ការលក់របស់ក្រុមហ៊ុនផលិតរថយន្ត Kia ត្រូវបានគេដឹងថា គឺមានកំណើនកើនឡើងយ៉ាងខ្លាំងបើធៀបនៅក្នុងរយៈពេលប៉ុន្មានទសវត្សន៍នេះ ជាមួយនឹងការពង្រឹងទៅលើផលិតកម្មនៃរថយន្តរបស់ខ្លួន ដើម្បីប្រកួតប្រជែងជាមួយនឹងរថយន្តម៉ូឌែលប្រណិតៗជាច្រើនទៀតរបស់អាល្លឺម៉ង់ដូចជាក្រុមហ៊ុន BMW និង Audi។
ខណៈពេលដែលឆ្នាំ 2020 នេះ ចាប់ផ្តើមហើយនោះ នៅមិនទាន់ច្បាស់ទេថា ការលក់រថយន្តរបស់ម៉ាកយីហោរបស់ប្រទេសកូរ៉េខាងត្បូងនេះ នឹងបន្តកើនឡើងនោះទេនៅក្នុងពេលដែលមានការប្រឈមមុខទៅនឹងមេរោគរាតត្បាតកូរ៉ូណាវីរុសនេះ។
អាជីវកម្មនៃការលក់នៅក្នុងត្រីមាសទី 1 នេះ គឺមានការទម្លាយផងដែរ។ សម្រាប់ត្រីមាសទី 1 នៅក្នុងឆ្នាំ 2020 នេះ ត្រូវគេរំពឹងថា មានការកើនឡើងទៅលើប្រាក់ចំណេញចំនួន 17.1% បើធៀបទៅនឹងរយៈពេលដូចគ្នាទៅនឹងឆ្នាំមុននេះ ហើយរថយន្តដែលមានការពេញនិយមនោះគឺ Kia Seltos និង Kia Telluride។
ចំនួននៃការលក់រថយន្តនេះ គឺមានការធ្លាក់ចុះផងដែរជាមួយនឹងការលក់បានចំនួន 648,685 គ្រឿងនៅក្នុងរយៈពេល 3 ខែដំបូងនៅក្នុងឆ្នាំ 2020 នេះបើធៀបជាមួយនឹងចំនួន 661,355 គ្រឿងកាលពីឆ្នាំមុននេះ ដែលមានការធ្លាក់ចុះចំនួន 2.6% នៅក្រៅប្រទេសកូរ៉េនេះ គឺដោយសារតែមេរោគរាតត្បាតកូរ៉ូណាវីរុសនោះ។ ទោះបីជាមានការកើនឡើងនៃប្រាក់ចំណេញក៏ដោយនោះ ប្រាក់ចំណេញនេះគឺមានការធ្លាក់ចុះ 25.2% ដែលប្រាក់ចំណេញដុលមានការធ្លាក់ចុះកាន់តែខ្លាំងគឺដល់ទៅ 59% ដែលមានទឹកប្រាក់ចំនួន KRW 266 ពាន់លាន ($215.5 លានដុល្លារអាមេរិក)។
នៅពេលដែលការផ្ទុះឡើងនៃមេរោគ Covid-19 នៅតែបន្តនោះ ការលកនៅលើទីផ្សាររបស់ពិភពលោកនៅក្នុងត្រីមាសទី 2 របស់ក្រុមហ៊ុននេះក៏មានការជះឥទ្ធិពលផងដែរ។ ខណៈពេលទីផ្សាររថយន្តនៅក្នុងប្រទេសចិនគឺវិលត្រឡប់ទៅកាន់សភាពធម្មតាហើយនោះ ផ្នែកជាច្រើនទៀតនៅក្នុងប្រទេសនេះ គឺស្ថិតនៅក្នុងស្ថានភាពនៃការបិទប្រទេសនៅឡើយទេហើយក្រុមហ៊ុនជាច្រើនក៏ធ្វើការបញ្ឈប់ទៅលើផលិតកម្ម និងការពន្យារពេលទៅលើការបើកដំណើរការរោងចក្រជាច្រើនរបស់ខ្លួនផងដែរ។ ក្រុមហ៊ុន Kia នឹងប្រឈមទៅនឹងការធ្លាក់ចុះនេះជាមួយនឹងការផ្តោតទៅលើរថយន្ត SUVs ។
សម្រាប់រថយន្ត Seltos និង Telluride គឺទទួលបានជោគជ័យខ្លាំងក្លាមែនទែន ហយវាក៏ទទួលបាននូវពានរង្វាន់ Telluride ផងដែរ។ ក្រុមហ៊ុននេះក៏នឹងផ្តោតទៅលើរថយន្ត EVs នៅក្នុងយុទ្ធសាស្រ្ត 'Plan S' របស់ក្រុមហ៊ុន Kia ក្នុងការផលិតរថយន្ត EVs ចំនួន 11 គ្រឿងនៅត្រឹមឆ្នាំ 2025 នេះ ហើយវាមានការកើនឡើងទៅលើប្រាក់ចំណេញដល់ទៅ 6% នៅក្នុងរយៈពេលដូចគ្នានេះ៕