នៅពេលនេះ Huawei Pura 70 Series បានបង្ហាញវត្តមានជាផ្លូវការហើយ។ បន្ទាប់ពីការដាក់លក់ប៉ុន្មានថ្ងៃមក ស្មាតហ្វូនម៉ូដែលថ្មីនេះ គឺមានតម្រូវការខ្ពស់បំផុត។ ដូចគ្នាជាមួយនិងម៉ូដែល Huawei Mate 60 series អញ្ចឹងដែរ ស្មាតហ្វូនទាំងអស់នេះ គឺនឹងមានការបំពាក់នូវបច្ចេកវិទ្យា 5G ដូចៗគ្នា។ សម្រាប់ម៉ូដែល Pro ដែលមានដូចជា Pura 70 Pro, Pura 70 Pro+ និង Pura 70 Ultra ត្រូវបានគេមើលឃើញថា មានការបំពាក់នូវបច្ចេកវិទ្យាថ្មីមួយដែលខុសពីម៉ូដែល Pura 70។ បច្ចេកវិទ្យាថ្មីនេះ មានឈ្មោះថា Huawei NearLink ដែលមានសមត្ថភាពខ្ពស់ និងធ្វើការនៅលើបច្ចេកវិទ្យាឥតខ្សែរ និងនិងមានរយៈចម្ងាយឆ្ងាយជាង Bluetooth ថែមទៀត។
សូមជំរបថា កាលពីឆ្នាំមុននេះ ក្រុមហ៊ុន Huawei បានប្រកាសចេញនូវបច្ចេកវិទ្យាថ្មី NearLink នេះ។ ក្រុមហ៊ុនបានបញ្ជាក់ថា បច្ចេកវិទ្យាថ្មីនេះ គឺដំណើរការនៅលើប្រព័ន្ធ Bluetooth និង Wi-Fi ផ្តល់នូវសមត្ថភាពនៃការភ្ជាប់ទំនាក់ទំនងបានរលូប និងសន្សំសំចៃបានច្រើនបំផុត។ បច្ចេកវិទ្យាថ្មីនេះ ក៏នឹងធ្វើការជាមួយ HarmonyOS នៅលើស្មាតហ្វូននេះផងដែរ។ ក្រុមហ៊ុនបន្តថា បច្ចេកវិទ្យាថ្មីនេះ មានសមត្ថភាពអាចសន្សំងថាមពលថ្មបាន 60% ប្រៀបធៀបជាមួយនិង wireless ស្តង់ដារ ហើយនិងមានល្បឿនលឿនជាង 6 ដង ហើយនិងមានសមត្ថភាពតភ្ជាប់លឿនជាង 10 ដង ប្រៀបធៀបជាមួយនិង wireless ស្តង់ដារ។
ជាមួយនិងបច្ចេកវិទ្យាថ្មីនេះ នៅលើវិបសាយផ្លូវការក្រុមហ៊ុន Huawei បានបង្ហាញថា មានស្មាតហ្វូនមួយចំនួនហើយ ដែលបំពាក់នូវបច្ចេកវិទ្យា Huawei NearLink នេះ ដោយម៉ូដែលទាំងនេះមានដូចជា Huawei Mate 60 series, Huawei Pocket 2, Pura 70 Pro, Pura 70 Pro+ និង Pura 70 Ultra ប៉ុណ្ណោះ។ សម្រាប់ម៉ូដែល Pura 70 មិនមានការបំពាក់នូវបច្ចេកវិទ្យានេះនោះទេ។ ថ្មីៗនេះមានការជជែកគ្នានេះពីរឿងនេះ ហើយក៏មានការបញ្ជាក់ថា Huawei Pura 70 គឺមិនមានការប្រើប្រាស់នូវបច្ចេកវិទ្យានេះទេ។
Huawei Pura 70 គឺជាម៉ូដែលថ្មីមួយដែលត្រូវបានក្រុមហ៊ុនបំពាក់នូវបន្ទះឈីប Kirin 9000S1 ដែលជាជំនាន់ថ្មី Kirin 9000S។ ស្មាតហ្វូននេះ មានអេក្រង់ទំហំ 6.6-អ៊ីងបង្ហាញចេញទំហំ 2760×1256 pixel OLED screen, គាំទ្រនូវល្បឿន 1Hz-120Hz LTPO adaptive refresh rate។ ស្មាតហ្វូននេះមានកាមេរ៉ា 3 គ្រាប់ នឹងមានកាមេរ៉ាគោលមានទំហំ 50MP និងទំហំ 12MP periscope telephoto គាំទ្រការហ៊្សូម 5x optical zoom និងមានមុខងារ OIS ហើយនិងមួយគ្រាប់ទៀទមានទំហំ 13MP ultrawide។ ស្មាតហ្វូននេះមានកាមេរ៉ាមុខទំហំ 13MP។