ក្រុមហ៊ុន Segway-Ninebot ដៃគូសហការរបស់ក្រុមហ៊ុន Xiaomi បានបង្ហាញនូវកង់អគ្គិសនី Ninebot F25 Electric Scooter នៅក្នុងប្រទេសចិនហើយ។ សម្រាប់កង់នេះ អាចធ្វើការបត់បានយ៉ាងទាន់សម័យបំផុត។ កង់អគ្គិសនី MIJIA electric scooters គឺមានការឌីស្សាញដូចគ្នាចាប់តាំងពីកង់នេះធ្វើការផលិតពីក្រុមហ៊ុន Ninebot ។ កង់អគ្គិសនី Electric scooters នេះ ចាប់ផ្តើមមានការពេញនិយមក្នុងការប្រើប្រាស់ដោយសារតែវាមានភាពងាយស្រួលក្នុងការថែទាំ ងាយស្រួលក្នុងការចល័ត និងតម្លៃសមរម្យថែមទៀត។ កង់អគ្គិសនីនេះ មានកង់ដែលមានទំហំ 10 អ៊ីងចំនួន 2។
ក្រុមហ៊ុន Ninebot បាននិយាយថា កង់នេះ គឺធន់ក្នុងការប្រើប្រាស់បើធៀបទៅនឹងកង់ជំនាន់មុនៗ។ កង់នេះ មិនងាយក្នុងការរអិលនៅលើផ្លូវដែលសើមនោះទេ។ កង់អគ្គិសនី Ninebot F25 Electric Scooter នេះ ប្រើប្រាស់នូវ Hall-less motor ដែលមានអាយុកាលដល់ទៅ 3000 ម៉ោង។ ថាមពលថ្មរបស់វាគឺនឹងមានកម្រិតដល់ទៅ 70% បន្ទាប់ពីប្រើប្រាស់អស់រយៈពេល 5 ឆ្នាំ។ ថាមពេលដែលប្រើប្រាស់នៅលើកង់នេះ គឺមានកម្លាំង 300W អាចធ្វើដំណើរការបានចម្ងាយ 20km។ កង់អគ្គិសនីនេះមាន 3 Modes នោះគឺ Energy-saving Mode, Standard Mode និង Sports Mode។
វាក៏មានអេក្រង់ LED ហើយវាងាយស្រួលក្នុងការផ្លាស់ប្តូរទៅលើ Modes នេះថែមទៀត។ សម្រាប់ Energy Mode គឺមានល្បឿន 15km/h ខណៈពេលដែល Standard និង Sports Modes គឺមានល្បឿន 25km/h ។ កង់អគ្គិសនី Ninebot F25 Electric Scooter នេះគឺមានបច្ចេកវិទ្យា BMS management technology ដែលបង្ហាញអំពីស្ថានភាពរបស់ថាមពលថ្មថែមទៀត។ កង់ Ninebot F25 Electric Scooter នេះបង្ហាញខ្លួននៅលើ Jingdong នៅក្នុងតម្លៃ 1,599 yuan (~$244) ៕
