ការនាំចេញស្មាតហ្វូនរបស់ប្រទេសវៀតណាម មានការធ្លាក់ចុះ 28% នៅត្រីមាសទី 3 ឆ្នាំ 2021 នេះបើធៀបទៅនឹងឆ្នាំមុន

យោងតាមការសិក្សាស្រាវជ្រាវទៅលើទីផ្សារស្មាតហ្វូននៅក្នុងប្រទេសវៀតណាម ត្រូវបានគេមើលឃើញ មានការធ្លាក់ចុះ 28% សម្រាប់ត្រីមាសទី 3 នៅក្នុងឆ្នាំ 2021 នេះបើធៀបទៅនឹងឆ្នាំមុន។ ការធ្លាក់ចុះនេះ ត្រូវបានគេបញ្ជាក់ថា គឺដោយសារតែមេរោគកូវីដ 19 ដែលធ្វើអោយមានការរឹតបន្តឹងយ៉ាងច្រើននៅក្នុងទីក្រុងធំៗដែលធ្វើអោយមានកង្វះទៅលើកម្លាំងពលកម្ម និងការបិទនូវហាងជាច្រើនផងដែរ។ ក្នុងនោះក៏បណ្តាលមកពីកង្វះបន្ទះឈីបរបស់ពិភពលោកផងដែរ។

សូមជំរាបថា កាលពីខែកក្កដាកន្លងទៅនេះ ទីផ្សាររបសប្រទេសវៀតណាមនេះ គឺដំណើរការបានយ៉ាងល្អ ប៉ុន្តែសម្រាប់ខែក្រោយៗ មកគឺមានបញ្ហាដោយសារតែការរាតត្បាតនៃមេរោគកូវីដដែលបណ្តាលអោយមានការធ្លាក់ចុះ។ សម្រាប់ក្រុមហ៊ុនដែលទទួលបាននូវចំណាត់ល្អនោះ គឺក្រុមហ៊ុន Samsung មានចំណែកទីផ្សារបានចំនួន 49% នៅក្នុងត្រីមាសទី 3 ឆ្នាំ 2021 នេះ។ ស្មាតហ្វូនដែលលក់ដាច់ខ្លាំងជាងគេនោះគឺ  Galaxy A12, Galaxy A03s និង Galaxy A22 ។

ក្រុមហ៊ុន OPPO គឺបានជាប់ចំណាត់ថ្នាក់លេខ 2 ដែលមានចំណែកទីផ្សារចំនួន 19% ហើយវាមានការពេញនិយមខ្លាំងទៅលើស្មាតហ្វូនត្រកូល A Series។ ក្រុមហ៊ុន Xiaomi និង vivo គឺជាប់លេខ 3 និងលេខ 4 ដែលមានចំនែកទីផ្សារចំនួន 13% និង 8% រៀងគ្នាផងដែរ។ សម្រាប់ក្រុមហ៊ុន Xiaomi ស្មាតហ្វូន Redmi Series នេះ គឺមានការជម្រុញទៅលើការលក់យ៉ាងខ្លាំងក្លា ខណៈពេលដែលក្រុមហ៊ុន vivo គឺមានការជម្រុញចេញពីស្មាតហ្វូនត្រកូល Y Series៕