យោងតាមព័ត៌មានរបស់ Bloomberg ចេញផ្សាយថ្មីនៗនេះ បានអោយដឹងថា ក្រុមហ៊ុនរបស់តៃវ៉ាន់ Pegatron បានចាប់ផ្តើមដំណើរការផលិតទូរស័ព្ទ iPhone 14 Series នៅក្នុងប្រទេសឥណ្ឌាហើយ ខណៈដែលក្រុមហ៊ុន Apple ក៏មានគម្រោងនៅក្នុងការផលិត 50% មកកាន់ប្រទេសឥណ្ឌានៅត្រឹមឆ្នាំ 2025។ សម្រាប់សង្វាក់ផលិតកម្មនេះ គឺអាចនាំចេញសម្រាប់តែទីផ្សារមួយតែប៉ុណ្ណោះ។ កន្លងមក JPMorgan បានអ្នកវិភាគថា ក្រុមហ៊ុន Apple នឹងធ្វើការផលិត iPhone 14 នៅទីនេះ អោយបាន 5% ត្រឹមដំណាច់ឆ្នាំ 2022។
គួរបញ្ជាក់ថា Apple បានចាប់ផ្តើមផលិត iPhone ជាលើកដំបូងនៅប្រទេសឥណ្ឌានេះ គឺនៅឆ្នាំ 2017 ហើយសម្រាប់ផលិតផលដំបូងគេនោះ គឺជាម៉ូដែល iPhone SE។ ទាក់ទងនឹងព័ត៌មាននេះ កាលពីខែមករាកន្លងទៅ ក្រុមហ៊ុន Apple បានប្រកាសចាប់ផ្តើមផលិត iPhone 13 នៅក្នុងប្រទេស ហើយនៅពេលនេះ គឺមានក្រុមហ៊ុន Foxconn និងក្រុមហ៊ុន Wistron ជាអ្នកដែលទទួលបានសិទ្ធិបានផលិត។
សូមជំរាបថា ក្រុមហ៊ុន Apple បានប្រកាសចាប់ផ្តើមផលិត iPhone 14 models នៅក្នុងប្រទេសនេះ តាំងតែពីថ្ងៃទី 24 ខែកញ្ញាមកម្លេះ ហើយនេះគឺជាលើកដំបូងហើយដែលក្រុមហ៊ុននេះផលិតស្មាតហ្វូនម៉ូដែលថ្មីភ្លាមៗនៅទីនេះ។ បើនិយាយពីប្រទេសឥណ្ឌា ក៏មិនខុសពីប្រទេសចិននោះទេ ដោយប្រទេសនេះ បានជាប់ជាទីផ្សារស្មាតហ្វូនធំលំដាប់ទីពីររបស់ពិភពលោក ដូច្នេះ ការសម្រេចចិត្តរបស់ Apple នៅពេលនេះ គឺអាចនិយាយបានថា គឺជាឱកាសមួយដែលល្អបំផុត។
យោងតាមរបាយការណ៌ថ្មីបាននិយាយថា ក្រុមហ៊ុន Foxconn ដែលជាដៃគូដ៏ធំបំផុតរបស់ក្រុមហ៊ុន Apple នេះ គឺជាអ្នកទទួលខុសត្រូវទៅលើការផលិត iPhone នៅរោងចក្ររបស់ខ្លួននៅក្បែរទីក្រុង Chennai ខណៈដែលក្រុមហ៊ុន Pegatron ដែលជាដៃគូរថ្មីនេហ គឺមានរោងចក្រនៅក្នុងរដ្ឋ Tamil Nadu និងមានបុគ្គលិកសរុបប្រមាណជា 7,000 នាក់។ រោងចក្រនេះក៏ធ្លាប់បានផលិតនូវ iPhone 12 ផងដែរ កាលពីដើមឆ្នាំនេះ។ Bloomberg បានបន្ថែមថា Tata Group ដែលជាក្រុមហ៊ុននាំគេនៅក្នុងប្រទេសឥណ្ឌា ក៏បានចាប់ដៃគូរផ្គត់ផ្គត់ជាមួយក្រុមហ៊ុន Wistron ផងដែរ។ គេសង្ឃឹមថា ដៃគូរទាំងពីរនេះ នឹងក្លាយជាអ្នកផលិត iPhone ថ្មីមួយទៀតនៅប្រទេសឥណ្ឌា។