រហូតមកដល់ពេលនេះគឺមាន Sony តែមួយគត់ ដែលនៅតែប្រើប្រាស់រូបរាងដដែលសំរាប់ស្មាតហ្វូនថ្មីៗរបស់ខ្លួន ដោយមិនព្រមធ្វើការឌីស្សាញថ្មីនោះទេ ដោយក្រុមហ៊ុននេះ នៅតែប្រើប្រាស់នូវស៊ុមព័ទ្ធអេក្រង់ធំទៅលើស្មាតហ្វូន Xperia អស់រយៈពេលជាច្រើនឆ្នាំនោះ។ ពេលនេះមានការធ្វើសម្ភាសន៍ថ្មីមួយ ជាមួយនឹងក្រុមហ៊ុន Sony ហើយក្រុមហ៊ុននេះ បានធ្វើការពន្យល់អំពីការសម្រេចចិត្តទៅលើការឌីស្សាញ និងបង្ហើបអំពី អ្វីដែលកើតឡើងផងដែរ។
ជាមួយនឹងស្មាតហ្វូន Xperia XZ2 និង XZ2 Compact នោះ ក្រុមការងារនេះ ក៏បានធ្វើការពន្យល់អំពីការប្រើប្រាស់នូវអេក្រង់កម្រិត 18:9 aspect ratio សម្រាប់ប្រកួតប្រជែងនៅលើទីផ្សារដ៏ពេញនិយមនេះផងដែរ ហើយក្រុមហ៊ុនបច្ចេកវិទ្យា Sony ក៏បានធ្វើការសម្គាល់នូវការប្រើប្រាស់អេក្រង់ Display ធំជាមួយនឹងការពង្រឹងទៅលើសមត្ថភាពនៃការភ្ជាប់ជាមួយនឹង Communication tool ទៀតផង។ សម្រាប់ស្មាតហ្វូន Xperia XZ2 Premium ប្រើប្រាស់នូវអេក្រង់កម្រិត 4K display ប៉ុន្តែវាមានអេក្រង់កម្រិត 16:9 aspect ratio ។
ក្រុមហ៊ុន Sony បានបញ្ជាក់ថា ក្រុមហ៊ុនធ្វើការបង្កើតនូវស្មាតហ្វូននេះ ជាមួយនឹងការបង្កើតនូវ Content សម្រាប់ទស្សនា ហើយក៏នឹងមានការប្រើប្រាស់ទៅកាន់អេក្រង់កម្រិត 18:9 display ផងដែរ។ ផ្អែកទៅលើបទពិសោធន៍នេះ ក្រុមហ៊ុនបច្ចេកវិទ្យា Sony ក៏នឹងផ្តល់នូវស្មាតហ្វូន Xperia ជាមួយនឹងការរចនារូបរាងថ្មីជាមួយនឹងការប្រើប្រាស់នូវបច្ចេកវិទ្យាដ៏អស្ចារ្យថ្មីៗជាច្រើនសម្រាប់អ្នកប្រើប្រាស់របស់ក្រុមហ៊ុន Sony នេះ។ ស្មាតហ្វូនរបស់ក្រុមហ៊ុន Sony ជំនាន់ក្រោយនេះ នឹងមានរូបរាងថ្មីជាមួយនឹងការធ្វើកំណែទម្រង់ទៅលើការប្រើប្រាស់កាមេរ៉ា Selfie និង Stereo Speakers ផងដែរ៕