គិតមកទល់ថ្ងៃនេះ Apple បានប្រកាសចេញ iPhone 13 Series បានរយះពេល 8 ថ្ងៃមកហើយ ប៉ុន្តែ មិនទាន់មាន iPhone 13 ម៉ូដែលណាមួយត្រូវបានគេយកមកបើកប្រអប់បង្ហាញផ្ទាល់នៅឡើយទេ ទើបតែពេលនេះមានឆាណែលយូធូបមួយឈ្មោះថា SalimBaba Technical បានធ្វើវីដេអូបើកប្រអប់ iPhone 13 Pro Max ដែលមានពណ៌ទឹកមាសជាលើកដំបូង។ ដូចគ្នានឹងឆ្នាំមុនដែរដោយនៅក្នុងប្រអប់របស់ iPhone 13 Pro Max គឺមិនមានឆ្នាំងសាក និងកាសខ្សែនោះទេ គឺមានតែខ្សែសាកប្រភេទ USB-C ទៅ Lightning ជាមួយនឹងម្ជុកចាក់ជើងស៊ីមកាត រួមនឹងឯកសារណែនាំការប្រើប្រាស់តែប៉ុណ្ណោះ។
យើងដឹងរួចហើយថា Apple iPhone 13 Series បាននឹងកំពុងរៀបចំនាំចេញទៅកាន់ដៃអតិថិជនក្រោយពីបានបើកឲ្យធ្វើការបញ្ជាទិញលើកដំបូងកាលពីថ្ងៃសុក្រទី 17 ខែកញ្ញា សបា្តហ៍មុននេះ ហើយការនាំចេញដល់ដៃអតិថិជនលើកដំបូងត្រូវបានគេដឹងថានៅថ្ងៃទី 24 កញ្ញា ខាងមុខនេះ ហើយការដាក់ឲ្យធ្វើការបញ្ជាទិញលើកទីពីរគឺនឹងធ្វើឡើងនៅថ្ងៃទី 01 ខែតុលា និងការនាំចេញលើកទីពីរគឺនៅថ្ងៃទី 08 ខែតុលា ឆ្នាំ 2021។
ដូច្នេះចង់ដឹងថា iPhone 13 Pro Max ពណ៌ទឹកមាសដ៏ស្រស់ឆើតឆាយនេះមានភាពទាក់ភ្នែកកម្រិតណា តោះទស្សនាវីដេអូបើកប្រអប់លើកដំបូងខាងក្រោមនេះទាំងអស់គ្នា៖