ក្រុមហ៊ុន realme ត្រូវគេរាយការណ៍ថា បាននឹងកំពុងតែធ្វើការនៅលើស្មាតហ្វូនថ្មី realme GT Neo 6 Series របស់ខ្លួននៅក្នុងទីផ្សាររបស់ប្រទេសចិន។ ស្មាតហ្វូន GT Neo 6 SE និង GT Neo 6 នេះ នឹងមានបន្ទះឈីប Snapdragon 7+ Gen 3 ហើយនិង Snapdragon 8s Gen 3 រៀងគ្នា។ សម្រាប់ស្មាតហ្វូនម៉ូដែល SE នៅមិនទាន់ទម្លាយនៅឡើយទេ ប៉ុន្តែស្មាតហ្វូន GT Neo 6 នេះ នឹងមានលេខកូដហៅថា RMX3850។ យោងតាមពាក្យចចាមអារ៉ាមជាច្រើនថ្មីៗនេះ ក៏មានការនិយាយថា សម្រាប់ Version សកលរបស់ស្មាតហ្វូន GT Neo 6 គឺមានលេខកូដហៅថា RMX3851 ផងដែរ។
បន្ថែមពីនេះ នៅក្នុងការអភិវឌ្ឍថ្មីនេះ លេខកូដ RMX3851 បានបង្ហាញខ្លួននៅលើ Database នៃវិញ្ញាបនបត្រ SDPPI នៅក្នុងប្រទេសឥណ្ឌូនេស៊ីរួចហើយ។ ស្មាតហ្វូនថ្មីនេះ អាចនឹងមានឈ្មោះផ្សេងនៅក្នុងទីផ្សារសកលផងដែរ។ ដូចអ្វីដែលបានឃើញនៅក្នុងរូបភាពនេះ បញ្ជីនៃវិញ្ញាបនបត្រ SDPPI នៃលេខកូដ realme RMX3851 នេះ គឺបញ្ជាក់ថា នេះគឺជាស្មាតហ្វូន realme GT 6 នៅពេលដែលបង្ហាញខ្លួននៅក្នុងប្រទេសឥណ្ឌូនេស៊ី។
ក្រៅពីវិញ្ញាបនបត្រ SDPPI នេះ ស្មាតហ្វូននេះ ក៏ទទួលបាននូវការអនុម័តចេញពី FCCនិង CB ថែមទៀតផង។ ស្មាតហ្វូន realme GT 6 នេះ នឹងដំណើរការនូវ realme UI 5.0 និងទ្រទ្រង់នូវ SuperVOOC fast charging ប៉ុន្តែនៅមិនទាន់មានបញ្ជាក់អំពីកម្រិតនៃការសាកថ្មនៅឡើយទេ។ វិញ្ញាបនបត្រទាំង 2 នេះ ថែមទំាងបានបង្ហាញថាស្មាតហ្វូន realme GT 6 នេះនឹងមានថាមពលថ្ម 2,680mAh (rated value) dual-cell ។ យ៉ាងណាមិញ នៅក្នុងបញ្ជីរបស់ FCC នេះ បានបញ្ជាក់ថាវាមានទំហំ 2,750mAh។ ស្មាតហ្វូននេះ នឹងមានថាមពលសរុបចំនួន 5,500mAh dual-cell ។ នៅក្នុងវិញ្ញាបនបត្រ FCC វិញ បានបង្ហាញថា ស្មាតហ្វូន realme GT 6 នេះ មានវិមាត្រ 162x75.1x8.6mm និងទម្ងន់ 199g។
ស្មាតហ្វូនលេខកូដ RMX3851 នេះ ក៏បានបង្ហាញខ្លួននៅលើ Geekbench និង AnTuTu ផងដែរ។ នៅលើបញ្ជីនេះ មានការទម្លាយថា ស្មាតហ្វូននេះ នឹងមានបន្ទះឈីប Snapdragon 8s Gen 3 រ៉េម 16GB និងប្រព័ន្ធប្រតិបត្តិការ Android 14 ។ នៅលើ AnTuTu នោះ ស្មាតហ្វូននេះ មានពិន្ទុ 1,846,775 ។ ស្មាតហ្វូននេះ ក៍ទទួលបាននូវការអនុម័តនៅក្នុងប្រទេសឥណ្ឌា និងអ៊ឺរ៉ុបដែលមានការបញ្ជាក់ថាស្មាតហ្វូននេះនឹងបង្ហាញខ្លួននៅក្នុងទីផ្សារជាច្រើនទៀតផងដែរ៕