នៅក្នុងរយៈពេលប៉ុន្មានឆ្នាំនេះ DxOMark បានក្លាយជាប្រភពមួយដែលអាចជឿជាក់បានសម្រាប់ការវាស់ទៅលើកម្រិតស្តង់ដារនៃកាមេរ៉ា និងសំឡេងរបស់វា។ ស្ថាប័នមួយនេះ កាលពីពេលមុននេះ ផ្តោតទៅលើកាមេរ៉ាអាជីព និងកាមេរ៉ាឌីជីថល ប៉ុន្តែពេលនេះស្ថាប័នមួយនេះ ក៏ផ្តោតទៅលើកាមេរ៉ាស្មាតហ្វូននេះផងដែរ។ ចាប់តាំងពីពេលនោះមក វាក៏ក្លាយជាស្មាតហ្វូន flagship ហើយវាក៏មានពិន្ទុខ្ពស់មែនទែន។ ពេលនេះ ស្មាតហ្វូន Samsung Galaxy S20 Ultra គឺជាស្មាតហ្វូនមួយដែលត្រូវបានតេស្ត ហើយលទ្ធផលរបស់ស្មាតហ្វូននេះ នឹងបង្ហោះនៅសប្តាហ៍ក្រោយនេះ។ ប៉ុន្តែតើស្មាតហ្វូននេះ អាចដណ្តើមនូវចំណាត់ថ្នាក់របស់ស្មាតហ្វូន Huawei P40 Pro ដែលជាដៃគូររបស់ខ្លួនបានដែរឬទេ?
កាលពីពេលមុននេះ យើងបានរាយការណ៍ថា ស្មាតហ្វូន Huawei P40 Pro នេះ ទទួលបាននូវចំណាត់ថ្នាក់ខ្ពស់បំផុតនៅក្នុងការធ្វើតេស្ត DxOMark។ ស្មាតហ្វូននេះ មានពិន្ទុដល់ទៅ 128 ហើយថ្មីៗនេះវាក៏មានចំណាត់ថ្នាក់កំពូលនៅលើ DxOMark ផងដែរ។ ថ្មីៗនេះ ក្រុមហ៊ុន Honor ទើបតែប្រកាសចេញនូវស្មាតហ្វូនរបស់ខ្លួនដែលទើបតែទទួលបាននូវចំណាត់ថ្នាក់ទី 2 ជាមួយនឹងវត្តមានរបស់ស្មាតហ្វូន Honor 30 Pro+ នេះ។ ក្រុមហ៊ុនបច្ចេកវិទ្យារបស់ចិននេះ ក៏អាចស្ថិតនៅក្នុងចំណាត់ថ្នាក់កំពូលនៃតារាងនេះផងដែរ។ ប៉ុន្តែ ស្មាតហ្វូន Samsung Galaxy S20 Ultra អាចយកឈ្នះទៅលើស្មាតហ្វូន P40 Pro និង Honor flagship បាន។
Samsung Galaxy S20 Ultra ដែលជាស្មាតហ្វូនរបស់ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះ ក៏ទទួលបាននូវការកោតសរសើរខ្លាំងក្លាផងដែរទៅលើកាមេរ៉ារបស់វា។ ស្មាតហ្វូននេះ គឺមានកាមេរ៉ាដែលមានទំហំ 108 megapixel primary sensor ជាមួយនឹង 48 megapixel telephoto lens, 12mp ultra wide shooter និង ToF sensor ថែមទៀតផង។ ស្មាតហ្វូននេះ អាចថតវីដេអូនៅក្នុងកម្រិត 8K@30fps និង 4K@60fps ថែមទៀតផង។ ស្មាតហ្វូននេះ ក៏មានកាមេរ៉ា 108 megapixel ISOCELL sensor ផងដែរ។ យើងនឹងរង់ចាំនូវការប្រកាសជាផ្លូវការនៅលើស្ថាប័ន DxOMark នេះ ដើម្បីមើលថាតើ ស្មាតហ្វូននេះ អាចយកឈ្នះទៅលើ P40 Pro នេះទេ៕
