ដោយសារតែការផ្ទុះឡើងនៃមេរោគកូរ៉ូណាវីរុស ក្រុមហ៊ុនមួយ បានសម្រេចផលិតនូវម៉ាសដែលអាចប្រើប្រាស់នូវបច្ចេកវិទ្យា Face ID បាន! មួយបន្ទះតម្លៃ 40 ដុល្លា

មួយរយ់នេះ ដោយសារការផ្ទុះឡើងនៃមេរោគកូរ៉ូណាវីរុស បានធ្វើអោយមានការគំរាមកំហែងជាច្រើន នៅលើពិភពលោក ដែលនាំអោយមនុស្សជាច្រើនចាប់ផ្តើមពាក់នូវម៉ាស់ ដើម្បីអាចការពារទៅលើការឆ្លងនៃមេរោគនេះ។ ទោះជាយ៉ាងណាក៏ដោយនោះ នេះមានន័យថា អ្នកប្រើប្រាស់ស្មាតហ្វូន iPhone X នឹងជំនានថ្មីមួយចំនួនទៀត ត្រូវតែដោះម៉ាសចេញ ដើម្បីអាចធ្វើការដោះសោរស្មាតហ្វូនរបស់ពួកគេបាន។

ដើម្បីព្យាយមដោះស្រាយទៅលើបញ្ហាមួយនេះ ក្រុមហ៊ុនមួយសម្រេចចិត្តនៅក្នុងការអភិវឌ្ឍទៅលើម៉ាស N95 ដែលអាចប្រើប្រាស់បានជាមួយនឹងបច្ចេកវិទ្យា Face ID របស់ក្រុមហ៊ុន Apple នេះ ដូចនេះ អ្នកអាចធ្វើការដោះសោរនូវ iPhone របស់អ្នកបានដោយមិនចាំបាច់ដោះម៉ាសទៀតនោះទេ។ ក្រុមហ៊ុននេះ សម្រេចធ្វើការអភិវឌ្ឍទៅលើផលិតផលនេះតាមរយៈការស្នើទៅកាន់មនុស្សគ្រប់គ្នាអោយផ្ញើនូវរូបភាពនៃផ្ទៃមុខរបស់ពួកគេ។ ដូច្នេះ ពួកគេអាចធ្វើការព្រីននូវរូបភាពផ្ទៃមុខនេះនៅលើម៉ាសបានដែលត្រូវយកមកពាក់។

បន្ទាប់ពីផ្ញើរូបភាពនៃផ្ទៃមុខរបស់អ្នករួចហើយនោះ ពួកគេប្រើប្រាស់នូវកុំព្យូទ័រ ដើម្បីធ្វើការបម្លែងនូវរូបភាពផ្ទៃមុខនេះ សម្រាប់ធ្វើការព្រីននៅលើម៉ាស N95 ដោយមិនមានការបង្ខូចទៅលើទ្រង់ទ្រាយរបស់មុខអ្នកនោះទេ។ ម៉ាសីនព្រីននេះគឺប្រើប្រាស់នូវទឹកថ្នាំធម្មជាតិដែលមិនមានជាតិពុល និងប៉ះពាល់ដល់ផ្លូវដង្ហើមរបស់អ្នកប្រើប្រាស់នោះទេ។ ក្រុមហ៊ុនមួយនេះអះអាងថា ម៉ាសរបស់ពួកគេអាចដំនើរការបានយ៉ាងល្អជាមួយនឹងបច្ចេកវិទ្យា Face ID។ នៅមិនទាន់មានការបញ្ជាក់ពីភាពត្រឹមត្រូវសម្រាប់ការប្រកាសនេះនៅឡើយទេ។ យើងធ្លាប់បានឃើញជាច្រើនហើយថា វាមិនងាយស្រួលនោះទេ នៅក្នុងការបោកបញ្ឆោតនូវបច្ចេកវិទ្យា Face ID នេះ។ បច្ចេកវិទ្យានេះប្រើប្រាស់នូវ 3D mapping នៃមុខរបស់យើងសម្រាប់ការផ្ទៀងផ្ទាត់ដែលដំណោះស្រាយក្នុងពេលបច្ចុប្បន្ននេះគឺអ្នកប្រើប្រាស់ត្រូវធ្វើការស្កេនមុខជាមួយនឹងកាមេរ៉ាខាងមុខរបស់ស្មាតហ្វូនតែប៉ុណ្ណោះ។

នេះគឺជាតម្លៃដែលអ្នកត្រូវចំណាយសម្រាប់ម៉ាសមួយសន្លឹក គឺ 40 ដុល្លារអាមេរិក។ វាអាចប្រើប្រាស់ជាមួយនឹងបច្ចេកវិទ្យា Face ID បាន ដូចនេះ វាពិតជាមានតម្លៃថ្លៃជាងម៉ាសធម្មតាហើយដែលអ្នកអាចរកទិញបាននៅឱសថស្ថាននោះ។ នៅមិនទាន់មានកាលបរិច្ឆេទនៃការប្រកាសដាក់លក់ម៉ាសនេះនៅឡើយទេ ហើយការនាំចេញរបស់ម៉ាសនេះនៅមិនទាន់ដឹងផងដែរ។ ក្រុមហ៊ុននេះនិយាយថា វានឹងមិនយូរនោះទេ៕