ថ្មីៗនេះ ការិយាល័យប៉ាតង់ និងម៉ាកយីហោរបស់អាល្លឺម៉ង់ បានបន្ថែមនូវការឌីស្សាញប៉ាតង់ជាច្រើន របស់ក្រុមហ៊ុន Huawei របស់ប្រទេសចិន ដែលបានបង្ហាញអំពី UI សម្រាប់ស្មាតហ្វូនរបស់វាផងដែរ។ សម្រាប់ការរចនាឌីស្សាញដែលពេលនេះ ទទួលបានប៉ាតង់ហើយនៅក្នុងប្រទេសអាល្លឺម៉ង់នោះ បានបង្ហាញអំពីតំបន់មួយដែលមានរាងជារង្វង់ដែលត្រូវគេដឹងថា នោះគឺជាកាមេរ៉ា។ អ្វីដែលគួរអោយភ្ញាក់ផ្អើលនោះ នេះ គឺជាកាមេរ៉ាដែលស្ថិតនៅក្រោមអេក្រង់ដំបូងបំផុតសម្រាប់ក្រុមហ៊ុន Huawei។
ភាពខុសគ្នារបស់ក្រុមហ៊ុន Huawei គឺកាមេរ៉ានេះនៅតែអាចមើលឃើញបាន។ បើទោះបីជាវា ស្ថិតនៅក្រោមអេក្រង់ពិតមែន អ្នកប្រើប្រាស់ជាច្រើននៅតែអាចមើលឃើញទៅលើកាមេរ៉ាខាងមុខរបស់ស្មាតហ្វូននេះ ឬយ៉ាងហោចណាស់រូបរាងរបស់វាបាន នេះបើតាមការបញ្ជាក់នៅក្នុងរូបភាពនៃប៉ាតង់នេះ។ នេះ គឺជាជម្រើសមួយហាក់ដូចជាចម្លែកបន្តិចជាពិសេសពេលនេះក្រុមហ៊ុនផលិតស្មាតហ្វូនជាច្រើនចាប់ផ្តើមដំណើរការនូវកាមេរ៉ាក្រោមអេក្រង់ដែលមើលមិនឃើញនោះ។
ក្រុមហ៊ុន Huawei បានប្រើប្រាស់ UI នៅក្នុងការបញ្ចូលទៅលើកាមេរ៉ា និងរូបរាងរបស់វាជាមួយនឹងផ្ទៃ Background។ កាមេរ៉ានេះ មើលទៅមិនទាន់សម័យដូចជាកាមេរ៉ា ដែលមើលមិនឃើញនោះទេ ប៉ុន្តែវាមើលទៅស្រស់ស្អាតជាងការប្រើប្រាស់នូវ Punch-Hole Display។ នៅផ្នែកខាងលើរបស់វា យើងនៅមិនទាន់ច្បាស់ថា នឹងមានអ្វីខ្លះនៅទីនេះនោះទេ។ នេះ គឺជាគំនិតមួយដែលគួរអោយចាប់អារម្មណ៍មែនទែនសម្រាប់ការប្រើប្រាស់កាមេរ៉ា Selfies ក្រោមអេក្រង់នេះ។ យើងនឹងបានឃើញនូវវត្តមានរបស់បច្ចេកវិទ្យានេះ នាពេលខាងមុខ ប៉ុន្តែនៅក្នុងពេលនេះ វាត្រឹមតែជាប៉ាតង់នៅឡើយទេ។ ពេលនេះវាមានការបើកផ្លូវទៅមុខបន្តទៀតហើយសម្រាប់ក្រុមហ៊ុន Huawei ហើយយើងសង្ឃឹមថា អ្វីៗនឹងប្លែកអស្ចារ្យសម្រាប់អតិថិជនអ្នកប្រើប្រាស់ជាក់ជាមិនខាន៕