នៅពេលដែលនាឡិកាឆ្លាតវៃ Apple Watch បង្ហាញខ្លួនដំបូងបំផុតនៅក្នុងឆ្នាំ 2015 នោះក្រុមហ៊ុនបច្ចេកវិទ្យា Apple ពិតជាចង់ធ្វើការផ្សព្វផ្សាយទៅលើនាឡិកាដ៏ទាន់សម័យនិងមានតម្លៃថ្លៃនេះជាមួយនឹងការបើកហាងលក់ចំនួន 3 កន្លែងសម្រាប់លក់នូវផលិតផលនាឡិកានេះសុទ្ធតែម្តង។វាស្ថិតនៅក្នុងទីក្រុងឡុងដ៏ប៉ារីសនិងតូក្យូហាងទាំងនេះផ្តល់នូវសក្តានុពលសម្រាប់អ្នកប្រើប្រាស់មានឱកាសក្នុងការសាកល្បងទៅលើនាឡិកា Watch នេះហើយមើលអំពីខ្សែនាឡិកាដែលអាចប្រើប្រាស់បានដោយមិនចាំបាច់ទៅកាន់ហាងលក់រាយរបស់ក្រុមហ៊ុន Apple នោះទេ។ពេលនេះក្រុមហ៊ុនលក់នាឡិកាឆ្លាតវៃនេះដាក់លក់ជាច្រើនឆ្នាំមកហើយសម្រាប់ហាងលក់ចុងក្រោយគេបំផុតក៏ត្រៀមខ្លួននឹងបិទក្នុងពេលឆាប់ៗនេះផងដែរ។
សម្រាប់ហាងលក់នាឡិកាឆ្លាតវៃ Apple Watch នៅក្នុងទីក្រុងឡុងដ៏និងទីក្រុងប៉ារីសបិទទ្វារនៅដើមឆ្នាំ 2017 ដូចនេះវាពិតជាមានការភ្ញាក់ផ្អើលដែលទីតាំងចុងក្រោយនៅក្នុងទីក្រុងតូក្យូគឺជាកន្លែងចុងក្រោយបំផុតនោះ។វាស្ថិតនៅក្នុងហាង Shinjuku ហើយតាមការបញ្ជាក់នូវការបង្ហោះពីហាងនេះគឺហាងនេះនឹងធ្វើការបិទទ្វារនៅថ្ងៃទី 13 ខែឧសភាខាងមុខនេះ។
ខណៈពេលដែលហាងលក់នាឡិកា Isetan Apple Watch store បើកលក់ជាយូរមកហើយប៉ុន្តែហេតុផលសំខាន់បំផុតនៃការបិទហាងនេះដោយសារតែហាងលក់រាយ Apple retail store ថ្មីបើកនៅក្នុងតំបន់ Shinjuku នៅដើមខែនេះហើយវាមិននៅឆ្ងាយគ្នានោះទេ។
ហាង Apple Watch store នៅតំបន់ Shinjuku នេះគឺជាទីតាំងចុងក្រោយបំផុតដែលអតិថិជនជាច្រើនអាចធ្វើការទិញនូវនាឡិកាឆ្លាតវៃ Watch Edition សុទ្ធដែលផលិតឡើងពីមាស 18K នោះ។សម្រាប់ម៉ូដែលជាច្រើនទៀតក៏ដាក់លក់ផងដែរនៅដើមខែនេះ។នាឡិកា 2015 Watch Editions បញ្ចុះតម្លៃ 70% ពី $10,000 ដល់ទៅ $17,000 ផងដែរ៕