បន្ទាប់ពីការបែកធ្លាយជាច្រើនទៅលើស្មាតហ្វូន Motorola Edge 50 Pro និង Edge 50 Fusion រួចមក នៅថ្ងៃនេះ មានការបែកធ្លាយនូវស្មាតហ្វូនទី 3 នៃត្រកូលនេះថែមទៀតហើយ នោះគឺស្មាតហ្វូន Edge 50 Ultra ដែលនេះ គឺជាម៉ូដែលមានលក្ខណៈសម្បត្តិកំពូលជាងគេនៅក្នុងចំណោស្មាតហ្វូនថ្មីៗទាំងនេះ។ ស្មាតហ្វូន Motorola Edge 50 Ultra នេះ ត្រូវបានគេរាយការណ៌ថា នឹងបង្ហាញខ្លួនជាផ្លូវការនៅថ្ងៃទី 3 ខែមេសាខាងមុខនេះ ខណៈដែលស្មាតហ្វូន Edge 50 Fusion ក៏អាចនឹងមានវត្តមាននៅក្នុងការប្រកាសបង្ហាញខាងមុខនេះផងដែរ។
អ្វីដែលគួរអោយចាប់អារម្មណ៍នោះ រូបភាពរបស់ស្មាតហ្វូន Edge 50 Ultra នេះ ក៏មានការបញ្ជាក់នូវកាលបរិច្ឆេទនៅថ្ងៃទី 3 ខែមេសានេះផងដែរ។ ផ្អែកលើរូបភាពនេះ មានន័យថា ស្មាតហ្វូនទាំង 3 នេះនឹងបង្ហាញខ្លួននៅសប្តាហ៍ក្រោយនេះហើយ។ សូមជំរាបថា ព្រឹត្តិការណ៍នៅថ្ងៃទី 3 ខែមេសានេះ គឺនឹងធ្វើឡើងនៅថ្ងៃពុធ ខណៈពេលដែលកាលបរិច្ឆេទកាលមុនអាចនឹងក្លាយជារឿងមិនពិតនោះទេ។
ស្មាតហ្វូន Edge 50 Ultra ត្រូវបានគេទម្លាយថា នឹងបង្ហាញខ្លួនជាមួយនឹងបន្ទះឈីប Snapdragon 8s Gen 3 SoC ដែលប្រភេទម៉ូដែល 'lite' version គឺមានបន្ទះឈីប Snapdragon 8 Gen 3 បង្ហាញខ្លួនកាលពីឆ្នាំមុន។ ស្មាតហ្វូន Edge 50 Ultra នេះ នឹងមានកាមេរ៉ា3 គ្រាប់នៅខាងក្រោយ ដែលកាមេរ៉ាគោលមានទំហំ 50MP និងគ្រាប់ទីពីរប្រើឡែន 12mm ultrawide ហើយនិងនិងគ្រាប់ទីបីប្រើឡែន 72mm Periscope គាំទ្រជាមួយនឹងការហ៊្សូម 3x optical zoom។ បន្ថែមពីនេះ នៅកាមេរ៉ានេះ ក៏មានបំពាក់នូវ Laser Autofocus និង Multiple-LED Flash ផងដែរ។ ស្មាតហ្វូននេះ មាន 3 ពណ៌គឺ Light Beige, Black និង Peach Fuzz។
ស្មាតហ្វូននេះ គឺមានអេក្រង់ Touchscreen ជាមួយនឹងគែមកោងដ៏ស្រស់ស្អាត។ ស្មាតហ្វូន Edge 50 Ultra នេះ នឹងដំណើរការនូវស្បែក Android ថ្មីដែលមានឈ្មោះហៅថា Hello UI ហើយនឹងអាចអាប់ដេតប្រព័ន្ធ Android បានដល់ទៅ 3 ជំនាន់ថែមទៀតផង។ ស្មាតហ្វូន Edge 50 Ultra នេះ មាចនឹងមានតម្លៃ $999 នៅក្នុងសហរដ្ឋអាមេរិក៕