Subaru គឺជាក្រុមហ៊ុនផលិតរថយន្តដ៏ធំមួយរបស់ប្រទេសជប៉ុន ក្រុមហ៊ុននេះ តែងតែនាំមកនូវរថយន្តទំនើបៗជាច្រើនមកកាន់ទីផ្សារ។ ក្រុមហ៊ុននេះ ក៏ជាម៉ាកយីហោដែលមានការជឿជាក់ពីសំណាក់អ្នកប្រើប្រាស់ផងដែរ។ កាលពីឆ្នាំ 2018 កន្លងទៅនេះ ក្រុមហ៊ុននេះក៏បានប្រកាសសធ្វើការប្រមូលរថយន្ត 1 ភាគ 4 នៃរថយន្ត 1 លានគ្រឿងរបស់ខ្លួនផងដែរ ដោយសារតែកំហុសបច្ចេកទេសេ។ មួយឆ្នាំក្រោយមក ក្រុមហ៊ុននេះ បានធ្វើការប្រមូលនូវរថយន្តចំនួន 2.3 លានគ្រឿងបន្ថែមទៀត។
នៅពេលនេះ ក្រុមហ៊ុននេះ ក៏បានប្រកាសប្រមូលនូវរថយន្ត Impreza របស់ខ្លួនដែលផលិតក្នុងចន្លោះឆ្នាំ 2017-2109 និង រថយន្ត Crosstrek ឆ្នាំ 2018-2019 រួមនិងរថយន្ត Forester ឆ្នាំ 2017 ផងដែរ។ សរុបនៃការប្រកាសប្រមូលមកវិញនូវរថយន្តទាំងនេះគឺមានចំនួនជិត 1 លានគ្រឿង ប៉ុន្តែវាមិនមានការរាយការណ៍អំពីបញ្ហា ឬគ្រោះថ្នាក់អ្វីកើតឡើងនៅលើអ្នកប្រើប្រាស់នោះទេ។ គួរបញ្ជាក់ថា គ្រប់ក្រុមហ៊ុនទាំងអស់ គឺសុទ្ធតែបង្កើតនូវកំហុសជាច្រើន មិនថាតែ Subaru នោះទេ។
តាមការបញ្ជាក់នៅក្នុងព័ត៌មានខាងលើនេះ បានអោយដឹងថា ការប្រកាសប្រមូលជាលើកទី 1 នោះ គឺដើម្បីធ្វើការឆែកមើល និងអាប់ដេតទៅលើប្រព័ន្ធគ្រប់គ្រងម៉ាស៊ីន (engine control module programming) និងការផ្លាស់ប្តូរទៅលើបញ្ហានៃ ignition coils។ កន្លងមកមានការប្រមូលនូវរថយន្ត 466,205 គ្រឿងដែលមាន Impreza ម៉ូដែលឆ្នាំ 2017-2019 និង Crosstrek ម៉ូដែល 2018-2019 ផងដែរ។
ក្រុមហ៊ុន Subaru បាននិយាយថា ការប្រមូលរថយន្តនេះ គឺធ្វើឡើងយ៉ាងប្រុងប្រយ័ត្នជាទីបំផុតដើម្បីការពារសុវត្ថិភាពរបស់អតិថិជនរបស់ខ្លួននៅជុំវិញពិភពលោក។ ប្រភពដដែលបានបន្តថា សម្រាប់ការប្រមូលជាលើកទី 2 នេះ គឺមានភាពធ្ងន់ធ្ងរបន្តិចប៉ុន្តែមិនបានបញ្ជាក់ពីមូលហតុទេ។
លើកនេះ ក្រុមហ៊ុននេះ បានបង្ហាញពីការប្រមូលទៅលើរថយន្ត Forester 2019 និង Crosstrek 2019 ដែលទាមទារនូវការវិភាគ និងប្រព័ន្ធទប់លំនឹងរបស់រថយន្តនេះជាបន្ទាន់។ សម្រាប់តួរលេខនៃការប្រមូលរថយន្តនេះ គឺមានចំនួនដល់ទៅ 405,000 គ្រឿង។ ក្រុមហ៊ុន Subaru បាននិយាយថា ខ្លួននឹងផ្ញើអ៊ីម៉ែលជូនដំណឹងទៅកាន់ម្ចាស់រថយន្តនៅក្នុងពេល 60 ថ្ងៃ។ យើងសង្ឃឹមថា រថយន្តជំនាន់ថ្មីៗនេះ នឹងមិនមានបញ្ហាអ្វីកើតឡើងទៀតនោះទេ៕
