នៅក្នុងព្រឹត្តិការណ៍ 2025 Technology Day Event របស់សម្ព័ន្ធមិត្តក្រុមហ៊ុន (JV) Toyota GAC ដែលជាក្រុមហ៊ុនផលិតរថយន្តរួមគ្នារវាង Toyota Motor Corporation (TMC) និង Guangzhou Automobile Group Co.,Ltd. (GAC) បានធ្វើការគូសបញ្ជាក់អំពីយុទ្ធសាស្ត្រដ៏ទូលំទូលាយមួយ ដើម្បីពន្លឿនដំណើរការផលិតឡានអគ្គិសនី ការអភិវឌ្ឍន៍កម្មវិធី និងប្រព័ន្ធបច្ចេកវិទ្យាចល័តឆ្លាតវៃ ឬ Intelligent mobility។
ដើម្បីសម្រេចគោលការណ៍នេះ Toyota GAC បានប្រកាសចាប់ដៃសហការជាមួយក្រុមហ៊ុនបច្ចេកវិទ្យារថយន្ត Huawei, Xiaomi និង Momenta ដើម្បីគាំទ្រដល់គម្រោងការនេះ។ ក្នុងព្រឹត្តិការណ៍នេះផងដែរ Toyota GAC ក៏បានធ្វើការបង្ហាញនៅប្រព័ន្ធគ្រោងឆ្អឹងឡានអគ្គិសនីថ្មី ដោយប្រើនូវស្ថាបត្យកម្មជំនាន់ថ្មីក្នុងដំណើរការផលិតឡានអគ្គិសនី និងឡាន Plug-in-hybrid ថ្មីចំនួនបីស៊េរីដោយប្រើនូវប្រព័ន្ធ AI ecosystem ដែលស្ថិតនៅក្នុងគំនិតផ្តួចផ្តើមគម្រោត “China R&D 2.0”។
.jpeg)
តាមរយះកិច្ចសហការថ្មីនេះ ត្រូវបានគេមើលឃើញថា សម្រាប់ឡានអគ្គិសនីស៊េរីថ្មី គឺToyota bZ7 នឹងគាំទ្រការបំពាក់នូវប្រព័ន្ធបច្ចេកវិទ្យាឧបករណ៍ឆ្លាតវៃរបស់ Xiaomi ដូចជា Tablet និងប្រព័ន្ធ Speaker ព្រមជាមួយនឹងឧបករណ៍ AIoT (AI + IoT) ecosystem ទំនើបផងដែរ។ សម្រាប់ Huawei នឹងធ្វើការផ្គត់ផ្គង់នូវប្រព័ន្ធបច្ចេកវិទ្យាទំនើបនៅខាងក្នុងកាប៊ីនដោយក្នុងនោះ អាចនឹងមានដូចជា ប្រតិបត្តិការ HarmonyOS 5.0, បន្ទះឈីប Kirin និងអេក្រង់ទំហំ 15.6-inch។
Toyota និង Huawei ក៏មានសហការអភិវឌ្ឍន៍រួមគ្នាទៅលើបច្ចេកវិទ្យាបញ្ជាដោយសំឡេងឆ្លាតវៃ ឬ AI voice assistant ជាមួយនឹងក្រុមហ៊ុន Tencent ផងដែរ ដើម្បីឲ្យអ្នកប្រើប្រាស់រថយន្ត Toyota មានភាពជាឯកជនភាព និងការគ្រប់គ្រងរថយន្តរបស់ខ្លួនប្រកបដោយប្រសិទ្ធិភាពខ្ពស់។ សម្រាប់ប្រព័ន្ធបច្ចេកវិទ្យាជំនួយការសំឡេងថ្មីនេះ អាចនឹងដាក់ឲ្យដំណើរការនៅក្នុងឆ្នាំ 2028។
សម្រាប់ម៉ូដែល bz3X ត្រូវបានធ្វើបច្ចុប្បន្នភាពជាមួយប្រព័ន្ធជំនួយការបើកបរ 6.0 intelligent driving system របស់ Momenta ដែលមានភ្ជាប់នូវមុខងារប្រើប្រាស់ថ្មីៗជិត 50 មុខងារឯណោះ។ ស្របពេលជាមួយគ្នានេះ Toyota ក៏បានប្រកាសពីគម្រោងក្នុងការច្របាច់បញ្ចូលប្រព័ន្ធ cockpit intelligence ជាមួយ driving assistance systems ដើម្បីបង្កើនប្រសិទ្ធិភាពកាន់តែខ្ពស់សម្រាប់មុខងារឡានបើកបរស្វ័យប្រវត្តិ Vehicle autonomy ដែលប្រព័ន្ធថ្មីនេះ អាចនឹងរួចរាល់ក្នុងការដាក់ឲ្យដំណើរការជាផ្លូវការណ៍នៅក្នុងឆ្នាំ 2028។
.jpeg)
ស្ថិតក្រោមយុទ្ធសាស្ត្រ "China R&D 2.0" របស់ខ្លួន Toyota កំពុងធ្វើការផ្លាស់ប្តូរការឌីស្សាញ និងការអភិវឌ្ឍន៍យានយន្តកាន់តែមានប្រសិទ្ធភាព និងសុវត្ថិភាពខ្ពស់បន្ថែមទៀត។ ក្រុមការងារវិស្វករចិនពេលនេះ គឺជាគម្រោងឈានមុខគេដែលសម្រេចបានសម្រាប់ម៉ូដែលរថយន្តពេញនិយមរបស់ Toyota រួមមាន Camry, Sienna, និង Highlander ជំនាន់ក្រោយ ដែលបង្ហាញពីចំណុចសំខាន់មួយពីកម្មវិធីដែលធ្វើសមកាលកម្មជាសកលទៅនឹងការច្នៃប្រឌិតដំបូងរបស់ប្រទេសចិន៕
