ក្រុមហ៊ុន Apple ត្រូវបានគេមើលឃើញថា បានធ្វើការពន្យារពេលទៅលើការបញ្ចេញនូវស្មាតហ្វូនជំនាន់ក្រោយ iPhone គឺស្មាតហ្វូន iPhone 12 នៅក្នុងរយៈពេលប៉ុន្មានសប្តាហ៍ទៀត ដោយសារតែមេរោគរាតត្បាតកូវីដ 19។ តាមកាលបរិច្ឆេត ការបង្ហាញនូវស្មាតហ្វូន iPhone ថ្មីនេះ គឺនឹងធ្វើឡើងនៅក្នុងខែកញ្ញានេះ ហើយនៅក្នុងឆ្នាំនេះក្រុមហ៊ុននេះគឺប្រកាសបង្ហាញនូវវត្តមានរបស់ Apple Watch និង iPad តែប៉ុណ្ណោះ។
ការបង្ហាញនូវស្មាតហ្វូន iPhone 12 នេះគឺនឹងកើតឡើងនៅក្នុងខែតុលានេះ ហើយនៅថ្ងៃនេះ មានព័ត៌មានអំពីតម្លៃរបស់ស្មាតហ្វូននេះផងដែរ។ កាលពីពេលមុននេះ ស្មាតហ្វូន iPhone 12 ត្រូវគេរាយការណ៍ថានឹងមានតម្លៃដូចទៅនឹងម៉ូឌែលជំនាន់មុនផងដែរនោះគឺតម្លៃ $699 ។ ប៉ុន្តែសម្រាប់តម្លៃនៅក្នុងឆ្នាំនេះគឺមានតម្លៃ $749 ។
យើងទទួលបាននូវព័ត៌មានជាច្រើនទៀតបញ្ជាក់ថា ស្មាតហ្វូន iPhone 12 នឹងមិនមាន Charger ឬកាសស្តាប់នោះទេ។ ក្រុមហ៊ុន Apple នឹងដាក់លក់នូវ 20W Charger ផងដែរ។ ក្រុមហ៊ុន Apple មានក្តីសង្ឃឹមក្នុងការលក់ស្មាតហ្វូន 5G iPhones ចំនួន ៨០ លានគ្រឿង។ ពាក្យចចាមអារ៉ាមជាច្រើនបញ្ជាក់ថា 40% នៃស្មាតហ្វូន 80 លានគ្រឿងនេះគឺជាស្មាតហ្វូន iPhone 12 Max ៕