Redmi Note 11T Pro+ នឹងបំពាក់នូវបច្ចេកវិទ្យាសាក 120W Fast Charging ហើយនិងប្រើប្រាស់បន្ទះឈីប Surging P1 ថែមទៀតផង

ក្រុមហ៊ុន Xiaomi ត្រូវបានគេដឹងថា បានត្រៀមខ្លួនរួចជាស្រេចហើយនៅក្នុងការប្រកាសចេញនូវស្មាតហ្វូនស៊េរីថ្មី Redmi Note 11T Series របស់ខ្កួននៅប្រទេសចិននាថ្ងៃស្អែកនេះហើយ ដែលស្មាតហ្វូននេះមានបីម៉ូដែលរួមមាន ដូចជា Redmi Note 11T, 11T Pro និង 11T Pro+។ នៅមុនការនបង្ហាញខ្លួនចូលមកដល់ នៅថ្ងៃនេះ ក្រុមហ៊ុននេះ ក៏មានការចែករំលែកនូវព័ត៌មានខ្លះៗរបស់ស្មាតហ្វូននេះផងដែរ ក្នុងនោះក៏មានការបញ្ជាក់ពីថាមពល និងបច្ចេកវិទ្យសាកបញ្ចូលភ្លើងផងដែរ។

ក្រុមហ៊ុន Redmi បានប្រកាសថា សម្រាប់ម៉ូដែលធំជាងគេនៅក្នុងចំណោមស្មាតហ្វូននេះ គឺ Redmi Note 11T Pro+។ ហើយស្មាតហ្វូននេះ នឹងបំពាក់នូវបន្ទះឈីបដែលអភិវឌ្ឍន៍ដោយខ្លួនឯង Surging P1 សម្រាប់ជំនួយដល់ ការសាកបញ្ចូលថាមពលបានលឿនផងដែរ។ បន្ថែមពីនេះមានការបញ្ជាក់ទៀតថា ស្មតហ្វូនថ្មី នឹងមានការបំពាក់នូវ កម្លាំងសាក 120W fast charging ថែមទៀតផង។ នៅក្នុងនោះក្រុមហ៊ុននេះក៏បានផ្តោសំខាន់ទៅលើសុវត្ថិភាព និងការការពារថាមពលថ្មផងដែរ ដោយថែមទាំងនិយាយថា ថ្មនេះ នឹងអាចទ្រទ្រង់បានជាមួយនិងសីតុណ្ហភាព ត្រជាក់បានដល់ទៅ 10°C និងប្រើប្រាស់ USB Type-C ជាមួយនិងបច្ចេកវិទ្យា Platinum coating សម្រាប់ការពារ សំណើមថែមទៀត។ 

ក្រុមហ៊ុន Redmi បានបន្ថែមថា Note 11T Series នឹងមានអាវក្រោះការពារទឹក IP53 សម្រាប់ការពារទឹក និង ធូលីផងដែរ ជាពិសេសស្មាតហ្វូននេះក៏មានការពារដោយកញ្ចក់ Gorilla Glass សម្រាប់អេក្រង់ថែមទៀត។  Redmi Note 11T Pro+ នឹងមានអេក្រង់ទំហំ 6.6-inch ល្បឿន 144Hz បង្ហាញចេញបានកម្រិត FHD+ IPS LCD និងមានការគាំទ្រដោយបច្ចេកវិទ្យា LTPS technology ជាមួយខ្នាត 20.5:9 screen aspect ratio និងទ្រទ្រង់នូវ DC dimming support ថែមទៀតផង។

ស្មាតហ្វូនថ្មីនេះ ដំណើរកាលើបន្ទះឈីប MediaTek’s Dimensity 8100 5G ដែលផលិតដោយក្រុមហ៊ុន TSMC ជាមួយស្ថាបត្យកម្ម 4nm និងប្រើប្រាស់នូវកាមេរ៉ាគោលទំហំ 64MP ISOCELL GW1 របស់ក្រុមហ៊ុន Samsung ដែលមានទំហំ Sensor 1/1.72 ជាមួយនិងកម្រិត 1.6μm pixel ដែលជួយពន្លឺអោយការថតរូបបានកាន់តែអស្ចារ្យ ក្នុងពេលថតពេលរាត្រី។