ប្រសិនបើក្រុមហ៊ុន Samsung បានត្រៀមខ្លួនក្នុងការបង្ហាញនូវស្មាតហ្វូនត្រកូល Galaxy Note 20 seriesរបស់ខ្លួននៅក្នុងខែសីហាខាងមុខនេះហើយ ដូចអ្វីដែលបានរំពឹងទុកចឹង មានន័យថា ការបង្ហាញស្មាតហ្វូននេះ គឺនៅសល់តែ 2 ខែទៀតប៉ុណ្ណោះ។ រហូតមកដល់ពេលនេះ មានពាក្យចចាមអារ៉ាមជាច្រើន បានបន្តបែកធ្លាយជាបន្តបន្ទាប់ ហើយវាក៏មានព័តមានលម្អិតអំពីស្មាតហ្វូននេះផងដែរ។
IceUniverse ដែលជាអ្នកទម្លាយព័ត៌មានដ៏ល្បីល្បាញ ក៏បានទម្លាយនូវព័ត៌មានលម្អិតអំពីកាមេរ៉ារបស់ស្មាតហ្វូន Galaxy Note 20+ នេះផងដែរ។ អ្នកទម្លាយនេះ បញ្ជាក់នៅលើ Twitter ថា ស្មាតហ្វូន 5G flagship នេះនឹងមានសេនស័រទំហំ 108MP sensor ខណៈពេលដែលកាមេរ៉ា ToF នឹងធ្វើការជំនួសដោយកាមេរ៉ា laser focus sensor វិញ។ ស្មាតហ្វូននេះមានបំពាក់នូវកាមេរ៉ា 1/1.33″ Samsung Bright HM1 sensorដែលប្រើប្រាស់នៅលើស្មាតហ្វូន Galaxy S20 Ultra។ សម្រាប់ laser focus sensor នេះនឹងបន្ថែមពីលើកាមេរ៉ាគោលជាជាងកាមេរ៉ា static ToF sensor បានថែមទៀតផង។
កាន់តែពិសេសជាងនេះទៀតនោះ ស្មាតហ្វូន Galaxy Note 20+ នេះ នឹងមានភ្ជាប់ជាមួយនឹងកាមេរ៉ាទំហំ 12MP ISOCELL Fast 2L3 ultrawide-angle lens ដែលមានទំហំ 1/2.55” និងមានមុខងារ PDAF ផងដែរ។ បន្ថែមពីនេះ ក៏មានកាមេរ៉ា 3MP Samsung Slim 3M5 periscope telephoto lens ដែលមានទំហំ 1/3.4″ ប៉ុន្តែវាមានការបញ្ជាក់ពីប្រភពខ្លះថា មានសេនស័រនេះ គឺមានទំហំ 1/3” ។ កាមេរ៉ានេះ នឹងទ្រទ្រង់ទៅលើ 50X zoom ជាជាង 100X zoom ។ កាលពីពេលមុននេះ នៅក្នុងរូបភាព CAD របស់ស្មាតហ្វូន Galaxy Note 20+ ដែលបែកធ្លាយនៅលើអនឡាញមានការបង្ហាញថា ស្មាតហ្វូននេះមានការឌីស្សាញជាមួយនឹងរន្ធប្រហោង punch-holeនៅចំកណ្តាលរបស់ស្មាតហ្វូននេះ។ ស្មាតហ្វូននេះ នឹងបំពាក់នូវបន្ទះឈីប Exynos 992 ដែលផ្អែកនៅលើដំណើរការ 5nm៕
