក្រង់កម្រិត aspect ratio 18.5:9 និងស៊ុមព័ទ្ធអេក្រង់ស្តើងដូចគ្នា។ លក្ខណៈខុសប្លែកនោះគឺថា ស្មាតហ្វូន Galaxy A នេះមិនមានគែម កោងប៉ុណ្ណោះ មានន័យថា គឺអេក្រង់រាបស្មើកម្រិត QHD ។ 

ពាក្យចចាមអារ៉ាមដដែលនេះ បានបញ្ជាក់ទៀតថា Galaxy A5 (2018) និង Galaxy A7 (2018) នឹងដាក់លក់នៅលើទីផ្សារជាមួយនឹងស្មាតហ្វូន Galaxy A8 និង Galaxy A8 Plus ផងដែរ ដើម្បីធ្វើការប្រកួតប្រជែងនៅក្នុងទីផ្សារស្មាតហ្វូនថ្នាក់កណ្តាល។ ហើយរហូតមកទល់ពេលនេះ គឺនៅមិនទាន់មានព័ត៌មានអំពីកាលបរិច្ឆេទនៃការដាក់លក់ស្មាតហ្វូនត្រកូល Galaxy A (2018) នៅឡើយទេ ប៉ុន្តែវានឹងបង្ហាញខ្លួននៅក្នុងឆ្នាំ 2018 ខាងមុខនេះជាក់ជាមិនខាន។ ស្មាតហ្វូននេះ នឹងដាក់លក់នៅតំបន់ជាច្រើននៅលើពិភពលោក ប៉ុន្តែវាក៏មានការដាក់លក់ទៅតាមទីផ្សារដែលបានកំណត់រួចមកហើយរបស់ក្រុមហ៊ុន Samsung ផងដែរ៕

no-alternative title
ព័ត៌មានពាណិជ្ជកម្ម