Apple បានទិញយកក្រុមហ៊ុន AI ថ្មីមួយទៀតហើយ ដើម្បីមកពង្រឹងសមត្ថភាពជំនួយការឆ្លាតវៃ Siri របស់ខ្លួន

ខណៈពេលដែល Bloomberg ធ្វើការរាយការណ៍ថា ក្រុមហ៊ុន Apple បានទិញយកក្រុមហ៊ុន Voysis ដែលជាក្រុមហ៊ុន AI ដែលមានគោលដៅក្នុងការពង្រឹងទៅលើសមត្ថភាពរបស់ Siri នៅពេលដែលធ្វើការទំនាក់ទំនងជាមួយនឹងមនុស្ស។ ក្រុមហ៊ុន Voysis ផ្តល់នូវ platform មួយសម្រាប់ជំនួយការសំលេងឌីជីថល ដើម្បីអោយកាន់តែយល់ដឹងបានកាន់តែប្រសើរនៅលើភាសាធម្មជាតិនោះ។ ក្រុមហ៊ុននេះ ក៏បានធ្វើការក្នុងការពង្រឹងទៅលើជំនួយការឆ្លាតវៃនៅក្នុងកម្មវិធីទិញទំនិញអនឡាញ។ ពេលនេះ កម្មវិធី Software នេះ អាចធ្វើការបកប្រែទៅលើសំណើរបស់អ្នកប្រើប្រាស់បានយ៉ាងប្រសើរបំផុត។

គេហទំព័រនេះ បាននិយាយថា បច្ចេកវិទ្យានេះ ប្រើប្រាស់នូវប្រព័ន្ធទិន្នន័យរបស់អ្នកប្រើប្រាស់ និង AI tools ក្នុងការស្វែងយល់កាន់តែស៊ីជម្រៅទៅលើភាពជាក់លាក់ជាច្រើននៃផលិតផល សេវាកម្ម និងវាក្យស័ព្ទថែមទៀត។ នេះគឺផ្តល់នូវបទពិសោធន៍នៃការប្រើប្រាស់កាន់តែងាយស្រួលជាងមុន លឿនជាងមុន និងអស្ចារ្យជាងមុនថែមទៀត។ Voysis platform នេះអនុញ្ញាតអោយអ្នកប្រើប្រាស់ជាច្រើនអាចធ្វើការស្វែងរកនូវសំណើរជាច្រើនតាមរយៈការប្រើប្រាស់នូវឃ្លាដែលសាមញ្ញដូចជា ‘I need a new LED TV’  ឬ ‘Just show me 4K’។ អ្នកទិញទំនិញជាច្រើនអាចប្រើប្រាស់នូវសំឡេង ដើម្បីស្វែងរកនូវអ្វីដែលពួកគេចង់ស្វែងរកបានថែមទៀត។ វាគឺមានល្បឿនលឿនជាងការស្វែងរកធម្មតាដល់ទៅ 3 ដង។

ក្រុមហ៊ុន Voysis នេះ ប្រើប្រាស់នូវវិធីសាស្រ្ត Wavenets ដែលផ្អែកនៅលើ AI ក្នុងការបង្កើតនូវពាក្យសម្តីនៃការនិយាយស្តីរបស់កុំព្យូទ័រស្រដៀងទៅនឹងមនុស្សដែលធ្វើការអភិវឌ្ឍដោយបច្ចេកវិទ្យា DeepMind របស់ក្រុមហ៊ុន Google នៅក្នុងឆ្នាំ 2016 នោះ។ សហស្ថាបនិករបស់ក្រុមហ៊ុន Voysis លោក Peter Cahill និយាយថា ពួកគេនឹងធ្វើការបញ្ចូលគ្នាទៅក្នុងប្រព័ន្ធមួយដែលកម្មវិធី Software នេះប្រើប្រាស់នូវទំហំម៉េមូរីដល់ទៅ 25MP ។ នេះគឺដូចទៅនឹងទំហំនៃចម្រៀងរបស់ Apple Music ដល់ទៅ 4 បទ។ វាពិតជាមានភាពងាយស្រួលជាងមុនក្នុងការដំណើរការនៅលើស្មាតហ្វូនជាច្រើនដោយមិនចាំបាច់ត្រូវការប្រើប្រាស់អ៊ីនធឺណិតនោះទេ។

ក្រុមហ៊ុន Apple ប្រហែលជាប្រើប្រាស់នូវ Voysis technology នេះក្នុងការពង្រឹងទៅលើសមត្ថភាពរបស់ SIRI ដើម្បីធ្វើការយល់នូវភាសាធម្មជាតិនោហ។ វាក៏មានការពង្រឹងទៅលើ Voysis platform សម្រាប់អ្នកអភិវឌ្ឍកម្មវិធីជាច្រើនក្នុងការពង្រឹងអំពីរបៀបដែល Siri នឹងធ្វើការនៅលើកម្មវិធីជាច្រើននោះ។ កាលពី 5 ឆ្នាំមុននេះ Apple បានទិញយកក្រុមហ៊ុន AI ជាច្រើនផងដែរដូចជា Xnor.ai, Turi, VocalIQ, Perceptio, Emotient និងជាច្រើនទៀត។ ក្រុមហ៊ុនទាំងនោះគឺត្រូវបានទិញយកដើម្បីពង្រឹងទៅលើសមត្ថភាពរបស់ Siri និងផលិតផលជាច្រើនទៀតដែលផ្អែកនៅលើ AI៕