ជារៀងរាល់ឆ្នាំ ក្រុមហ៊ុនផលិតរថយន្ត Toyota Motor និង Volkswagen បានលក់រថយន្តបានចំនួន 10 លានគ្រឿង សម្រាប់ក្រុមហ៊ុននីមួយៗ ខណៈពេលដែលក្រុមហ៊ុន Tesla លក់បានរថយន្តត្រឹមតែ 367,500 គ្រឿងប៉ុណ្ណោះនៅក្នុងឆ្នាំ 2019 នេះ ។ ប៉ុន្តែនៅពេលដែលនិយាយអំពីបច្ចេកវិទ្យាអេឡិចត្រូនិចជាច្រើននោះ ក្រុមហ៊ុនរបស់លោក Elon Musk គឺកំពុងតែនាំមុខគេនៅក្នុងឧស្សាហកម្មនៃក្រុមហ៊ុនយក្សទាំងនេះហើយ។
ខាងក្រោមនេះ គឺជាការពុះមើលគ្រឿងក្នុងរបស់រថយន្ត Model 3 ពីស្ថាប័ន Nikkei Business Publications ។ នេះគឺជាម៉ូឌែលរថយន្តដែលមានតម្លៃសមរម្យដែលប្រើប្រាស់នូវប្រព័ន្ធអេឡិចត្រូនិច របស់ក្រុមហ៊ុនផលិតរថយន្តជាច្រើនរបស់សហរដ្ឋអាមេរិកដែលមានតម្លៃចាប់ផ្តើមពី $33,000។ អ្វីដែលលេចធ្លោរច្រើនជាងគេនោះ គឺជា CPU ឬ ប្រព័ន្ធបើកបរដោយខ្លួនឯងរបស់ក្រុមហ៊ុន Tesla។
នៅក្នុងការដាក់ឈ្មោះហៅថា Hardware 3 នេះ គឺជាអាវុធដ៏ធំបំផុតមួយរបស់ក្រុមហ៊ុននេះសម្រាប់ទីផ្សាររថយន្តអគ្គិសនី (EV)។ វិស្វករម្នាក់ដែលមកពីក្រុមហ៊ុនផលិតរថយន្តរបស់ប្រទេសជប៉ុន បាននិយាយដោយភ្ញាក់ផ្អើលថា យើងមិនអាចធ្វើវាបាននោះទេ។ សម្រាប់ម៉ូឌុលនេះ ត្រូវចេញផ្សាយកាលពីនិទាឃរដូវឆ្នាំមុននេះ ហើយវាក៏ប្រើប្រាស់នៅលើរថយន្តជាច្រើនម៉ូឌែលដូចជាModel 3, Model S និង Model X ដែលមានម៉ូឌុលចំនួន 2 ដែលជា 260-sq.-millimeter AI chips ។
ក្រុមហ៊ុន Tesla ក៏ធ្វើការអភិវឌ្ឍទៅលើបន្ទះឈីបជាច្រើនដោយខ្លួនឯងផងដែរជាមួយនឹងកម្មវិធី Software ដ៏ពិសេសមួយដែលត្រុវបានឌីស្សាញឡើងសម្រាប់ការបំពេញបន្ថែមទៅលើផ្នែករឹង Hardware នេះ។ កុំព្យូទ័រផ្តល់នូវសមត្ថភាពនៃការបើកបរដោយខ្លួនឯងជាច្រើនរួមទាំងប្រព័ន្ធ "infotainment" system នៅក្នុងរថយន្តកម្រិតខ្ពស់ថែមទៀតផង។ ប្រភេទនៃ Platform អេឡិចត្រូនិចនេះ គឺពិតជាខ្លាំងក្លាមែនទែន ហើយវា៏ត្រូវបានប្រើប្រាស់នៅលើរថយន្តស្វ័យប្រវត្តិ។ ប្រភពខាងក្នុងឧស្សាហកម្មនេះរំពឹងថា បច្ចេកវិទ្យានេះនឹងកាន់កាប់ទីផ្សារនៅក្នុងឆ្នាំ 2025 នោះ។ នេះមានន័យថាក្រុមហ៊ុន Tesla អាចយកឈ្នះទៅលើក្រុមហ៊ុនគូរប្រជែងជាច្រើនរបស់ខ្លួនដល់ទៅ 6 ឆ្នាំថែមទៀត។
ក្រុមហ៊ុន Tesla ក៏ធ្វើការបង្កើតនូវមជ្ឈមណ្ឌលសរសៃប្រសាទឌីជីថលតាមរយៈការupgrade ទៅលើប្រព័ន្ធ Autopilot systemដែលខ្លួនបានផលិតនៅក្នុងឆ្នាំ 2014 នោះ។ វាគឺមានឈ្មោះហៅថា Hardware 1 ដែលជាប្រព័ន្ធជំនួយការផ្ទាល់ខ្លួនរបស់អ្នកបើកបរ (driver-assistance system) ដែលអនុញ្ញាតអោយរថយន្តនេះ បន្តតាមពីក្រោយរថយន្តជាច្រើនទៀតនៅលើផ្លូវហាយវ៉េ និងចូលទៅក្នុងគន្លងដោយស្វ័យប្រវត្តិ។ រយៈពេល 2 ឬ 3 ឆ្នាំនោះ ក្រុមហ៊ុននេះ ក៏បានបន្ថែមនូវប្រព័ន្ធកុំព្យូទ័រដែលបើកបរដោយខ្លួនឯងថែមទៀតផង។ ដូច្នេះ ក្រុមហ៊ុន Toyota ឬ VW និងមិនអាចនៅស្ងៀមនៅក្នុងការអភិវឌ្ឍទៅលើបច្ចេកវិទ្យានេះ ដូចគ្នាអោយបានលឿនជាងឆ្នាំ 2025៕