ស្មាតហ្វូន iQOO Z5x នឹងវេចខ្ចប់ជាមួយនិងអេក្រង់ទំហំ 6.85 អ៊ីង ហើយនិងមានល្បឿន 120Hz Refresh Rate

iQOO ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន vivo នឹងប្រកាសចេញនូវស្មាតហ្វូនស៊េរីថ្មីរបស់ខ្លួន iQOO Z5x នៅប្រទេសចិនថ្ងៃស្អែកនេះហើយ។ យោងតាមរបាយការណ៍កន្លងមកបានបង្ហាញថា ស្មាតហ្វូន Z5x ថ្មីនេះ បំពាក់មកជាមួយនូវបន្ទះឈីប Snapdragon 778G ដូចគ្នាជាមួយនឹងស្មាតហ្វូន iQOO 5 ដែលបានប្រកាសចេញកលាពីកញ្ញាកន្លងទៅនេះ។ នៅថ្ងៃនេះ ក្រុមហ៊ុនបានទម្លាយចេញនូវផ្ទាំងផ្សព្វផ្សាយសម្រាប់ស្មាតហ្វូននេះហើយ ដោយមានការបញ្ជាក់យ៉ាងច្បាស់ពីសមត្ថភាពអេក្រង់របស់ស្មាតហ្វូនថែមទៀតផង។

អេក្រង់ iQOO Z5x នឹងមានការរចនាជាមួយនឹងអេក្រង់ Waterdrop notch display ជាមួយនឹងកម្រ៉ាស់ស្តើង។ ហើយក្រុមហ៊ុននេះក៏បានបញ្ជាក់ច្បាស់ថា អេក្រង់ស្មាតហ្វូននេះ នឹងមានការទ្រទ្រង់ជាមួយនឹងល្បឿន120Hz refresh rate និង 240Hz Touch Sampling Rate ផងដែរ។ បន្ថែមពីនេះ ស្មាតហ្វូន Z5x ក៏និងមានការតម្លើងជាមួយបន្ទះត្រជាក់ចំនួន 5 បន្ទះ ដើម្បីជួយអោយដំណើរការស្មាតហ្វូនមានភាពរលូន ហើយអ្វីដែលរឹតតែពិសេសស្មាតហ្វូននេះក៏មានបំពង់បំភាយកំដៅទៀតផង។ 

បន្ថែមពីនេះ ស្មាតហ្វូននេះ ថែមទាំងមានបំពាក់នូវសិនស័រចំនួន 6 គ្រាប់ ដែលមានសមត្ថភាណជួយអោយរក្សាកំដៅស្មាតហ្វូនអោយនៅតែត្រជាក់ បើទោះបីជាអ្នកប្រើប្រាស់លេងហ្គេមដែលមានក្រាហ្វិកធំៗក៏ដោយ។ ស្មាតហ្វូន iQOO Z5x នឹងមានទ្រទ្រង់នូវ Wi-Fi 6 connectivity។ សូមជំរាបថា កាលពីប៉ុន្មានថ្ងៃមុននេះ ក្រុមហ៊ុន iQOO ក៏មានការបង្ហាញថា Z5x នឹងដំណើរការជាមួយ Dimensity 900 ហើយនឹងមានថ្មទំហំ 5,000mAh។ ស្មាតហ្វូននេះ នឹងកាមេរ៉ាទំហំ 50-Megapixel dual-camera system ហើយនិងមានពណ៌ Lens Black, Fog Sea White និង Sandstone Orange។ 

ជាមួយគ្នានេះ បើតាមរបាយការណ៍កន្លងមក គឺមានការ iQOO Z5x នឹងមានអេក្រង់ LCD ទំហំ 6.85 អ៊ីងមានសមត្ថភាពបង្ហាញចេញបាននៅក្នុងកម្រិត FHD+ Display ហើយនិងមានរ៉េមទំហំ 12GB និងមានមេម៉ូរីទំហំ 256GB។ ស្មាតហ្វូននេះ មានកាមេរ៉ាមុខទំហំ 8-Megapixel Selfie Camera និងដំណើរការជាមួយប្រព័ន្ធប្រតិបត្តិការ Android 11 OS ព្រមទាំងមានការទ្រទ្រង់នូវបច្ចេកវិទ្យាសាកកម្លាំង 44W rapid charging។ ស្មាតហ្វូននេះមានតួខ្លួនទំហំ 163.95 x 75.30 x 8.5mm និងមានទម្ងន់ 169 grams.