ឡានអគ្គិសនី Toyota bZ5 ដែលប្រើអាគុយ BYD ដាក់លក់ជាមួយតម្លៃតែជាង 1 ម៉ឺនដុល្លារប៉ុណ្ណោះ

នៅពេលនេះ ក្រុមហ៊ុន Toyota បានប្រកាសចេញជាផ្លូវការណ៌នូវរថយន្តអគ្គិសនីជំនាន់ថ្មីរបស់ខ្លួនប្រភេទ mid-size coupe SUV ម៉ូដែល bZ5 នៅលើទីផ្សារប្រទេសចិន ដោយក្រុមហ៊ុននេះបានដាក់ជាមួយនឹងតម្លៃចាប់ពី 129,800 យ៉ន់ទៅ 159,800 យ៉ន់ ដែលប្រហាក់ប្រហែល 18,000 ដុល្លារ ទៅ 22,150 ដុល្លារ។ សម្រាប់វត្តមានរបស់ឡានអគ្គិសនី Toyota bZ5 នេះ គឺបានក្លាយជាម៉ូដែលទី 3 ហើយបន្ទាប់ពី bZ3 និង bZ4X ដែលបង្ហាញខ្លួនកន្លងមក មានការឌីស្សាញតាមលំនាំស្ថាបត្យកម្ម e-TNGA Platform ហើយនិងមានការបំពាក់នូវអាគុយ lithium iron phosphate Blade Battery របស់ BYD។ 

bZ5 មាន 4 ជម្រើសដូចជា 550 Joy, 550 Pro, 550 Pro Smart Edition និង 630 Pro។ សម្រាប់ម៉ូដែលប្រើប្រាស់នូវអាគុយទំហំ 65.28 kWh និង 73.984 kWh គឺមានសមត្ថភាពអាចរត់បានចម្ងាយ 550 km និង 630 km តាមស្តង់ដារ CLTC។ រថយន្តទាំង 4 នេះ គឺមានការប្រើបប្រាស់នូវម៉ូទ័រអគ្គិសនីខាងមុខដែលមានលេខម៉ូដែល TZ200XS003 motor និងមានការគាំទ្រដោយថាមពល Fudi Power មានកម្លាំង 200 kW និងមានកម្រិតរមួល 330Nm។ រថយន្តនេះ មានការគាំទ្រដោយឆ្នាំងសាកកម្លាំង 90 kW fast charging ដែលសាកពី 30% ទៅ 80% ប្រើប្រាស់ពេលត្រឹមតែ 27 នាទីប៉ុណ្ណោះ។

សម្រាប់ការឌីស្សាញរូបរាងវិញ bZ5 គឺមានការឌីស្សាញផ្នែកខាងមុខដូចត្រីឆ្លាម “hammerhead shark” ទាំងខាងមុខ និងទាំងក្រាយមានស្តើង ហើយនិងមានដៃទ្វាលាក់ជិត។ ឡាននេះ មានប្រវែង 4780mm និងទទឹង 1866mm ហើយនិងកំពស់ 1510mm ខណៈដែលគម្លាតកង់មុខក្រោយប្រវែង 2880mm។ ឡាននេះប្រើប្រាស់នូវកង់ទំហំ 21 អ៊ីង។

និយាយពីការឌីស្សាញខាងក្នុងវិញ គឺមានអេក្រង់នៅកណ្តាលទំហំ 15.6-អ៊ីង ហើយនិងមានដំបូលកញ្ចក់ Panoramic sunroof ទំហំ  1.44 ម៉ែត្រ រួមនិងអំពូលខាងក្នុង 256 ពណ៌ ambient lighting ដែលអាចប្តូរបាន 4 “nap modes.” ព្រមទាំងពោងសុវត្ថិភាពដក់ទៅ 9 គ្រាប់។

នៅលើឡាននេះ មានមុខងារ Momenta 5.0 L2 urban advanced driving assistance system និងមានការគាំទ្រដោយសិនស័រ 33 គ្រាប់ ហើយនិងមុខងារជំនួយការបើកបរ និងមុខងារជំនួយការចូលចតផងដែរ។ នៅលើរថយន្តនេះ ក៏មានការប្រើប្រាស់នូវប្រព័ន្ធជំនួយការបើកបរស្វ័យប្រវត្តិ និងប្រព៌ន្ធចូលចំណត ក៏ដូចជាប្រព័ន្ធជំនួយសុវត្ថិភាពរបស់ Totyota ទៀតផង។