ក្រុមហ៊ុន LG គ្រោងនឹងបង្កើតនូវឧទ្យានជាតិមួយនៅក្នុងប្រទេសអេស្ប៉ាញ ដោយការចាប់ផ្តើមដាំចេញពីគ្រាប់ពូជរហូតដល់ក្លាយដើមឈើធំតែម្តង

កាលពីពីរបីឆ្នាំមុននេះ ប្រទេសអេស្ប៉ាញ បានទទួលរងនូវភ្លើងឆេះព្រៃដ៏អាក្រក់បំផុតនៅក្នុងប្រវត្តិសាស្ត្ររបស់ខ្លួននៅពេលដែលមានភ្លើងដ៏ខ្លាំងក្លាបានបំផ្លាញផ្នែកដ៏ធំមួយនៃឧទ្យានធម្មជាតិ Alto Tajo នៅក្នុងខេត្ត Guadalajara។ បន្ទាប់មកកិច្ចអជ្ញាធ័រក៏បានខិតខំប្រឹងប្រែងក្នុងការងើបឡើងវិញនូវឧទ្យាននេះ នឹងក្លាយជាភារកិច្ចដ៏មហិមាមួយដែលពាក់ព័ន្ធនឹងអង្គការ និងបុគ្គលជាច្រើននៅទូទាំងប្រទេស។ LG នៅក្នុងប្រទេសអេស្ប៉ាញ ក៏ជាក្រុមហ៊ុនមួយដែល បានដើរតួជាផ្នែកមួយដោយប្រើភាពប៉ិនប្រសប់ និងផលិតផលទំនើបៗ របស់ខ្លួន ដើម្បីផ្តល់ទៅឱ្យធម្មជាតិឡើងវិញ និងជួយឧទ្យាន និងប្រទេសជាតិឱ្យបានមានភាពស្រស់បំព្រងវិញផងដែរ។

កាលពីឆ្នាំមុននេះ ក្រុមហ៊ុន LG អេស្ប៉ាញ បានចាប់ផ្តើមគម្រោង LG Smart Green របស់ខ្លួនដោយគោលបំណងដ៏សំខាន់មួយដើម្បីនាំយកឧទ្យានធម្មជាតិ Alto Tajo ទៅជាអតីតកាលដ៏សិរីរុងរឿងរបស់ខ្លួន ដោយប្រើបច្ចេកវិទ្យា ដើម្បីជួយដល់ការខិតខំប្រឹងប្រែងដាំដើមឈើឡើងវិញ។ មិនត្រឹមតែធ្វើឱ្យដើមឈើស្រស់បំព្រងជាមួយនឹងទេសភាពស្រស់ស្អាតនោះទេ ពួកគេនឹងបង្កើតប្រព័ន្ធអេកូទាំងមូលសម្រាប់សត្វជាច្រើនប្រភេទ និងកម្រិតនៃការប្រើប្រាស់ទៅលើ CO2 លើសនៅក្នុងបរិយាកាសផងដែរ។ ចាប់តាំងពីខែមីនាឆ្នាំនេះ ក្រុមហ៊ុន LG បានដាំគ្រាប់ពូជប្រហែល 2 លានគ្រាប់នៅទូទាំងឧទ្យានដ៏ធំដែលក្នុងនោះដើមឈើចំនួន 1,5 លានត្រូវបានគេរំពឹងថានឹងត្រូវបានអភិវឌ្ឍ។ ដើមឈើចំនួន 500,000 ដើមផ្សេងទៀតត្រូវបានដាំដោយអង្គការ និងបុគ្គលដែលចូលរួមនៅក្នុងគម្រោងរបស់ក្រុមហ៊ុន LG Smart Green នេះ។

កិច្ចខិតខំប្រឹងប្រែងការដាំដើមឈើឡើងវិញត្រូវធ្វើឡើងដោយមានជំនួយពីបច្ចេកវិទ្យារបស់ក្រុមហ៊ុន LG ។ ដោយសហការជាដៃគូជាមួយក្រុមហ៊ុន CO2 Revolution ក្រុមហ៊ុន LG បានបង្កើតគម្រោងមួយដែលទាក់ទងនឹងយន្តហោះគ្មានមនុស្សបើកបំពាក់បច្ចេកវិទ្យាខ្ពស់ ស្មាតហ្វូន LG G8SThinQ (ហៅថា LG G8 Smart Green) និងកុំព្យូទ័រយួរដៃប្រភេទ LG gram ។ ដំណើរការប្រកបដោយភាពច្នៃប្រឌិតដែលប្រើដោយក្រុមហ៊ុនបច្ចេកវិទ្យា LG និង CO2 Revolution មានបីជំហាន។ ទីមួយស្មាតហ្វូននេះចាប់យកព័ត៌មានដែលប្រមូលបានក្នុងអំឡុងពេលហោះហើរធ្វើការស្កេនរបស់យន្តហោះគ្មានមនុស្សបើកនេះ។ បន្ទាប់មកទិន្នន័យ និងរូបភាពត្រូវបានផ្ទុកឡើងទៅកុំព្យូទ័រយួរដៃ LG Gram ដែលប្រើសូហ្វវែរទំនើប និងក្បួនដោះស្រាយពិសេសដើម្បីកំណត់ទីតាំងល្អបំផុតដើម្បីបំបែកគ្រាប់ពូជ។ 

បន្ទាប់មកអ្នកបើកយន្តហោះរបស់ក្រុមហ៊ុន CO2 Revolution បញ្ជាយន្តហោះគ្មានមនុស្សបើក Drone ហោះគោលដៅដោយប្រើទូរស័ព្ទ និងកុំព្យូទ័រយួរដៃដើម្បីដាំគ្រាប់ពូជតែម្តង។ គម្រោងនៃការដាំព្រៃឈើឡើងវិញនេះផ្តល់ឱកាសដល់ក្រុមហ៊ុន LG អេស្ប៉ាញដើម្បីជួយដល់បរិស្ថានដើម្បីរកឱ្យឃើញនូវការគោរព និងការអរគុណពីសហគមន៍ដែលរងផលប៉ះពាល់ខ្លាំងបំផុតពីអគ្គីភ័យ។ គម្រោងនេះក៏បានទាក់ទាញប្រព័ន្ធផ្សព្វផ្សាយជាតិ និងទទួលបានការយកចិត្តទុកដាក់យ៉ាងសំខាន់នៅទូទាំងវេទិកាសង្គមដែលនាំឱ្យមានការសន្ទនា និងចំណាប់អារម្មណ៍ចាំបាច់ក្នុងការថែរក្សាធម្មជាតិ។ឧទ្យានធម្មជាតិ Alto Tajo គឺគ្រាន់តែជាការចាប់ផ្តើមប៉ុណ្ណោះ។ 

ក្រុមហ៊ុន LG សង្ឃឹមថានឹងឃើញប្រជាជនអេស្ប៉ាញមួយដើមដាំដើមឈើម្នាក់មួយដើមហើយបង្កើតទំនាក់ទំនងជាមួយមិត្តភក្តិនិងក្រុមគ្រួសារតាមអ៊ីនធឺណែតដោយប្រើ hashtag #UnaPersonaUnÁrbol (One Person, One Tree) ដែលមានគោលបំណងក្នុងការដាំដើមឈើថ្មីចំនួន 47 លានដើមនៅឆ្នាំ 2030 ។ ក្រុមហ៊ុន LG អេស្ប៉ាញកំពុងបង្កើតគំរូសម្រាប់អ្នកដទៃដើម្បីតាមដានបរិស្ថានប្រសើរជាងមុនតាមរយៈបច្ចេកវិទ្យា និងការប្រើប្រាស់ឥទ្ធិពលរបស់ខ្លួនដើម្បីលើកកម្ពស់ការយល់ដឹងអំពីរបៀបដែលប្រជាជនអេស្ប៉ាញម្នាក់ៗអាចរួមចំណែកក្នុងបុព្វហេតុធ្វើរឿងល្អនេះ។ ហើយនៅទូទាំងពិភពលោក ក្រុមហ៊ុន LG កំពុងតែប្រើប្រាស់បច្ចេកវិទ្យា ធនធាន និងភាពសុទិដ្ឋិនិយមរបស់ខ្លួនដើម្បីធានាឱ្យភពផែនដីមានថាមពលល្អប្រសើរសម្រាប់មនុស្សជំនាន់បច្ចុប្បន្ន និងអ្នកជំនាន់ក្រោយ៕