រាល់ពេលទិញទូរស័ព្ទតើអ្វីដែលអ្នកចាប់អារម្មណ៍មុនគេ? រចនាបថឌីហ្សាញ កាមេរ៉ា ថាមពលថ្ម ឬអេក្រង់? ដូចនេះថ្ងៃនេះសុំលើកយកផ្នែកសំខាន់របស់ទូរស័ព្ទដៃ OPPO ជំនាន់ថ្មីចុងក្រោយបង្អស់បំពាក់ជាមួយអេក្រង់កោង 3D ដែលប្រើប្រាស់ល្បឿនបង្ហាញកំពូល 120Hz ដែលត្រៀមនឹងមកដល់ក្នុងពេលឆាប់ៗ។ បើនិយាយដល់អេក្រង់ 120Hz អ្នកទាំងអស់គ្នាប្រាកដជាស្រមៃគិតដល់ទូរស័ព្ទដែលតម្លៃ $1000+ មែនអត់? មោះ! ងាកមកមើលស្មាតហ្វូនស៊េរីថ្មី OPPO Reno8 T Series ជាស្មាតហ្វូន Reno ដំបូងគេបង្អស់ដែលប្រើប្រាស់អេក្រង់កោង 3D លំដាប់កំពូល 120Hz ដែលស្ថិតក្នុងកម្រិតតម្លៃប្រហាក់ប្រហែល $300-$400 តែប៉ុណ្ណោះ។
គ្រាន់តែស្រមៃគិតដល់អេក្រង់រាងកោង 3D គឺវាឡូយមួយកម្រិតហើយ ថែមទាំងប្រើប្រាស់ល្បឿនបង្ហាញលំដាប់កំពូល 120Hz ទៀត សួរថាអ្នកណាមិនចង់ប្រើមែនអត់? ប្រាកដហើយលើកនេះមិនដូចមុន OPPO Reno8 T Series បានផ្តល់នូវបទពិសោធន៍កាន់តែប្លែកជាមួយទិដ្ឋភាពបង្ហាញកាន់តែអណ្តែតជាងអេក្រង់ធម្មតា ចំណែកផ្ទៃកោងសងខាងផ្តល់នូវអារម្មណ៍កាន់តែជិតស្និទ្ធរាល់ពេលប៉ះបញ្ជា និងចាប់កាន់នៅក្នុងដៃ ដែលស្ទីលរចនាបែបនេះគឺមានតែនៅលើកំពូលស្មាតហ្វូនតម្លៃខ្ទង់ពាន់ដុល្លារ។
អ្វីដែលពិសេសគឺវាដំណើរការល្បឿនបង្ហាញលំដាប់កំពូល 120Hz អាចមើលវីដេអូ លេងហ្គេម និងអូសបញ្ជាកាន់តែរអិលជាមួយចលនាបង្ហាញដ៏រលូនដូចស្មាតហ្វូនកំពូល។
កាមេរ៉ាធំមិនធ្លាប់មាននៅលើទូរស័ព្ទ Reno! OPPO Reno8 T ជំនាន់ថ្មីបំពាក់កាមេរ៉ា Portrait ខ្នាតធំ 108MP ជួយឲ្យការថតរូបមនុស្សនិងទេសភាពកាន់តែច្បាស់ កាន់តែលម្អិតគ្រប់ចំណុច ដែលអាចប្រៀបទៅនឹងកាមេរ៉ាអាជីព ធ្វើឲ្យអ្នករីករាយជាមួយភាពច្នៃប្រឌិត។
សមត្ថភាពខ្លាំងមិនធ្លាប់មាន! ជាមួយកម្លាំងសាកថ្មកំពូលរហូត 67W ដែលធ្វើឲ្យការសាកថ្មកាន់តែរហ័ស កម្រិតសុវត្ថិភាពខ្ពស់ សាកថ្មដោយសម្ពាធភ្លើងទាប និងសាកថ្មលឿនពេលកំពុងលេងផងដែរ។
លើកនេះអាចនិយាយបានថា OPPO Reno8 T Series ស៊េរីថ្មីធានាថាមិនធម្មតាពិសេសជាងលើកមុនៗ និងមិនធ្វើឲ្យអតិថិជនខកបំណងឡើយ។ ដើម្បីស្រាយចម្ងល់ថា តើស្មាតហ្វូនជំនាន់ចុងក្រោយ OPPO Reno8 T Series នឹងមានអ្វីពិសេសបន្តទៀត? ហើយវានឹងបង្ហាញខ្លួនលើទីផ្សារក្នុងប្រទេសកម្ពុជានៅពេលណា? កុំភ្លេចចូលទៅកាន់ហ្វេសប៊ុកផ្លូវការរបស់ OPPO ដើម្បីទទួលបានព័ត៌មានលម្អិតៗជាច្រើន៕
