នៅពេលនេះ ក្រុមហ៊ុន Huawei បានប្រកាសលក់នូវផលិតផលប្រើប្រាស់ជាច្រើន បន្ទាប់ពីអាជីវកម្មស្មាតហ្វូនមានការធ្លាក់ចុះបណ្តើរៗនោះ។ ក្រុមហ៊ុនបច្ចេកវិទ្យានេះ គឺមានភាពល្បីល្បាញមែនទែននៅពេលថ្មីៗនេះ ដោយសារតែវត្តមានរបស់កុំព្យូទ័រ និងថេប្លេតជំនាន់ថ្មីៗ។ ក្រុមហ៊ុនមហាយក្សចិនមួយនេះ គ្រោងនឹងបង្ហាញនូវកុំព្យូទ័រ Notebooks និងថេប្លេតជាច្រើនជាមួយនឹងម៉ាកយីហោថ្មីផងដែរ ដោយសារតែថ្មីៗនេះ ក្រុមហ៊ុនគឺបានចុះស្លាកសញ្ញាពាណិជ្ជកម្មថ្មីសម្រាប់ កុំព្យូទ័រ និងថេប្លេតរបស់ខ្លួនរួចមក។
នៅពេលនេះ កុំព្យូទ័រយួរដៃរបស់ក្រុមហ៊ុន Huawei នេះ គឺត្រូវបានក្រុមហ៊ុននេះ ប្រើប្រាស់នូវឈ្មោះហៅថា HUAWEI MateBook។ ស្រដៀងគ្នានេះផងដែរនោះ ថេប្លេតរបស់ក្រុមហ៊ុននេះ ក៏មានឈ្មោះហៅថា MatePad និង MediaPad ផងដែរ។ សម្រាប់ស្មាតហ្វូនជាច្រើនដែលបានចេញលក់កន្លងមកនោះ គឺក្រុមហ៊ុនចិនមួយនេះ បានប្រើប្រាស់នូវម៉ាកយីហោចំនួន 2 ដែលមានឈ្មោះហៅថា Nova Series និង P Series ក៏ដូចជា Mate Series។
នៅថ្ងៃនេះ យោងតាមការបញ្ជាក់នៅក្នុង ITHome បានបង្ហាញថា ក្រុមហ៊ុន Huawei បានស្នើសុំនូវស្លាកសញ្ញាចំនួន 2 បន្ថែមទៀតដែលបានឈ្មោះថ្មីហៅថា ‘NovaBook’ និង ‘NovaPad’។ ជាមួយនឹងស្លាកថ្មីនេះ ក្រុមហ៊ុននេះ ប្រហែលជា បង្ហាញនូវកុំព្យូទ័រយួរដៃ និងថេប្លេតជាច្រើនសម្រាប់ម៉ាកយីហោ Nova នៅក្នុងពេលខាងមុខនេះ។ យើងនៅមិនទាន់ដឹងថាតើមានមានផលិតផលណាបន្ថែមទៀតដែលប្រើប្រាស់នូវស្លាកសញ្ញានេះទេ។
សូមជំរាបថា កាលពីចុងឆ្នាំ 2019 កន្លងទៅនេះ ក្រុមហ៊ុននេះ ក៏ធ្លាប់បានចុះស្លាកសញ្ញាពាណិជ្ជកម្មទៅលើឈ្មោះហៅថា ‘HUAWEI NovaBuds’ ផងដែរ។ ក្រុមហ៊ុន Huawei បានប្រើប្រាស់នូវម៉ាកយីហោ Nova សម្រាប់ស្មាតហ្វូនតែប៉ុណ្ណោះចាប់តាំងពីខ្លួនមានវត្តមាននៅលើទីផ្សារនោះ។ សម្រាប់ឈ្មោះ Mate គឺប្រើប្រាស់នៅលើផលិតផលជាច្រើននៅក្នុងពេលបច្ចុប្បន្ននេះ៕