no-alternative title
no-alternative title
no-alternative title
no-alternative title
no-alternative title
no-alternative title

ក្រុមហ៊ុន Volvo នឹងបង្ហាញចេញនូវរថយន្តអេឡិចត្រូនិចជំនាន់ថ្មីរបស់ខ្លួននៅឆ្នាំនេះ

ដូចគ្នាទៅនឹងក្រុមហ៊ុនផលិតរថយន្តជាច្រើនផ្សេងទៀតដែរ ក្រុមហ៊ុន Volvo មានគម្រោងក្នុងការផលិតនូវរថយន្តស៊េរីថ្មីរបស់ខ្លុនជាប្រភេទអេឡិចត្រូនិចទាំងអស់។ នៅត្រឹមឆ្នាំ 2025 នេះ ក្រុមហ៊ុនផលិតរថយន្តរបស់ស៊ុយអែតនេះ រំពឹងថា រថយន្ត EVs របស់ខ្លួននឹងមានការកើនឡើងនៃការលក់ដល់ពាក់កណ្តាលនៃរថយន្តរបស់ខ្លួន ហើយវាក៏មានគម្រោងក្នុងការបញ្ចេញនូវរថយន្តអេឡិចត្រូនិចចំនួន 5 ម៉ូដែលនៅចន្លោះឆ្នាំ 2019 និងឆ្នាំ 2021 នេះ។ ម៉ាកយីហោ Polestar របស់ក្រុមហ៊ុន Volvo ក៏បញ្ចេញនូវរថយន្ត EV ដំបូងបំផុតរបស់ខ្លួនរួចមកហើយដែលមានឈ្មោះថា Polestar 2 ដែលជាគូរប្រជែងរបស់រថយន្ត Tesla Model 3 ប៉ុន្តែសម្រាប់រថយន្តអេឡិចត្រូនិចម៉ូដែលដំបូងរបស់ក្រុមហ៊ុន Volvo នឹងជារថយន្តប្រភេទ EV version របស់រថយន្ត XC40 SUV ។

តាមការបញ្ជាក់របស់ Automotive News បានអោយដឹងថា រថយន្តអេឡិចត្រូនិច XC40 នេះ នឹងបង្ហាញខ្លួនមុនដាច់ឆ្នាំនេះ ប៉ុន្តែសម្រាប់លក្ខណៈសម្បត្តិលម្អិតរបស់វានៅមិនទាន់បបង្ហាញអោយដឹងនៅឡើយទេ។ ក្រុមហ៊ុននេះ គឺធ្វើការបង្ហាញអំពីព័ត៌មាននេះ នៅក្នុងព្រឹត្តិការណ៍មួយរបស់ក្រុមហ៊ុននៅក្នុងទីក្រុង Gothenburg តែប៉ុណ្ណោះ។ ដូចគ្នាទៅនឹងរថយន្ត XC40 ដែរ រថយន្តអេឡិចត្រូនិចនេះ នឹងប្រើប្រាស់នូវស្ថាបត្យកម្ម Compact Modular Architecture របស់ក្រុមហ៊ុន Volvo ដែលធ្លាប់បានប្រើប្រាស់នៅលើរថយន្ត Lynk & Co 01, 02និង 03 ដែលដាក់លក់នៅក្នុងប្រទេសចិន និងទីផ្សារបរទេសផងដែរ។

no-alternative title

រថយន្ត Volvo XC40 ប្រកាសបង្ហាញខ្លួននៅក្នុងឆ្នាំ 2017 ហើយវាក៏ជារថយន្តដែលលក់ដាច់បំផុតលំដាប់ទី 2 របស់ពិភពលោកបន្ទាប់ពីរថយន្តបងប្អូនរបស់វា XC60 ដែលមានទំហំធំជាងនោះ។ នៅក្នុងការធ្វើអធិប្បាយដោយលោក CEO Hakan Samuelsson របស់ក្រុមហ៊ុន Volvo និយាយថា រថយន្តអេឡិចត្រូនិច XC40 នេះនឹងមានតម្លៃប្រហែលជា $50,000 ។ វាមានតម្លៃថោកជាងរថយន្ត Jaguar I-Pace ដូចនេះវាអាចជាសក្តានុពលនៃការលក់យ៉ាងជោគជ័យរបស់ក្រុមហ៊ុននេះនៅពេលដែលវាបង្ហាញខ្លួននៅក្នុងឆ្នាំ 2020 នោះ។

មុនពេលដែលរថយន្ត XC40 អេឡិចត្រូនិចនេះ ដាក់លក់នោះ វាក៏មានរថយន្ត plug-in hybrid versions SUV ចំនួន 2 ម៉ូដែលទៀតដែលអាចរកទិញបាន។ រថយន្ត XC40 បច្ចុប្បន្ននេះប្រើប្រាស់នូវម៉ាស៊ីន T5 Twin Engine trim ជាមួយនឹងម៉ាស៊ីនម៉ាស៊ូត 1.5-liter 3 ស៊ីឡាំងហើយវាក៏មានអាគុយសម្រាប់បញ្ជូនថាមពលទៅកាន់ម៉ូទ័រអេឡិចត្រូនិច។ ក្រុមហ៊ុន Volvo រំពឹងថា រថយន្ត plug-in-hybrids នឹងមានចំនួនរហូតដល់ទៅ 25% នៃការលក់នៅលើពិភពលោកនោះ៕   

 

no-alternative title
no-alternative title

no-alternative title
ព័ត៌មានពាណិជ្ជកម្ម