no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Samsung នឹងបង្កើនទៅលើការផលិតស្មាតហ្វូនដែលមានអេក្រង់បត់បាននៅឆ្នាំក្រោយនេះ បន្ទាប់ពីមានការចាប់អារម្មណ៍ខ្លាំងនាពេលកន្លងមក

បន្ទាប់ពីមានការប្រកាសបង្ហាញវត្តមានស្មាតហ្វូន Samsung Galaxy Fold នៅដើមឆ្នាំ 2019 នេះ ពេលនេះស្មាតហ្វូននេះក៏មានការដាក់លក់នៅក្នុងទីផ្សារជាច្រើននៅលើពិភពលោក ហើយស្មាតហ្វូននេះពិតជាមានការពេញនិយមខ្លាំងមែនទែននៅក្នុងទីផ្សារជាច្រើន។ ព័ត៌មានជាច្រើនរាយការណ៍ថា ស្មាតហ្វូនដែលអាចបត់បាន Galaxy Fold គឺអស់ស្តុកភ្លាមៗបន្ទាប់ពីការដាក់លក់នៅលើទីផ្សារនោះ។ ក្រុមហ៊ុនបច្ចេកវិទ្យា Samsung នៅមិនទាន់សម្រេចគោលដៅនៅក្នុងការនាំចេញស្មាតហ្វូននេះចំនួន ១ លានគ្រឿងនៅឡើយទេ។ ទោះជាយ៉ាងណាក៏ដោយនោះ ក្រុមហ៊ុននេះនឹងធ្វើការផលិតនូវស្មាតហ្វូនដែលមានអេក្រង់បត់បានជាច្រើនទៀតនៅក្នុងឆ្នាំ 2020 ខាងមុខនេះ។

 

no-alternative title

តាមការបញ្ជាក់របស់លោក DJ Koh ដែលជា CEO របស់ក្រុមហ៊ុន Samsung អោយដឹងថា យើងមានគម្រោងក្នុងការបង្កើនទៅលើការលក់ស្មាតហ្វូន Galaxy Fold នៅឆ្នាំក្រោយនេះ។ ក្រុមហ៊ុនបច្ចេកវិទ្យា Samsung កំពុងតែធ្វើការតេស្តទៅលើទីផ្សារជាមួយនឹងវត្តមានរបស់ស្មាតហ្វូនដែលអាចបត់បាននេះ ហើយយើងក៏មានស្មាតហ្វូនដែលអាចបត់បានជាទម្រង់សម្បកគ្រំផងដេរ។ នៅក្នុងព្រឹត្តិការណ៍ប្រចាំឆ្នាំ Samsung AI ដែលធ្វើឡើងនៅក្នុងទីក្រុងសេអ៊ូល លោក Koh និយាយថា អ្នកប្រើប្រាស់ជាច្រើននឹងទទួលបាននូវស្មាតហ្វូនដែលអាចបត់បានជាច្រើនម៉ូឌែលនៅឆ្នាំក្រោយនេះ។ សេចក្តីប្រកាសនេះគឺមានន័យថា គម្រោងរបស់ក្រុមហ៊ុន Samsung គឺការប្រកាសបង្ហាញនូវស្មាតហ្វូនដែលអាចបត់បានកាន់តែច្រើននៅឆ្នាំ 2020 ខាងមុខនេះ។

យោងទៅតាមពាក្យចចាមអារ៉ាមមួយកាលពីប៉ុន្មានសប្តាហ៍មុននេះក្រុមហ៊ុន Samsung មានគម្រោងក្នុងការលក់ស្មាតហ្វូនដែលអាចបត់បានចំនួន 6 លានគ្រឿងនៅជុំវិញពិភពលោកនៅចុងឆ្នាំ 2020 ខាងមុខនេះ។ លោក DJ Koh នៅមិនទាន់អធិប្បាយអ្វីទៅលើសេចក្តីប្រកាសនេះទេ។ វានៅមិនទាន់មានការបញ្ជាក់ជាផ្លូវការនៅឡើយទេ។ ក្រុមហ៊ុន Samsung ត្រូវគេប៉ាន់ស្មានថានឹងលក់បានស្មាតហ្វូននេះចំនួន 10 លានគ្រឿងនៅឆ្នាំ 2020 ខាងមុខនេះ ហើយវាក៏អាចក្លាយជាការពិតផងដែរ។ តម្រូវការសម្រាប់ស្មាតហ្វូនដែលអាចបត់បានពេលនេះគឺមានសន្ទុះកើនឡើងខ្លាំងមែនទែន។ ក្រុមហ៊ុន Samsung ជឿជាក់ថា បច្ចេកវិទ្យានៃអេក្រង់ដែលអាចបត់បាន គឺជាអនាគតនៃស្មាតហ្វូន។

នៅពេលដែលក្រុមហ៊ុន Samsung មានគម្រោងក្នុងការប្រកាសបង្ហាញនុវស្មាតហ្វូនបត់បានជំនាន់ថ្មីនៅឆ្នាំក្រោយនេះ លោក Koh និយាយថា សម្រាប់ព័ត៌មានលម្អិតរបស់ស្មាតហ្វូននេះនឹងប្រកាសនៅថ្ងៃដែលប្រកាសបង្ហាញវត្តមានថ្មីនៃស្មាតហ្វូននេះ។ ក្រុមហ៊ុន Samsung មិនមែនជាក្រុមហ៊ុនតែមួយគត់ដែលធ្វើការនៅលើបច្ចេកវិទ្យាអេក្រង់ដែលអាចបត់បាននោះទេ។ ជាមួយនឹងការច្នៃប្រឌិតចុងក្រោយបំផុតនេះ ក្រុមហ៊ុននេះ នឹងធ្វើការប្រកួតប្រជែងជាមួយនឹងក្រុមហ៊ុនជាច្រើនដែលក្នុងនោះក៏មាន Apple ផងដែរ។យ៉ាងណាមិញ តម្លៃរបស់ស្មាតហ្វូនដែលអាចបត់នេះ គឺខ្ពស់មែនទែនគឺចាប់ពី $1980។ សង្ឃឹមថា Samsung នឹងមានដំណោះស្រាយទៅលើផ្នែកតម្លៃនេះ៕

 

no-alternative title

no-alternative title
ព័ត៌មានពាណិជ្ជកម្ម