នៅក្នុងការការផ្លាស់ប្តូរដ៏អស្ចារ្យនៃបច្ចេកវិទ្យា នៅពេលនេះ ក្រុមហ៊ុន EHang ដែលជាក្រុមហ៊ុនផលិតរថយន្តអគ្គិសនីរបស់ចិន (eVTOL) បានប្រកាសអំពីការដាក់ដំណើរការនូវតាក់ស៊ីហោះបាន EH216-S របស់ខ្លួននៅលើហាងអនឡាញក្នុងប្រទេសចិនហើយ ដែលមានដូចជា ក្រុមហ៊ុន Alibaba និង Taobao marketplace។ តាក់ស៊ីហោះថ្មីនេះ គឺមានការបង្ហាញខ្លួនជាមួយនឹងតម្លៃដល់ទៅ 2.39 លានយ៉ន់ (US$ 332,000 ដុល្លារ)។ វត្តមាន តាក់ស៊ីហោះ EH216-S នេះ គឺបញ្ជា់ពីការ ធ្វើបដិវត្តទៅលើវិស័យដឹកជញ្ជូននៅក្នុងក្រុង ហើយនេះ ក៏ជាព្រឹត្តិការណ៍ដ៏សំខាន់នៅក្នុងយុគសម័យនរតាក់ស៊ីដឹកអ្នកដំណើរស្វ័យប្រវត្តិនេះផងដែរ។
តាក់ស៊ីហោះ EH216-S របស់ក្រុមហ៊ុន EHang នេះ ទទួលបាននូវការចាប់អារម្មណ៍ និងការសាទរយ៉ាងខ្លាំងក្លា ហើយវាក៏មានការតេស្តជោគជ័យដល់ទៅ 42,000 ដង នៅក្នុងប្រទេសដល់ទៅ 14 ថែមទៀតផង។ អ្វីដែលគួរអោយកត់សម្គាល់នោះ EH216-S គឺជាក្លាយជាតាក់ស៊ីហោះបានដំបូងបំផុតរបស់ពិភពលោក ដែលទទួលបាននូវសញ្ញាបត្រ Type Certificate និង Standard Airworthiness Certificateចេញពីស្ថាប័ន Civil Aviation Administration of China (CAAC) ដែលផ្តោតទៅលើប្រព័ន្ធសុវត្ថិភាពរបស់វាថែមទៀតផង។
ការបង្ហាញវត្តមាននៃតាក់ស៊ីហោះបាន EH216-S នៅលើ Taobao ស្របទៅតាមយុទ្ធសាស្រ្តរបស់ក្រុមហ៊ុន EHang ដើម្បីចូលទៅកាន់ទីផ្សារដែលមានការរីកចម្រើនទៅលើដំណោះស្រាយនៃការហោះហើរនៅក្នុងទីក្រុងនេះ។ ជាមួយនឹងតម្លៃដល់ទៅ US$410,000 នេះ អ្នកទិញសម្រាប់ទីផ្សារអន្តរជាតិគឺនៅថ្ងៃទី 1 ខែមេសានេះ ខណៈពេលដេលក្រុមហ៊ុន EHang ក៏ត្រៀមខ្លួនក្នុងការពង្រីកនៅក្នុងទីផ្សារសកលផងដែរ។
លោក Hu Huazhi ដែលជាស្ថាបនិក អគ្គនាយក និងនាយកប្រតិបត្តិរបស់ក្រុមហ៊ុន EHang បានបង្ហាញនូវការជឿជាក់យ៉ាងខ្លាំងទៅលើតាក់ស៊ីហោះ EH216-S នេះ ទទួលបាននូវវិញ្ញាបនបត្រទទួលស្គាល់ទៅលើគុណភាពរួចហើយ។ ការសម្រេចបាននូវសមិទ្ធិផលនេះ គឺបានបង្ហាញអំពីការកើនឡើងទៅលើតម្រូវការ និងការកើនឡើងទៅលើប្រាក់ចំណេញរបស់វា ខណៈពេលដែលត្រីមាសទី 3 នេះ មានការកើនឡើងដល់ទៅ 260.9% នៅក្នុងរយៈពេលដូចគ្នាទៅនឹងឆ្នាំ 2022 ។
លក្ខណៈពិសេសរបស់តាក់ស៊ីហោះបាន EH216-S គឹមានការបើកបានល្បឿនដល់ទៅ 130 គីឡូម៉ែត្រក្នុងមួយម៉ោង ហើយវាក៏នឹងមានការបង្កើនល្បឿនបានលឿនដល់ទៅ 100km/h និងកម្រិតកម្ពស់អតិបរិមាដល់ទៅ 3000 ម៉ែត្រ។ ជាមួយនឹងការធ្វើដំនើរបានដល់ទៅ 30km និងហោះបានដល់ទៅ 25 នាទីនោះ គឺត្រូវការការសាកថ្មដល់ទៅ120 នាទី ហើយតាក់ស៊ីហោះ EH216-S នេះ អាចផ្តល់នូវភាពងាយស្រួល និងមិនអាចផ្ទឹមបាននោះទេសម្រាប់អ្នកធ្វើដំណើរនៅក្នុងទីក្រុង។
ការធ្វើពាណិជ្ជកម្មទៅលើតាក់ស៊ីហោះនៅលើ Taoboa នេះ គឺបានបង្ហាញអំពីយុគសម័យថ្មីការចល័តនៅក្នុងវិស័យហោះហើរនៅក្នុងទីក្រុង ហើយក៏ស្របទៅនឹងយុទ្ធសាស្រ្តរបស់ប្រទេសចិនសម្រាប់ឧស្សាហកម្មដែលកំពុងតែមានការរីកចម្រើននេះ។ ជាមួយនឹងខេត្តចំនួន 20 ដែលផ្តោតទៅលើការអភិវឌ្ឍសម្រាប់សេដ្ឋកិច្ចនៅមានកម្រិតទាបនៅឡើយនោះ តាក់ស៊ីហោះ EH216-S នេះ របស់ក្រុមហ៊ុន EHang នេះគឺផ្តោតទៅលើការច្នៃប្រឌិតខ្ពស់ និងការរៀបចំឡើងវិញទៅលើអនាគតនៃការដឹកជញ្ជូនផងដែរ៕