កាលពីពេលថ្មីៗនេះក្រុមហ៊ុន BYD Australia បានប្រកាសថា ក្រុមហ៊ុនខ្លួនមិនត្រឹមតែមានម៉ូដែល Shark 6 PHEV Pick up តែមួយប៉ុណ្ណោះទេ សម្រាប់ទីផ្សារអូស្ត្រាលី ដោយក្រុមហ៊ុនក៏មានត្រៀមម៉ូដែល Flagship Shark 6 ថ្មីមួយម៉ូដែលទៀត ដើម្បីប្រជែងទីផ្សារឡាន Flagship Pick up ក្នុងប្រទេសអូស្ត្រាលីផងដែរ។
ថ្លៃងទៅកាន់បណ្តាញសារព័ត៌មាន Drive ប្រធានផ្នែកផលិតផលរបស់ BYD Australia លោក Said Hasan បាននិយាយថា ការងារកំពុងដំណើរការរួចរាល់ហើយ ដើម្បីផ្តល់ជូន រថយន្តម៉ូដែ Shark 6 ម៉ូដែលថ្មីបន្ថែមពីលើរថយន្តបច្ចុប្បន្ន ដែលបានចេញលក់កាលពីចុងឆ្នាំមុន។
លោក Hasan បាននិយាយថា “ឡាន Pick up ថ្មីដែលប្រើប្រាស់តួរខ្លួនជាប្រភេទ Cab-chassis គឺពិតជាស្ថិតនៅក្នុងផែនការ និងការផ្តល់ជូនដែលតម្រូវឱ្យសមស្របទៅនឹងតម្រូវការប្រើប្រាស់កម្រិតធ្ងន់ និងការប្រើប្រាស់ផ្លូវលំបាកៗ off-road កាន់តែមានប្រសិទ្ធិភាពខ្ពស់។ សម្រាប់វត្តមានរបស់ BYD Shark 6 ម៉ូដែលថ្មី ដែល BYD ឲ្យរហ័សនាមថា វិរៈបុរស ឬ Hero គឺមានគោលដៅសំខាន់ក្នុងការដាក់ប្រគូតប្រជែងទីផ្សារជាមួយនឹងឡាន Pick up ល្បីៗដូចជា Ford Ranger Raptor, Nissan Navara Warrior, Isuzu D-Max Blade, និង Toyota HiLux GR Sport ជាដើម។
បច្ចុប្បន្ន BYD Shark 6 គឺជាឡាន Plug-in-hybrid ដ៏មានដ៏ពេញនិយមបំផុតមួយក្នុងទីផ្សារឡាន Dual-cap pick up។ ឡានភីកអាប់របស់ប្រទេសចិនមួយនេះមានកំលាំងដល់ 321kW និងកម្លាំងរមូល 650Nm ដែលផលិតដោយម៉ាស៊ីន Hybrid 1.5-liter turbo-petrol engine និងម៉ូទ័រអគ្គិសនីពីរ។
បើធៀបនឹង Ford Ranger Raptor ដែលប្រើម៉ាស៊ីនម៉ាស៊ូតកម្លាំង 292kW និងកម្លាំងរមូល 583Nm, Isuzu D-Max Blade មានកម្លាំង 140kW/450Nm, Premcar-fettled Navara Warrior មានកម្លាំង 140kW/450Nm និង Toyota HiLux GR Sport មានកម្លាំង 165kW/550Nm។ BYD Shark 6 បំពាក់កញ្ចប់ថ្មទំហំ 29.6kWh ដែលការសាកភ្លើងមួយពេញម្តងអាចជិះបានចម្ងាយដល់ 100km ដោយប្រើថាមពលថ្មសុទ្ធ ខណៈការប្រើគូបជាមួយម៉ាស៊ីនចាក់សាំងពេញអាចជិះបានចម្ងាយដល់ 840km ឯណោះ។
ហើយអ្វីដែលធ្វើឲ្យ Shark 6 ទទួលបានការចាប់អារម្មខ្លាំងយ៉ាងឆាប់រហ័សនៅលើទីផ្សារឡាន Pick up នោះ គឺទៅលើប្រព័ន្ធសុវត្ថិភាពកម្រិតខ្ពស់។ ដោយ BYD Shark 6 ទទួលបានចំណាត់ថ្នាក់ផ្កាយ 5 ពីស្ថាប័ន ANCAP កាលពីដើមឆ្នាំ។ មួយវិញទៀត គឺកត្តាតម្លៃ ដោយ BYD Shark 6 ត្រូវបានក្រុមហ៊ុនចេញលក់ក្នុងតម្លៃខ្ទង់ប្រមាណជា $57,990 តម្លៃមិនទាន់គិតពន្ធនាំចូលក្នុងទីផ្សារអូស្រ្តាលី ដែលតម្លៃនេះ ឃើញថា ធូរថ្លៃច្រើនជាងឡាន Pick up មកពីក្រុមហ៊ុនអាមេរិក និងជប៉ុន។ ទោះជាយ៉ាងណាសម្រាប់ លក្ខណៈសម្បត្តិ តម្លៃ និងថ្ងៃប្រកាសចេញសម្រាប់ BYD Shark 6 ម៉ូដែលថ្មី ក្រុមហ៊ុនមិនទាន់បង្ហើបឲ្យដឹងនៅឡើយទេក្នុងពេលនេះ៕
