ក្រុមហ៊ុន OnePlus ទើបតែទម្លាយនូវគំនិតនៃស្មាតហ្វូនថ្មីរបស់ខ្លួនចុងក្រោយបំផុតដែលមានឈ្មោះហៅថា OnePlus 11 Concept មុនព្រឹត្តិការណ៍នៃការប្រកាសជាផ្លូវការនៅក្នុងព្រឹត្តិការណ៍ Mobile World Congress (MWC) នៅថ្ងៃទី 27 ខែកុម្ភៈនេះ។ ស្មាតហ្វូននេះ នឹងមានបន្ទះឈីប Snapdragon 8 Gen 2 SoC ហើយវាក៏មានការផ្តោតទៅលើការឌីស្សាញខាងក្រៅយ៉ាងប្រណិតបំផុត នេះបើតាមការបញ្ជាក់របស់ក្រុមហ៊ុននេះ។
លក្ខណៈពិសេសមួយរបស់ស្មាតហ្វូននេះគឺមានឆ្នូតពណ៌ខៀវនៅផ្នែកខាងក្រោយរបស់ស្មាតហ្វូននេះដែលមើលទៅពិតជាទាក់ទាញមែនទែនស្រដៀងគ្នាទៅនឹង LED lights នៅផ្នែកខាងក្រោយរបស់ស្មាតហ្វូន Nothing Phone (1) ។ស្មាតហ្វូន OnePlus 11 Concept នេះនឹងមានប្រើប្រាស់នូវ Carbon Fiber ដែលមើលទៅមានភាពធន់មែនទែនក្នុងការប្រើប្រាស់។
នាយកប្រតិបត្តិរបស់ក្រុមហ៊ុន OnePlus លោក Pete Lau បានធ្វើការផ្សព្វផ្សាយទៅលើវីដេអូរបស់ស្មាតហ្វូន OnePlus 11 Concept នៅលើ Twitter ដែលវីដេអូនេះមានការបញ្ជាក់ថា ស្មាតហ្វូននេះមានគែមអេក្រង់កោងទៅលើគ្រប់ជ្រុងទាំង 4 របស់វា។ ក្រុមហ៊ុន OnePlus ក៏បានសហការជាមួយនឹងក្រុមហ៊ុន Hasselblad ក្នុងការឌីស្សាញទៅលើកាមេរ៉ាខាងក្រោយនេះ។
បើមើលទៅលើស្មាតហ្វូន OnePlus 11 នេះ មានបន្ទះឈីប Snapdragon 8 Gen 2 SoC ជាមួយនឹងតម្លៃ $69 ។ សម្រាប់ទំហំ 16GB-256GB គឺមានតម្លៃ $799។ ស្មាតហ្វូននេះមាន 100W Fast Charging។ ស្មាតហ្វូន OnePlus 11 នេះមានអេក្រង់ទំហំ 6.7-អ៊ីង ល្បឿន 120Hz និងកាមេរ៉ា 3 គ្រាប់ខាងក្រោយដែលមានទំហំ 50-megapixel primary, 48-megapixel ultra-wide និង 32-megapixel telephoto៕
