Samsung ចេញលក់ម៉ាស៊ីនលាងចានថ្មីរបស់ខ្លួន ដែលមានសមត្ថភាព អាចធ្វើការលាងសម្អាត និងស្តេរីសសម្លាប់មេរោគបានយ៉ាងល្អបំផុត

ក្រុមហ៊ុន Samsung Electronics ទើបតែប្រកាសបង្ហាញនូវម៉ាស៊ីនលាងចានថ្មីដែលមានឈ្មោះហៅថា  Bespoke Dishwasher ដែលមានការឌីស្សាញរូបរាងយ៉ាងប្រណិតបំផុតក្នុងការប្រើប្រាស់។ ម៉ាស៊ីន  Bespoke Dishwasher ថ្មីនេះ គឺត្រូវបានក្រុមហ៊ុននេះ ធ្វើការប្រកាសដាក់លក់នៅក្នុងទីផ្សាររបស់ប្រទេសកូរ៉េខាងត្បូងហើយ។ នៅក្នុងប៉ុន្មានខែនេះ ក្រុមហ៊ុន  Samsung បានផ្តល់នូវអត្ថប្រយោជន៍ជាច្រើនសម្រាប់អ្នកប្រើប្រាស់នៅក្នុងផ្ទះជាមួយនឹងផលិតផលជាច្រើនដែលល្អបំផុតដែលជាតម្រូវការយ៉ាងចាំបាច់សម្រាប់អ្នកប្រើប្រាស់។ 

គួរបញ្ជាក់ថា ម៉ាស៊ីន Bespoke Dishwasher បានប្រកាសជាលើកដំបូងបំផុតនៅលើទីផ្សារកាលពីឆ្នាំមុននេះ ហើយវាក៏មានការគាំទ្រយ៉ាងខ្លាំងកាលពីឆ្នាំមុននេះផងដែរ។ នេះគឺជាម៉ាស៊ីនដ៏ខ្លាំងក្លា និងលាងសម្អាតបានយ៉ាងល្អថែមទៀត។ ម៉ាស៊ីននេះអាចលាងសម្អាតបានយ៉ាងមានប្រសិទ្ធិភាពបំផុតក្នុងការប្រើប្រាស់។ ម៉ាស៊ីន Samsung Bespoke Dishwasher នេះប្រើប្រាស់នូវមុខងារ 360-degree “Jet Shot” និង  “Hot Air” drying ដែលអាចធ្វើការសម្អាតបានយ៉ាងល្អ។

សម្រាប់មុខងារ 360-degree Jet Shot ប្រើប្រាស់នូវចំហាយដ៏ខ្លាំងនៃទឹកក្តៅដើម្បីធ្វើការសម្អាតទៅលើផ្នែកខាងលើដែលពិបាកក្នុងការលាងសម្អាតធម្មតានោះ។ សម្រាប់មុខងារ hot air drying អាចធ្វើការសម្ងួត និងស្តេរីសម្លាប់មេរោគបានយ៉ាងល្អបំផុត។ ម៉ាស៊ីននេះអាចធ្វើការសម្ងួតទៅលើសំណើមនៃចានបានយ៉ាងល្អបំផុត។

ក្រុមហ៊ុន Samsung បាននិយាយថា ម៉ាស៊ីន Bespoke Dishwasher នេះអាចធ្វើការសម្លាប់មេរោគបានដល់ទៅ 100% និងអាចសម្អាតដបទឹកដោះគោជាមួយនឹងមុខងារ Baby Bottle sterilization ថែមទៀត។ នៅក្នុង  Pail Sterilization អាចធ្វើការសម្អាតបានស្អាតដោយមិនចាំបាច់ប្រើប្រាស់សាប៊ូនោះទេ។ ម៉ាស៊ីន Bespoke Dishwasher នេះមានតម្លៃចន្លោះពី 1.44 លានទៅ 1.84 លានវ៉ុន (ចន្លោះពី $1,289 ទៅ  $1,647)៕