យោងតាមរបាយការណ៍របស់ Counterpoint Research បញ្ជាក់ថា ក្រុមហ៊ុន Apple បានត្រឡប់មកវិញហើយនៅក្នុងទីផ្សារប្រទេសឥណ្ឌាសម្រាប់ត្រីមាសទី 4 ឆ្នាំ 2019 នេះ ។ ក្រុមហ៊ុនបច្ចេកវិទ្យាយក្សមួយនេះ គឺជាក្រុមហ៊ុនមួយនៅក្នុងចំណោមម៉ាកយីហោដែលមានកំណើនកើនឡើងលឿនបំផុតនៅក្នុងប្រទេសឥណ្ឌាសម្រាប់ត្រីមាសទី 4 ឆ្នាំ 2019 នេះ ហើយនេះកំពុងតែគំរាមកំហែងដល់ក្រុមហ៊ុន OnePlus ដែលនាំមុខគេនៅក្នុងទីផ្សារស្មាតហ្វូន Premium នោះ។ តាមការបញ្ជាក់របស់ក្រុមហ៊ុន Counterpoint នោះ ស្មាតហ្វូន iPhone XR និង iPhone 11 របស់ Apple គឺលក់ដាច់ខ្លាំងមែនទែននៅក្នុងប្រទេសនេះ។
ក្រុមហ៊ុននេះ ត្រូវបានគេរាយការណ៍ថាមានកំណើនប្រចាំឆ្នាំដល់ទៅ 41% សម្រាប់ត្រីមាសទី 4 ឆ្នាំ 2019 នេះដេលមានចំនែកទីផ្សារ 2% នៅក្នុងទីផ្សាររបស់ប្រទេសឥណ្ឌានេះ។ បើធ្វើការប្រៀបធៀបនោះ ការនាំចេញរបស់ក្រុមហ៊ុន Apple គឺមានការធ្លាក់ចុះជិត 43% នៅក្នុងប្រទេសឥណ្ឌាសម្រាប់ឆ្នាំ 2018។ យុទ្ធសាស្រ្តនៃការកំណត់តម្លៃរបស់ក្រុមហ៊ុន Apple និងទីផ្សាររបស់ក្រុមហ៊ុននេះគឺពិតជាល្អមែនទែន។ ដំបូង វាមានការកាត់បន្ថយទៅលើតម្លៃរបស់ស្មាតហ្វូនម៉ូឌែល iPhone XR របស់ខ្លួនដែលជាស្មាតហ្វូនលក់ដាច់បំផុតនៅក្នុងត្រីមាសទី 2 និងត្រីមាសទី 3 ឆ្នាំ 2019 នេះនៅក្នុងប្រទេសឥណ្ឌា។ បន្ទាប់មកក្រុមហ៊ុននេះ ក៏បញ្ចេញនូវស្មាតហ្វូន iPhone 11 Series នៅក្នុងខែកញ្ញានេះ ហើយនេះគឺជាស្មាតហ្វូនដែលលក់ដាច់ខ្លាំងមែនទែននៅក្នុងប្រទេសឥណ្ឌា។ វត្តមានរបស់ស្មាតហ្វូន iPhone 11 series នេះគឺធ្វើអោយទីផ្សារស្មាតហ្វូនរបស់ក្រុមហ៊ុននេះមានការកើនឡើងនៅចុងឆ្នាំនេះ។
ការផលិតនៅក្នុងស្រុក គឺជារឿមួយនៃការផ្លាស់ប្តូរធំបំផុតរបស់ក្រុមហ៊ុនApple នៅក្នុងឆ្នាំ 2019 នេះ។ រោងចក្រ Sriperumbudur របស់ Foxconn នៅក្នុងទីក្រុង Chennai គឺធ្វើការផ្គុំស្មាតហ្វូន iPhone XR ខណៈពពេលដែលរោងចក្រ Bengaluruនៅក្នុង Wistron គឺធ្វើការផ្គុំទៅលើស្មាតហ្វូន iPhone 7 ។ ការផលិតនៅក្នុងស្រុកនេះ គឺជួយអោយក្រុមហ៊ុននេះផ្តល់នូវតម្លៃចុះជាងមុន ហើយវាក៏មានការលក់ខ្លាំងក្លានៅក្នុងរដូវឈប់សម្រាកចុងឆ្នាំនេះ។ ស្មាតហ្វូន iPhone 11 គឺមានតម្លៃថោកជាង iPhone XR កាលពីឆ្នាំ 2018 ហើយនេះគឺជាកត្តាដែលធ្វើអោយការលក់របស់Apple មានការកើនឡើងនៅក្នុងត្រីមាសចុងក្រោយនៅឆ្នាំនេះ។